Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
İyuna qədər ölkəmizdə fəaliyyət göstərən 43 bankın ümumi kapitalı 767 milyon manat təşkil edib. Bu da cari ilin əvvəlki dövrü ilə müqayisədə 27 milyon manat çoxdur. Lakin bəzi banklar Milli Bankın normativ tələblərinə hələ də riayət etmir. Mərkəzi bank rəhbərliyinin tələblərindən biri ondan ibarət idi ki, bankların ümumi kapitalı (hər biri üçün) 2007-ci il yanvarın 1-nə qədər 8,2 milyon manatı, iyunun 1-dən etibarən isə 10 milyon manatı keçsin. Bu göstərişə banklardan 23-ü əməl edib. Milli Bankdan verilən məlumatda bildirilir ki, onların mövcud kapitalı 10 milyon manatı üstələyib. 17 bankın kapitalının həcmi 5-10 milyon manat civarındadır. Bunlardan yalnız 5 bank öz kapitalının həcmini 10 milyon manata çatdırıb. 3 bankın ümumi kapitalı isə 3-5 milyon manatdan artıq deyil. Nizamnamə kapitalını tələb olunan həddə çatdırmayan özəl banklara müəyyən sanksiyalar tətbiq edilir. Milli Bankın İdarə Heyətinin qərarı ilə həmin banklara ayrı-ayrı vətəndaşlardan əmanət qəbul etmək qadağan edilib. Eyni zamanda normativ tələbə riayət etməyən 15 bank yenicə təsis edilmiş Əmanətlərin Sığortalanması Fondunun üzvlüyünə də qəbul edilməyib. Milli Bank rəhbərliyinin digər banklar qarşısında nizamnamə kapitalını artırmaq tələbi qoymasını məqbul hesab edən müstəqil ekspertlər hesab edir ki, statistik göstəriciləri müqayisəli təhlil etdikdə bu ilin ötən dövründə Azərbaycanda fəaliyyət göstərən bankların kapitallaşması ilə bağlı vəziyyətin yaxşıya doğru dəyişdiyi məlum olur. Yanvar ayında nizamnamə kapitalı 10 milyon manatdan aptıq olan bankların sayı 13-ə bəpabər idisə, indi bu göstərici 20-ni keçib. Ekspertlərin fikrincə, beynəlxalq maliyyə institutları özəl banklarla iş birliyi yaratmaq istərkən hazırda iki meyarı nəzərə alır. Onlardan biri nizamnamə kapitalının maksimum yüksək dərəcədə olmasıdır ki, ayrılan krediti qaytarmaq mümkün olsun. İkinci amil Milli Bank zəmanət verə bilsin. Deməli, ölkəmizdəki aşağı kapitallı banklar öz gələcək inkişafı üçün yuxarıda sadalanan prinsipləri nəzərə almalıdır.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
NİZAMNAMƏ KAPİTALINI ARTIRMAYAN BANKLARIN FƏALİYYƏTİ MƏHDUDLAŞIR