Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
YENİ QAYDALAR ƏDLİYYƏ NAZİRLİYİNDƏ QEYDİYYATDAN KEÇƏNDƏN SONRA QÜVVƏYƏ MİNƏCƏK
Milli Bankın İdarə Heyəti ölkədən çıxarılan kapitalın məbləğinin artırılmasına icazə verib. Bu barədə Milli Bankdan bildiriblər. Məlumata görə, hökumət bunu makroiqtisadi sabitliyi qorumaq üçün edir. Milli Bankın İdarə Heyəti kapitalın hərəkətinin mərhələlərlə liberallaşdırılması barədə qərar qəbul edib. Həmin qərara əsasən, ölkədən valyuta çıxarılması asanlaşacaq. Əgər indiyədək ölkədən valyuta çıxarılması üçün icazə almaq tələb olunurdusa, Milli Bankın qərarı qüvvəyə minəndən sonra, sadəcə, bu barədə məlumat vermək kifayət edəcək. Bankdan verilən məlumata görə, bu addım ilk növbədə ölkə daxilində makroiqtisadi sabitliyi təmin etmək üçün lazımdır. Xatırladaq ki, Milli Bank rəhbərliyi artıq çoxdan bildirirdi ki, ölkədən artıq kapitalın çıxarılması asanlaşmalıdır. Neft layihələri nəticəsində ölkədə pul kütləsinin artması həm makroiqtisadi sabitliyə problemlər yaradır, həm də inflyasiyanı sürətləndirir. Qeyd edək ki, 1996-cı ildən bəri Milli Bank valyuta əməliyyatları rejiminin ardıcıl liberalizasiyası siyasətini həyata keçirirdi. Bu strategiya çərçivəsində valyuta rejimi ötən müddət ərzində bir neçə dəfə liberallaşdırılmışdır. 2004-cü ildən isə cari valyuta əməliyyatlarının rejimi tam sərbəstləşdirilmiş, kapitalın hərəkəti ilə bağlı icazə mexanizmləri isə qüvvədə qalmışdı. İndi isə icazə rejimi məlumatlandırma rejimi ilə əvəzlənib. Xaricə çıxarılan konkret məbləğlər açıqlanmasa da, bunun mərhələ ilə həyata keçiriləcəyi bildirilir. Beləliklə, Azərbaycanda işləyən istər yerli, istərsə də xarici investorun xarici banklarda hesab açmaq, ora pul köçürmək və qiymətli kağızlar əldə etməsi asanlaşır. Amma bu qaydalar Ədliyyə Nazirliyində dövlət qeydiyyatından keçəndən sonra qüvvəyə minəcək. Kapitalın hərəkətinin sadələşdirilməsi Azərbaycan manatının dönərli valyutaya çevrilməsinə də əsas ola bilər. Qeyd edək ki, indiyə qədər fiziki şəxslərə ölkədən köçürmə yolu ilə maksimum 10 min dolların çıxarılmasına icazə verilirdi. Bu pul isə konkret məqsədlər üçün istifadə oluna bilərdi.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
YENİ QAYDALAR ƏDLİYYƏ NAZİRLİYİNDƏ QEYDİYYATDAN KEÇƏNDƏN SONRA QÜVVƏYƏ MİNƏCƏK