“Mavi yanacağın hesabına Avropanın enerji təhlükəsizliyinin təmin edilməsində aparıcı dövlətə çevrilə bilərik”

Bu gün Avropa üçün təhlükəsizlik anlamına, sadəcə, enerji təhlükəsizliyi gəlir. Avropa Birliyinin mavi yanacağa olan tələbatının 46 faizini, Mərkəzi və Şərqi Avropanın qaz istehlakının 90 faizini ödəyən Rusiyanın "Qazprom" şirkəti sözügedən qitədə inhisarçı mövqeyə malikdir.

Yaşamaq hüququnu verən pulun məbləği dəqiqləşdi

Azərbaycanda son vaxtlar iqtisadi artım tempinin yüksəlməsi ölkə ərazisinə əcnəbi axınını xeyli sürətləndirib. Bu, ilk baxışda sevindirici hal olsa da, neqativ nəticələri də az olmur. Çünki ölkəyə axın edən xaricilərin heç də hamısı milyonçu olmur. Gələnlərin arasında macəra axtaranlar, adi işçilər, sadəcə, təsadüfi adamlar, hətta fırıldaqçılar da var. Onların isə xeyirdən çox ziyanı olur. Ona görə də hökumət bu axından səmərəli istifadə etmək, əhalisinin təhlükəsizliyini təmin etmək, sabitliyi qorumaq, ümumiyyətlə, qeyri-müəyyənliyin fəsadlarını aradan qaldırmaq məqsədi ilə əcnəbilərin Azərbaycanda yaşamaq hüququ alması üçün ölkəyə yatıracaqları pulun məbləğini dəqiqləşdirib.

Neft Şirkəti isə yanacağın keyfiyyətinin "Avro-4" və "Avro-5" standartlarına bir neçə ildən sonra çatdırılacağını bildirir

Avropa İttifaqı (Aİ) Dövlət Neft Şirkəti (DNŞ) qarşısında neft məhsullarının, xüsusilə benzin və dizel yanacağının keyfiyyətinin yaxşılaşdırılmasını və Avropa standartlarına uyğunlaşdırılmasını şərt kimi irəli sürüb. Aİ Azərbaycana tövsiyə edir ki, yanacağın keyfiyyəti yaxın illər ərzində "Avro-4" və "Avro-5" standartları səviyyəsinə çatdırılmalıdır. Dövlət Neft Şirkətinin vitse-prezidenti Davud Məmmədov isə bildirib ki, şirkət neft emalı zavodlarında həmin məhsulların keyfiyyətinin yaxşılaşdırılması üçün texnoloji prosesin səviyyəsini yüksəltməyə çalışır.

BMT ABŞ pulunun yeni beynəlxalq mübadilə vasitəsilə əvəz olunmasını istəyir

Birləşmiş Millətlər Təşkilatı (BMT) dünya maliyyə sistemində radikal islahatların aparılmasını təklif edib. Təşkilat dünyanın aparıcı valyutası sayılan ABŞ dollarının yeni qlobal valyuta ilə əvəz olunması ideyasını irəli sürüb. BMT-nin ekspertləri hesab edirlər ki, maliyyə və iqtisadi böhranların əsas səbəbi dünya iqtisadiyyatını əlaqələndirən valyuta və kapitalla bağlı olan qaydalar sisteminin effektli olmamasıdır.

