2012-ci ildə istifadəyə veriləcək zavodun tullantılarından elektrik enerjisi əldə olunacaq

İqtisadi İnkişaf Nazirliyi Bakı şəhərində məişət tullantıları zavodunun tikintisi ilə bağlı layihənin həyata keçirilməsi üçün Fransanın "Constructions İndustrielles de la Mediterranee S.A" ("CNİM S.A") şirkəti ilə müqavilə imzalayıb.

Şirkət tullantı metalların alınması barədə Dövlət Neft Şirkəti ilə danışıqlar aparır

"Son illər xammal qıtlığından əziyyət çəkən "Baku Stil Kompani", qısamüddətli fasilələri nəzərə almasaq, fəaliyyətini dayandırmadı. Dövlətin dəstəyi və daxili imkanları səfərbər etməklə yaşanan problemlər artıq öz həllini tapmağa başlayıb. Həyata keçirilən tədbirlərin nəticəsi olaraq şirkət aprelin 20-dən etibarən aktiv fəaliyyətə başlayacaq".

Türkiyənin Ermənistanla sərhədləri açması Azərbaycanın bir çox iqtisadi layihələri dayandırması ilə nəticələnəcək



Türkiyənin Ermənistanla sərhədləri aç masına dair məlumatlar bir nömrəli ictimai-siyasi mövzu kimi gündəmdən düşməyir. Bu barədə istər Azərbaycanda, istərsə də Türkiyədə fəaliyyət göstərən müxtəlif təşkilatların mövqeyi, siyasi dairələrin açıqlamaları eynidir: Türkiyə 16 ildir ki, qapanan sərhəd məftillərini qırmaqla Azərbaycana və türk dünyasına xəyanət etmiş olacaq. Ekspertlər erməni-türk "dostluğunun" bumeranqa çevriləcəyini və Ərdoğan iqtidarına böyük zərbə vuracağını bildirirlər. Onlar hesab edirlər ki, bu sövdələşmədən Azərbaycan yox, Türkiyə böyük itkilərlə çıxacaq.

Fond Azərbaycanla əməkdaşlıq strategiyasını nəzərdən keçirir


Beynəlxalq Valyuta Fondunun missiyası iki gündür ki, ölkəmizdə səfərdədir. Edmund Biberin başçılıq etdiyi nümayəndə heyəti hökumət strukturları ilə bir sıra görüşlər keçirib. Aprelin 8-dək davam edəcək səfər zamanı büdcə zərfi, vergi və gömrük sahəsində aparılan islahatlar, vergi inzibatçılığının təkmilləşdirilməsi ilə bağlı tədbirlər haqqında müzakirələrin aparılması planlaşdırılır.

Şirkət böhranla əlaqədar bir sıra sahələrə ayrılan xərcləri yarıbayarı azaltmağı qərara alıb

Dünya neft bazarında baş verən böhran meyilləri respublikamızın neft sənayesinə də öz təsirini göstərib. Dünya bazarında neftin qiymətinin 140 dollardan təxminən 50 dollara düşməsi Dövlət Neft Şirkətinin büdcəsinin gəlirlər hissəsində azalma ilə müşayiət olunub. Bu problem şirkəti müvafiq addımlar atmağa məcbur edib.

Böhranın fəsadlarının aradan qaldırılması üçün yarım il ərzində 5 trilyon dollar vəsait ayrılacaq

Londonda "Böyük İyirmilik" sammiti baş tutdu. Böyük Britaniyanın paytaxtına dünyanın 20 ölkəsinin dövlət başçıları, mərkəzi bankların rəhbərləri, maliyyə və xarici işlər nazirləri, beynəlxalq maliyyə və qeyri-maliyyə təşkilatlarının nümayəndələri toplaşdı. Qeyd edək ki, "Böyük İyirmilik"in sammitində əsas müzakirə mövzusu dünya maliyyə böhranının qarşısını almaqdan ibarət idi. Dövlət başçıları 1930-cu ildən etibarən ilk dəfədir ki, təsadüf olunmuş dünya maliyyə böhranı ilə mübarizədə atılacaq birgə addımlarla bağlı müzakirələr aparırlar.

