Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
İqtisadi İnkişaf Nazirliyində Azərbaycan və Almaniya arasında inkişaf naminə ikitərəfli əməkdaşlığa dair hökumətlərarası məsləhətləşmələr başlanılıb. Hər iki ölkənin aidiyyəti qurumlarının nümayəndələrinin iştirak etdiyi məsləhətləşmələrə Azərbaycan tərəfdən İqtisadi İnkişaf Nazirliyi Aparatının rəhbəri Samir Vəliyev, Almaniya tərəfdən isə Federal İqtisadi Əməkdaşlıq və İnkişaf Nazirliyinin Qafqaz, Orta Asiya və MDB ölkələri üzrə ərazi idarəsinin rəisi Yürgen Zoll rəhbərlik edir.
Azərbaycan Respublikası Dövlət Neft Fonduna Azərbaycan Qaz Təchizatı Şirkəti tərəfindən (operator Norveçin Statoil şirkəti) noyabrın 28 - də "Şahdəniz" qaz - kondensat yatağının işlənməsi layihəsi çərçivəsində ilk ödəniş edilib. Bu barədə ARDNF- dən məlumat veriblər. Neft Fonduna ayırmalar Azərbaycan hökuməti ilə xarici hasilatçı şirkətlər arasında hasilatın bölünməsi, Xəzərin Azərbaycan sektorunun perspektivli sahəsinin - "Şahdəniz"in işlənməsi və kəşfiyyatı haqqında Razılaşmaya əsasən həyata keçirilir.
Yaxın illərdə yeni tikilən yolların bəziləri pullu olacaq. Bu barədə nəqliyyat naziri Ziya Məmmədov məlumat verib. Nazirin sözlərinə görə, Azərbaycanda yol tikintisinə pul qoymaq istəyən beynəlxalq maliyyə qurumları yolların ödənişli olmasını təklif edirlər. Nazirin sözlərinə görə, indi hökumətdə bu məsələ ciddi araşdırılır: "Yolların pullu olması xaricdə də var. Burada qəribə heç nə yoxdur. Hesab edirik ki, Azərbaycanda da bəzi yollar pullu olmalıdır. İndi bu məsələ nəzərdən keçirilir".
Azərbaycan İnvestisiya Şirkətinin (AİŞ) və İslam İnkişaf Korporasiyasının (İCD) iştirakı ilə yaradılan yeni "Caspian International Investment Company"nin təsis edilməsi ilə bağlı birinci yığıncaq keçirilib. Yekun olaraq AİŞ və İCD-nin icraçı direktorları Anar Axundov və Xalid Əl-Əbudi arasında şirkətin təsis edilməsi ilə bağlı sənəd imzalanıb.
REGİONAL İNNOVASİYA ZONASI ÖLKƏYƏ KÜLLİ MİQDARDA GƏLİRLƏR VƏD EDİR
Azərbaycanda ilk xüsusi iqtisadi zona Ələt qəsəbəsi yaxınlığında yaradılacaq. Bu barədə İqtisadi İnkişaf naziri Heydər Babayev məlumat verib. O bildirib ki, bu yer təsadüfi seçilməyib. Xüsusi iqtisadi zona üçün yerin Ələt qəsəbəsində seçilməsi burada yeni limanın və gəmiqayırma zavodunun tikintisi ilə bağlıdır.
Yaxın vaxtlarda kredit faizlərinə qoyulan limtitlərin götürülməsi xarici və yerli investorların bu sahəyə marağını artıracaq. İpoteka Fondu dövlət zəmanəti ilə vəsait cəlb etmək üçün maliyyə qurumları ilə danışıqlar aparır. Bundan başqa, gələn il güzəştli şərtlərlə kreditlərin verilməsində bəzi yeniliklər olacaq. İpoteka Fondunun icraçı direktoru Faiq Məmmədov deyir ki, indi kredit almaq istəyənlərin çoxu güzəştli təbəqənin nümayəndələridir.
Gələn il Azərbaycanda işsizliyə görə verilən müavinətlər artırılacaq. Rəsmi işsiz kimi qeydiyyata alınanlara verilən müavinətin minimum həddi 24 manatdır. Gələn ildən müavinətlərin 60-70 manata çatdırılması gözlənilir. Milli Məclisin sosial siyasət komissiyasının sədri Hadı Rəcəbli bildirib ki, 2008-ci ildə işsizliyə görə müavinət yaşayış minimumuna çatdırılacaq. Yəni işsiz kimi qeydiyyata alınanlara ayda gələn il 60-70 manat müavinət veriləcək.
Gələn il Dövlət İnvestisiya Şirkətinin iştirak etdiyi layihələrə xarici mənbələrdən 621 milyon dollar investisiya yatırılacaq. Bu barədə İqtisadi İnkişaf naziri Heydər Babayev məlumat verib. Nazir bildirib ki, Dövlət İnvestisiya Şirkətinin qoyduğu hər 1 manat sərmayə xaricdən Azərbaycana 5 manat investisiyanın cəlb edilməsinə imkan yaradır. H.Babayevin sözlərinə görə, gələn il şirkət 55 milyon manat investisiya yatıracaq.
HÖKUMƏT İQTİSADİ SAHƏDƏ ