Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
VERGİLƏR NAZİRİ FAZİL MƏMMƏDOV İŞÇİLƏRİNİN QARA SİYAHILARLA MAAŞ VERƏN SAHİBKARLARIN ORTAYA ÇIXARILMASI ÜÇÜN ARAŞDIRMALARA BAŞLADIQLARINI BİLDİRİB
Bu günə qədər Azərbaycan İpoteka Fondu (AİF) tərəfindən 950 kredit verilib. Verilən kreditlərin ümumi məbləği 33 mln. 864 min manat təşkil edib. Bu barədə məlumatı İpoteka Fondundan veriblər. Kredit hesabına alınan mənzillərin yaşayış sahəsinin orta sahəsi 57 kv.metr təşkil edir. Verilən kreditlərin orta müddəti 18 il, faiz dərəcəsi 6,3%, minimal faiz dərəcəsi 5%, borcalanın orta yaş həddi isə 29 yaş təşkil edir. Verilən kreditlərin orta məbləği isə 34 min manatdır. Ötən müddət ərzində 655 kredit İpoteka Fondu tərəfindən yenidən və ilkin olaraq maliyyələşdirilib. Bu maliyyələşdirmənin məbləği isə 22 mln. 550 min manat təşkil edir. Qeyd edək ki, verilən kreditlərin 70%-i gənc ailələrin, 80 kredit isə regionların payına düşür. Xatırladaq ki, bu günə qədər Fonda 3000-dən artıq rəsmi ərizə ilə müraciət edilib. Bununla belə, ipoteka krediti almaq istəyənlər indi müəyyən çətinliklərlə də üzləşirlər. Bəzi sahibkarlar işçilərin əməkhaqqı məbləğini göstərən arayışlarda vergidən yayınmaq üçün məvacibi qəsdən aşağı göstərir. Bu isə kredit götürmək istəyən şəxsə maneələr yaradır. Artıq Vergilər Nazirliyi bununla bağlı araşdırmalara başlayıb. Bu barədə vergilər naziri Fazil Məmmədov məlumat verib. Olayı bəzi Azərbaycan sahibkarları üçün üzqarası adlandıran Fazil Məmmədov bu insanların vergidən yayınmaq üçün maaşı qara siyahılarla verdiyini bildirib.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
VERGİLƏR NAZİRİ FAZİL MƏMMƏDOV İŞÇİLƏRİNİN QARA SİYAHILARLA MAAŞ VERƏN SAHİBKARLARIN ORTAYA ÇIXARILMASI ÜÇÜN ARAŞDIRMALARA BAŞLADIQLARINI BİLDİRİB
Bu günə qədər Azərbaycan İpoteka Fondu (AİF) tərəfindən 950 kredit verilib. Verilən kreditlərin ümumi məbləği 33 mln. 864 min manat təşkil edib. Bu barədə məlumatı İpoteka Fondundan veriblər.