Nüsrət İbrahimov: "Köhnə avtomobillərin idxalının dayandırılması qiymətlərə kəskin təsir etməyəcək"

Ramil Osmanov: "İşlənmiş avtomobillərin idxalına məhdudiyyətlər qoyulması düzgün addımdır"

Ölkəyə köhnə avtomobillərin gətirilməsinə artıq qadağa qoyulur. Rusiyadan Azərbaycana gətirilən xeyli avtomobilin Samur gömrük-keçid məntəqəsində saxlanılmasını prosesin ilk mərhələsi kimi dəyərləndirmək olar. Dövlət Gömrük Komitəsi yaxın vaxtlarda bütün köhnə avtomobillərin ölkəyə gətirilməsinə qadağa qoyulacağını bildirir. Bu addım köhnə avtomobillərin ekoloji, estetik və istismar tələblərinə cavab verməməsi ilə fizah edilir. Yaxın vaxtlarda istismar müddəti 5 ili ötən Rusiya istehsalı olan bütün avtomobillərin gətirilməsi qadağan olunacaq. Digər ölkələrin istehsalı olan avtomobillərdə bu müddət 7-8 il olacağı gözlənilir.

İqtisadi böhrandan əziyyət çəkən ölkələrin 700 milyard dollar civarında borcla qarşı-qarşıya qalacaqları gözlənilir

"Qlobal böhran dünya ölkələrini böyük təhlükə ilə üzləşdirib". Bunu Tanzaniyada keçirilən konfransda Beynəlxalq Valyuta Fondunun (BVF) sədri Dominik Straus-Kan bildirib.

Əcnəbilərin Azərbaycana axını qlobal böhranla deyil, iri layihələrin həyata keçirilməsi ilə əlaqələndirilir


Qlobal iqtisadi böhranın Azərbaycana təsirsiz ötüşməsi mümkün deyil. Çünki Azərbaycan da dünya iqtisadiyyatına aktiv inteqrasiya edən ölkələr sırasına daxildir. Ona görə də Azərbaycan hökumətinin böhranın vətəndaşlara təsirinin minimum olması üçün görəcəyi işlər çox önəmlidir. Maraqlıdır ki, maliyyə böhranının fəsadları ilə yanaşı, onun müsbət təsirlərinin də olacağını proqnozlaşdıran ekspertlər kifayət qədərdir.

Alver azalır, əziyyətini isə daha çox sıravi işçilər çəkir

Böhranın "Xidmət İş" Hİ Federasiyasının sahə müəssisələrinə təsirini öyrənmək və imkanımız daxilində onun fəsadlarının azaldılması məqsədi ilə vaxtaşırı araşdırmalar aparırıq. Əldə etdiyimiz məlumatlar böyük fəsadlardan xəbər verməsə də, hər halda bizdə narahatlıq doğurur. Fəallardan təşkil etdiyimiz qrupların təxminən 10-15 məişət malları mağazasında apardıqları monitorinqlər göstərdi ki, əhalinin alıcılıq qabiliyyəti təxminən 30-40 faiz aşağı düşüb. Elə mağazalar oldu ki, fəallarımızın müşahidə apardıqları bir saat ərzində arada alver getməyib.

“Regionların sosial-iqtisadi inkişafı Dövlət Proqramı”
bölgələrin bərabər və tarazlı şəkildə inkişaf etməsinə səbəb olub

2004-cü ilin fevralında təsdiq edilərək icrasına başlanılan "Regionların sosial-iqtisadi inkişafı Dövlət Proqramı" son beş ildə bölgələrin bərabər və tarazlı şəkildə inkişaf etməsinə impuls verib, bütün rayonların simasının əhəmiyyətli dərəcədə dəyişməsinə səbəb olub.

Qeyri-rəsmi işsizlərin sayı 264 700 nəfərdir

Son bir neçə ayda respublikamızda fəaliyyət göstərən bir neçə iri şirkətdə işçilərin kütləvi ixtisarı aparılıb. Qısa müddətdə 10 000-ə yaxın insan iş yerlərini itirib. Buna baxmayaraq, rəsmi işsizlərin sayında artım qeydə alınmayıb.

Eyyub Hüseynov: "Nə qədər məmur bizneslə məşğul olur, qanunları öz biznesinin xeyrinə dəyişir, bu vəziyyət davam edəcək"

Zirəddin Kazımov: "Ötən il 147 müəssisənin
fəaliyyəti müvəqqəti dayandırılıb"

Respublikamızda keyfiyyətsiz ərzaq məhsullarının satışının qarşısının alınması üçün görülən tədbirlərə baxmayaraq, problemi tam şəkildə aradan qaldırmaq mümkün olmayıb. Keyfiyyətsiz məhsullar içərisində xaricdən gətirilənlər də, Azərbaycanın özündə istehsal olunanlar da var. Belə məhsulların istehlakı çox vaxt kütləvi zəhərlənmələrə səbəb olur. Müvafiq qurumlar da etiraf edir ki, bu gün respublikamızda gigiyenik tələblərə cavab verməyən xeyli sayda istehsal obyektləri mövcuddur. Maraqlıdır, problemin mövcudluğu təsdiq olunursa, onun qarşısının alınması nə üçün mümkün olmur?

