Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Elşad Nəsirli: “Avropa İttifaqı ölkələrinə qaz nəqlini nəzərdə tutan kəmərin fəaliyyəti dayandırıla bilər”
Rusiya Yeni il ərəfəsində Avropa ölkələrini yenidən qazsız qoymaqla hədələyib. Rusiya Prezidenti Dmitri Medvedev bildirib ki, 2010-cu ildə Avropaya nəql olunacaq qazın tranzit tariflərinə yenidən baxılması zərurəti meydana çıxarsa, bu, ilk növbədə Avropa dövlətlərinə zərər verəcək. Xatırladaq ki, Ukrayna Rusiya ilə 2009-cu ilin yanvarında imzalanmış tranzit müqaviləsinin müddətinin 2010-cu ildə bitdiyini bəyan edərək, sazişə yenidən baxılmasının vacibliyini bildirib. Rəsmi Kiyev 2010-cu ildə qaz marşrutunun tranzit tariflərini artırmaq niyyətindədir. Rusiya Prezidenti isə Ukrayna hökumətinin bəyanatını məsuliyyətsizlik kimi dəyərləndirib, "Mən bu müqaviləyə yenidən baxılması təkliflərini tamamilə məsuliyyətsizlik hesab edirəm" - deyən Prezident Medvedev onu da qeyd edib ki, əgər Ukrayna razılaşmaya əməl etməsə, Avropaya bu qış qaz nəqlində problemlər meydana çıxacaq. Politoloq, geoiqtisadi məsələlər üzrə ekspert Elşad Nəsirli hesab edir ki, Medvedevin səsləndirdiyi fikirlər ciddi siqnaldır və Avropa ölkələri bu barədə düşünməlidirlər. Onlar Rusiyanın şaxtalı qış günlərində ata biləcəyi addımları nəzərə alaraq Ukraynanı kompromisə gəlməyə vadar etməlidir: "Rusiya istənilən anda Avropa İttifaqı ölkələrinə qaz nəql olunan kəmərin fəaliyyətini dayandıra bilər. Çünki belə hallara bir neçə dəfə təsadüf olunub. Sonuncu dəfə Rusiya ilə Avropa Birliyi arasında qaz münaqişəsinin gərginləşməsi Yeni ilin ilk günlərində baş verib. Kreml "qaz spekulyasiyalarından" istifadə edərək Avropa İttifaqı üçün ağır olan yanacaq böhranı yaradıb. Nəticədə Aİ ölkələri Ukraynanı güzəştli saziş imzalamağa razı saldılar. On günlük qaz böhranı Avropa üçün xəbərdarlıq idi". E.Nəsirlinin fikrincə, rəsmi Moskvanın istənilən vaxt siyasi və iqtisadi təzyiq vasitəsi kimi qaz amilindən istifadə edəcəyi şübhə doğurmur: "Rusiya Aİ-nin regional siyasətindən və post-sovet məkanında strateji hədəflərə nail olmaq üçün atdığı addımlara dəfələrlə adekvat cavab verib. Aİ-nin bu regionda möhkəmlənmək üçün gerçəkləşdirmək istədiyi layihələr Kremli narahat etməyə bilməz. Qaz nəqli ilə bağlı problemlərin meydana çıxmasına da həmin amillər təsir göstərir". Ekspert hesab edir ki, Avropa İttifaqı mövcud vəziyyəti nəzərə aldaraq problemi birdəfəlik həll etməlidir. Bunun üçün daha etibarlı və təminatlı yanacaq marşrutunun çəkilişini reallaşdırmaq lazımdır: "Avropa uzunömürlü qaz kəməri layihəsini müəyyənləşdirib. Bu marşrut isə NABUCCO kəməri hesab olunur. Aİ həmin marşrutun çəkilməsi üçün təcili addımlar atmalıdır. 2009-cu ilin yanvarında baş verən hadisələrdən sonra Avropa ölkələrinin NABUCCO-ya olan marağı xeyli artdı və onlar kəmərin çəkilişi istiqamətində fəallaşdı. Hətta qaz kəmərinin çəkilməsinə dair hökumətlərarası saziş də imzalanıb. Amma real işə gəlincə, Aİ bir qədər passiv görünür. Hətta Aİ-nin bir sıra ölkələri NABUCCO-nun alternativi olan və Rusiyanın maraqlarına cavab verən layihələrə qoşulmaq barədə sazişə də imza atıb. Bu kimi hallar NABUCCO-nun reallaşmasını ləngidir". Eltac.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Elşad Nəsirli: “Avropa İttifaqı ölkələrinə qaz nəqlini nəzərdə tutan kəmərin fəaliyyəti dayandırıla bilər”