Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Azərbaycanda uyğunluq sertifikatı olmayan məhsulların satışı xeyli azalıb. Qanunvericilikdə xaricdən gətirilən məhsulların məcburi sertifikatlaşdırılması yer alsa da, bəzi şirkətlər və sahibkarlar buna əməl etmir.
Standartlaşdırma, Metrologiya və Patent üzrə Dövlət Komitəsinin şöbə müdiri Mənsim Babayev kütləvi informasiya vasitələrinə açıqlamasında bildirib ki, keçirilmiş reydlər nəticəsində belə məhsulların çoxu bazardan çıxarılıb. Pərakəndə satış obyektlərində məhsulların uyğunluq sənədlərinin olmamasına gəlincə, komitə rəsmisi deyir ki, pərakəndə ticarətlə məşğul olanlar belə sənədləri idxal şirkətlərindən tələb etməlidir: "İdxal olunan məhsullar idxal olunmamışdan öncə idxalçı firma tərəfindən həmin məhsul nümunələri ölkəyə gətirilməlidir. Sonradan həmin məhsul nümunələri və sənədləri təqdim olunmalıdır və komitə tərəfindən məhsulların müayinə sınaqları aparılmalıdır". M.Babayev bildirib ki, Azərbaycanın bu sahədə bir neçə dövlətlərlə, xüsusilə də MDB ölkələri, Bolqarıstan, Türkiyə və İranla qarşılıqlı müqaviləsi var. Sənədə əsasən bu ölkələr öz aralarında məhsullara verilən sertifikatları tanıyır. Belə halda idxalçı şirkət bəzi hallar istisna olmaqla qabaqcadan məhsul nümunəsini gətirmək məcburiyyətində olmur: "Həmin ölkələrdən bizə idxal olunan məhsullar ölkələrin uyğunluq sertifikatları və məhsulun mənşəyini təsdiq edən sənədlər, həmçinin məhsul nümunəsi baxış üçün sertifikatlaşdırma orqanına təqdim olunur. Bu məhsul orqan tərəfindən analiz olunduqdan sonra ehtiyac olduqda həmin məhsulların laborator analizləri aparılır. Əgər bu məhsulun xarici görünüşündə, keyfiyyət baxımından şübhə doğuran hallar olarsa, yenidən laborator analizlər aparılır. Belə bir müayinənin keçirilməsinə ehtiyac olmadıqda məhsulun markalanması və digər göstəricilərin Azərbaycan dilində olması yoxlanıldıqdan sonra sertifikatlaşdırma orqanı tərəfindən məhsulun bazara çıxarılmasına icazə verilir". Yeri gəlmişkən, cərimələrin artırılmasına baxmayaraq, bəzi sahibkarlar uğyunluq sertifikatı almadan ölkəyə mal idxalı və satışından çəkinmir.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Azərbaycanda uyğunluq sertifikatı olmayan məhsulların satışı xeyli azalıb. Qanunvericilikdə xaricdən gətirilən məhsulların məcburi sertifikatlaşdırılması yer alsa da, bəzi şirkətlər və sahibkarlar buna əməl etmir.