Gözlənilən rəqabətə hazırlaşmağımız üçün çox az vaxtımız qalır

"Kurort" Səhmdar Cəmiyyətinin uzun fasilədən sonra baş tutmuş Kollegiya iclası, gözlənildiyi kimi, "nailiyyətlər toplusu" xarakteri daşımadı. Doğrudur, son bir ildə Cəmiyyətin tərkibində birləşən müəssisələr xidmətin keyfiyyətini hiss ediləcək dərəcədə artırmışdır. Bu, hesabat çıxışlarında da konkret faktlarla söylənildi. Bir qədər sonra həmin hesabatlardan müəyyən fraqmentləri oxucularımızın diqqətinə çatdıracağıq. Amma Cəmiyyətin yeni rəhbəri, 2008-ci ilin əvvəlindən bu xidmət şəbəkəsinin məsuliyyətini üzərinə götürmüş Əbil Ağasıyevin çıxışında uğurların sevincindən çox gələcəyin narahatlığı hiss edilirdi.

Məclis bu sahədə mübarizəni daha da gücləndirməyi tövsiyə etdi

Bu günlərdə Neft və Qaz Sənayesi İşçiləri Həmkarlar İttifaqı Respublika Komitəsi Məclisinin iclası keçirilmişdir. İclasda "Azərbaycan neft sənayesində 2008-ci ildə işçilərin əmək şəraitinin yaxşılaşdırılması və təhlükəsiz əmək şəraitinin yaradılması istiqamətində görülən işlər barədə", "Saziş və kollektiv müqavilələr haqqında" məsələlər müzakirə olunmuşdur. Tədbiri giriş sözü ilə RK-nın sədri Cahangir Əliyev açmışdır.

Qlobal maliyyə böhranının gücləndiyi bir vaxtda xüsusi iqtisadi zonaların yaradılması məsələsi yenidən gündəmə gəlib. Buna səbəb odur ki, iqtisadi zonalar ölkəyə investisiyaların cəlb olunmasında, yeni iş yerlərinin açılmasında, ərazinin əlverişli coğrafi mövqeyindən, nəqliyyat imkanlarından istifadə edilməsində, o cümlədən bölgələrin inkişafında əvəzsiz rola malikdir.

Cari ildə 500-dən artıq investisiya
layihəsi maliyyələşdiriləcək

Nazirlər Kabineti gələn ilin dövlət büdcəsi zərfində nəzərdə tutulan sosial, infrastruktur və investisiya layihələrinin ayrıca təsnifatı üzrə xərclər istiqamətini müəyyənləşdirib və hər bir sahə üzrə həyata keçiriləcək tədbirlər planının konkret bölgüsünü təsdiqləyib. NK-dan verilən məlumata görə, 2009-cu ildə investisiya xərclərinin bölgüsündə infrastruktur, nəqliyyat, rabitə, su təsərrüfatı, yol tikintisi, məktəb və xəstəxanaların yenidən qurulması və digər bölmələr üzrə quruculuq işləri nəzərdə tutulur. Bu il hökumət həmin sahələrə 4 milyard 717 milyon 999 min 600 manat vəsaitin ayrılmasını planlaşdırır.

Ötən həftə ABŞ Prezidenti B.Obama Beynəlxalq Həmkarlar İttifaqı Konfederasiyasının 10 qlobal sahə birliyindən biri olan Beynəlxalq Həmkarlar İttifaqı Şəbəkəsinin nümayəndə heyətini Ağ Evdə qəbul etmişdir.

Şigeo Katsu: “Azərbaycanda indiki şəraitdə qeyri-neft sektorunun inkişafına xüsusi diqqət yetirilməlidir”

Dünya Bankının vitse-prezidenti Şigeo Katsu həftənin əvvəllərində ölkəmizdə səfərdə olub və hökumət strukturları ilə bir sıra görüşlər keçirib. Danışıqlarda dünya maliyyə böhranının ölkəmizə təsiri və böhranla bağlı hökumətin atdığı addımlar əsas müzakirə mövzularından olub. Ş.Katsu danışıqların əsas parametrləri ilə bağlı suallarıimızı cavablandırıb.

Büdcənin sosial xərclərində azalma nəzərdə tutulmur

Neftin qiymətinin ucuzlaşması Azərbaycanın dövlət büdcəsində dəyişikliyin edilməsi zərurətini ortaya çıxarıb. Büdcədə neftin nəzərdə tutulan qiyməti 70 dollar olsa da, dünya bazarında satış 40 dollara bərabərdir. Bu isə büdcə xərclərində müəyyən problemlər yarada bilər. Milli Məclisin müvafiq komissiyaları may ayında büdcəyə dəyişiklik ediləcəyini bildirirlər.