Hesabat müəllifləri respublikamızı islahatçı ölkələr sırasına aid edib

Dünya Bankı (DB) və Beynəlxalq Maliyyə Korporasiyası "Doing Business-2010" adlı yeni illik hesabatını açıqlayıb. Yeni sənəddə dünya ölkələrində biznes mühitinin vəziyyəti, ticarət qaydalarının sadələşdirilməsi, sahibkarlıq sektorunda rəqabət qabiliyyətinin təmin olunması, idxal-ixrac əməliyyatlarının sadələşdirilməsi, tikinti üçün icazələrin verilməsi, əmlakın qeydiyyatının aparılması, investorların hüquq və maraqlarının qorunması, gömrük rəsmiləşdirilməsi və digər parametrlər üzrə qiymətləndirmələr aparılıb.
Ötən il dünyada bir nömrəli islahatçı ölkə statusu qazanmış Azərbaycan yeni hesabatda mövqeyini itirib və 5 pillə geriləyib. Ötən il 33-cü pillədə qərar tutan respublikamız yeni hesabatda 38-ci yerlə kifayətlənməli olub. Belə ki, Azərbaycan yeni müəssisələrin təsis edilməsi indikatoruna görə 17-ci yeri (ötən il - 13-cü yer), tikinti üçün icazələrin verilməsinə görə 158-ci yeri (155), işə qəbul indikatoruna görə 33-cü yeri (15), əmlakın qeydiyyatı indikatoruna görə 9-cu yeri (9), kreditlərin alınması aspekti üzrə 15-ci yeri (12), investorların hüquq və maraqlarının qorunması üzrə 20-ci yeri (18), vergi ödənişi indikatoruna görə 108-ci yeri (102), gömrük rəsmiləşdirilməsi üzrə 177-ci yeri (174), müqavilələrin icrasının təmin edilməsi aspektinə görə 26-cı yeri (26), biznesin bağlanması indikatoruna görə isə 84-cü yeri (81) tutub. Bir sıra parametrlər üzrə Azərbaycanın mövqeyi zəifləyib.

Amerikanın neft ehtiyatlarının azalması, Şimali Koreya, İranla bağlı xəbərlər neft bazarına təsirsiz ötüşmür

Dünya bazarlarında neftin qiyməti stabil deyil. Londondakı İCE (İnterContinental Exchange Futures) birjasında "Brent Crude Oil" markalı neftin bir barelinin qiyməti 74,47 dollara çatıb. Nyu-Yorkdakı NYMEX (New York Merchantile Exchange) birjasında isə "Light Sweet Crude Oil" markalı neftin bir bareli 0,48 dollar bahalaşıb və 74,37 dollara satılıb. Maraqlıdır, neftin qiyməti bu gedişlə böhrandan əvvəlki səviyyəyə qalxa bilərmi? Bu və digər suallara cavab tapmaq məqsədi ilə iqtisadçı-ekspert Azər Mehtiyevə müraciət etdik.

Dünyadakı böhran və ölkə iqtisadiyyatında vəziyyət yerli bankları əməkhaqqının məbləğindən çox, kreditorların iş yerinin nə qədər möhkəm olmasına fikir verməyə vadar edir. Təbii ki, müşahidə edilən maliyyə krizisi ölkə iqtisadiyyatının ayrı-ayrı sahələrində riskləri artırıb. Son vaxtlaradək gəlirli və möhkəmliyi şübhə doğurmayan sahələr indi o qədər də etibarlı sayılmır. Əlbəttə ki, bu məsələ ilk növbədə bankları narahat edir. Verdikləri kreditlərin qayıtmasına arxayın olmaq istəyən banklar müştəriləri əvvəlkindən daha çox saf-çürük edirlər.

Dövlət Neft Şirkəti ilə ABŞ Ticarət və İnkişaf Agentliyi arasında Müasir Tullantı Mərkəzinin yaradılması məqsədi ilə saziş imzalanıb.

Agentliyin Avropa və Avrasiya regionu üzrə icraçı direktoru Devid Hester bildirib ki, sazişə əsasən, Texniki İqtisadi Əsaslandırma sənədinin hazırlanması üçün ARDNŞ-ə 572 068 dollar məbləğində qrant ayrılacaq.

Azərbaycan-Türkiyə-Yunanıstan-İtaliya qaz xətti 2012-ci ildə istifadəyə veriləcək

Avropa bazarlarına qaz kəmərlərinin çəkilişi uğrunda rəqabət qızışır. Ankarada NABUCCO ilə bağlı hökumətlərarası sazişin imzalanmasından bir gün sonra Bolqarıstanın paytaxtı Sofiyada Yunanıstan-Bolqarıstan qaz kəmərinin çəkilməsinə dair anlaşma memorandumu imzalanıb. Sazişə imza atan ölkələr Bolqarıstan və İtaliya hökumətləri olsa da, Yunanıstanın da bu layihəyə qoşulacağı istisna deyil. Çünki bu kəmər Yunanıstan-İtaliya boru xəttinin davamı kimi nəzərdə tutulur.