Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Azərbaycan və Gürcüstan hökumətləri Bakı-Tbilisi-Qars dəmir yolunun ardınca, bölgədə daha bir nəqliyyat infrastrukturunun- Bakı-Batumi avtomobil magistralının yaradılmasına dair birgə anlaşma əldə ediblər. Prezident İlham Əliyevin bir neçə gün əvvəl Batumiyə səfəri zamanı qonşu ölkənin dövlət başçsı Mixeil Saakaşvili ilə birgə yeni layihələrin həyata keçirilməsinin perspektivləri müzakirə olunub. Həmin layihələr sırasında isə Bakı-Batumi avtomobil yolu xüsusi əhəmiyyət kəsb edir.
Ekspert Elman Nəsirlinin fikrincə, Bakı-Batumi avtomobil magistralının reallaşması Qafqaz regionunda daha bir trans-nəqliyyat sisteminin işə düşməsinə əlverişli zəmin yaratmış olur. Azərbaycandan Gürcüstan sərhədinə qədər uzanacaq dördzolaqlı avtomagistral yolu Azərbaycanla digər qonşu dövlətləri, eyni zamanda bütün bölgə ölkələrini bir-biri ilə bağlayacaq. Bu yol vasitəsilə birbaşa İstanbula da getmək mümkün olacaq. Nəzərə alsaq ki, Batumi həm də dəniz nəqliyyatının kəsişməsində yerləşən strateji nöqdədir, onda Bakı-Batumi avtomobil magistralının hansı əhəmiyyət kəsb etdiyini görmək olar. Ukrayna, Rumıniya, Rusiya, Türkiyə və digər ölkələr Batumi limanından daxil olan yük daşınmalarını Mərkəzi Asiya dövlətlərinə nəql etmək üçün ən sərfəli marşrut kimi Bakı-Batumi avtomobil yolunun imkanlarından istifadə edə bilərlər. E.Nəsirlinin qənaətinə görə, Bakı- Batumi avtomobil yolu layihəsi böyük nəqliyyat kompleksi olmaqla yanaşı, həm də böyük turizm marşrutuna çevriləcək. Gürcüstanın və Azərbaycanın, eləcə də qardaş Türkiyənin ən mühüm turizm obyektləri də məhz bu magistral yolunun yaxınlığında yerləşir. Eyni zamanda böyük turizm şəbəkəsinə malik olan Batumiyə getmək üçün yeni magistralın mühüm əhəmiyyəti olacaq. Azərbaycan şirkətlərindən biri Batumi şəhərində ən müasir dizayna və infrastruktura malik mehmanxananın tikintisi üçün Gürcüstan hökuməti ilə razılaşma əldə edib. Bu hotel kompleksi Gürcüstanın turizm sənayesində ən iri obyektlərdən biri olacaq və Batumi limanı zonasında analoqu olmayacaq. Beləliklə, liman şəhəri turizm mərkəzinə çevrilməklə böyük turist axını ilə qarşılaşacaq. Azərbaycanın sərmayələri hesabına Gürcüstanın turizmi inkişaf edəcək, iqtisadiyyatında artım yaranacaq. Bundan başqa, respublikamız Batumidə digər layihələrin də həyata keçirilməsinə sərmayə yatıracaq. Dövlət Neft Şirkəti hazırda Batumidə ən iri yanacaq-enerji kompleksinin inşası ilə bağlı tədbirlər görür. Bir sözlə, Batumi infrastrukturun yeniləşməsi, müasir şəhərsalma və turizm sənayesi baxımından əhəmiyyətini artırır. Politoloq Rasim Musabəyov isə hesab edir ki, Bakı-Batumi kommunikasiya dəhlizi iqtisadi mahiyyət kəsb etməklə yanaşı, geosiyasi mahiyyətinə görə də strateji əhəmiyyətə malikdir. Təbii ki, sülh və təhlükəsizliyin möhkəmlənməsinə xidmət edən bu nəqliyyat infrastrukturunda işğalçı və təzavüzkarların iştirakı mümkün deyil və bu mənada Ermənistan Cənubi Qafqazdakı ən mühüm marşrutlardan birindən də kənarda qalmış olacaq. R.Musabəyov qeyd edir ki, rəsmi Bakı ilə Tbilisi arasındakı strateji əməkdaşlığın nəticəsi olan yeni layihələrin həyata keçirilməsi bir daha regionda geniş əməkdaşlıq dəhlizinin möhkəmlənməsinə xidmət edir. Hər iki ölkə yeni infrastruktur, enerji, nəqliyyat layihələrinin sayını artırmaqla bölgə dövlətlərini qarşılıqlı əməkdaşlığa, səmimi dostluğa dəvət etmiş olur. Azərbaycan və Gürcüstan strateji dostluğu və müttəfiqliyi dünya miqyasında çox mühüm amilə çevrilib. Hər iki ölkə regionda sıx inteqrasiya, konfederativ münasibətlər sisteminin qurulması üçün mühüm ənənənin əsasını qoyublar.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Azərbaycan və Gürcüstan hökumətləri Bakı-Tbilisi-Qars dəmir yolunun ardınca, bölgədə daha bir nəqliyyat infrastrukturunun- Bakı-Batumi avtomobil magistralının yaradılmasına dair birgə anlaşma əldə ediblər.