Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
İPOTEKA KREDİTLƏRİNİN GƏLƏCƏK TALEYİ SUAL ALTINDADIR
Yaxın vaxtlarda ipoteka kreditlərinin maliyyələşdirilməsi üçün hökumət tərəfindən əlavə vəsaitlərin ayrılması nəzərdə tutulub. İpoteka Fondu bununla əlaqədər hökumətə müraciət edib və hazırda bu istiqamətdə danışıqlar aparılır. Bu barədə məlumat verən Azərbaycan İpoteka Fondunun icraçı direktoru Faiq Məmmədovun sözlərinə görə, ayrılması nəzərdə tutulan əlavə vəsaitlər hökumətin ehtiyat fondlarından verilə bilər. O bildirib ki, hazırda hökumət tərəfindən 3 milyon manat ayrılıb. Əlavə olaraq ayrılan 7 milyon manat isə, müvəkkil banklar tərəfindən əvvəlcədən verilmiş ipoteka kreditlərinin maliyyələşdirilməsinə sərf olunacaq. Buna baxmayaraq, F.Məmmədov bundan sonra əlavə kreditlərin verilməsi ilə bağlı sualı cavablandırarkən tərəddüd edib. Onun sözlərinə görə, AİF-in maliyyələşdirilməsi sahəsində yaranan problemlərlə əlaqədar gələcək risklərin azaldılması üçün banklar tərəfindən yeni müraciətlərin qəbulu dayandırılıb. "Bu layihə sosial xarakter daşıyır, ona görə də indiyə qədər ipoteka kreditləşməsinin maliyyələşdirilməsi büdcə vəsaitləri hesabına aparılıb. Növbəti mərhələdə isə dövlət büdcəsindən asılılığın azaldılması üçün AİF-in əlavə mənbələr hesabına maliyyələşdirilməsi nəzərdə tutulur və bu istiqamətdə məsləhətləşmələr aparılır". F.Məmmədov bildirib ki, hökumətə edilən müraciətdə Milli Bank cari ilin dövlət büdcəsindən ipoteka üçün nəzərdə tutulmuş məbləğin 20 milyon manata qədər artırılması təklifi ilə çıxış edib. İcraçı direktor bundan sonra kreditlərin maliyyələşdirilməsinin Maliyyə Nazirliyinin, Dövlət Neft Fondunun ayırmaları hesabına aparılacağını da istisna etməyib. Bundan başqa, maliyyələşdirilmə istiqamətində qiymətli kağızların buraxılması, kredit və qrantların cəlb olunması da nəzərdə tutulub. Bu məqsədlə 2 faizlik katirovka dərəcəsi nəzərə alınmaqla daha öncə verilmiş kreditlərdən alınan vəsaitlər cəlb oluna bilər. F.Məmmədovun sözlərinə görə, AİF-in indiyədək ayırdığı ipoteka kreditləri üzrə hesablanmış faizlər təkrar maliyyələşdirməyə yönəldilib. O bu vəsaitlərin təqribən 500 min manatdan artıq olduğunu qeyd edib. Qeyd edək ki, Azərbaycanda ipoteka kreditlərinin verilməsinə 2006-cı ilin mart ayından başlanılıb. Buna baxmayaraq, hazırda kreditlərin verilməsi ilə bağlı problemlər var. Bunun üçün dövlət büdcəsindən ayrılan vəsait bir qədər artırılıb, amma hələ də istənilən nəticəni əldə etmək mümkün olmayıb.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
İPOTEKA KREDİTLƏRİNİN GƏLƏCƏK TALEYİ SUAL ALTINDADIR