Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
50-dən çox tikinti şirkəti 2009-cu ildə bina inşa etməkdən imtina edib
Son iki ayda tikinti materiallarının qiymətlərində 5 faizə yaxın ucuzlaşma baş verib. Ən çox istifadə olunan tikinti mallarından qum, sement, çınqıl, mişar daşı, kərpic, taxta, armatur, künyə, dəmir təbəqə, dikt, sink təbəqə, dam örtüyü, şüşə ucuzlaşmaya məruz qalıb. Araşdırmalar göstərir ki, qiymət ucuzlaşmasına səbəb tikinti materiallarına olan tələbin azalması olub. Dekabrın ortalarından başlayaraq tikinti sektorunda sifarişlərin miqyası azalıb, torpaq sahələrində yeni evlərin inşası, eyni zamanda tikinti şirkətlərinin işlərinin həcmi xeyli aşağı düşüb.
"Əmlak Bazarı İştirakçıları Birliyi"ndən verilən xəbərə görə, ötən il ölkə üzrə tikinti-quraşdırma, bərpa, yenidənqurma işləri xeyli azalıb. 2009-cu ildə tikinti-quraşdırma işlərinə yönəldilmiş investisiyaların həcmi 5 milyard manat təşkil edib ki, bu da əvvəlki illə müqayisədə təxminən 1 milyard manat azdır. Belə ki, 2008-ci ildə tikinti-quraşdırma işlərinə yönəldilmiş vəsaitlərin həcmi 5 milyard 920 milyon manata yaxın olub. Həmin il 1 milyon 845 min kvadratmetr yaşayış sahəsi tikilib istifadəyə verilib. İstifadəyə verilmiş yaşayış evləri üzrə mənzillərin ümumi sayı 17 min ədəd olub. 2009-cu ildə isə bu sahədə 22 faizə yaxın azalma qeydə alınıb. 2009-cu ildə tikinti sektorunda aparılan işlərin təxminən 20 faizini əvvəlki ildə inşasına start verilmiş layihələrin icrasının davam etdirilməsi təşkil edib. Yəni 2009-cu ildə tikinti sahəsinə sərf olunmuş 1 milyard manatlıq vəsait 2008-ci ildən transfert olunmuş pullar hesab olunur. Bu isə o deməkdir ki, əslində ötən il 2008-ci illə müqayisədə 2 milyard manatlıq az tikinti-quraşdırma işləri görülüb. Məsələ ondadır ki, ötən il tikinti sektoruna yönəlmiş investisiyaların strukturunda özəl şirkətlərin payı azalıb. Bu sahədə dövlətin payı 10 faizə yaxın artıb. Tikinti işlərində daha çox birgə müəssisə və təşkilatlar, iri şirkətlər əsas rol oynayıb. Orta və kiçik müəssisələrin payı 4-5 dəfə azalıb. 2006-2008-ci illərdə inşaat işlərinə cəlb olunmuş daha aktiv tikinti şirkətlərinin sayı 80-dən çox idisə, hazırda bu bazarda 30-a yaxın iri şirkət fəaliyyət göstərir. 2008-ci illə müqayisədə 2009-cu ildə tikinti sektorunda əhalinin xüsusi vəsaiti hesabına inşa olunmuş yaşayış sahələrinin çəkisi isə iki dəfədən çox azalıb. Belə ki, əvvəlki illərlə müqayisədə əhalinin vəsaitləri hesabına tikilmiş yaşayış fondu ümumi tikinti işlərində 15 faiz təşkil edirdisə, ötən il bu rəqəm 4 faiz olub. Həm tikinti sektorunda fəaliyyət göstərən şirkətlərin sayının azalması, həm də ümumilikdə tikinti-bərpa işlərinin həcminin aşağı düşməsi inşaat materiallarının da qiymətlərinin aşağı düşməsinə səbəb olub.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
50-dən çox tikinti şirkəti 2009-cu ildə bina inşa etməkdən imtina edib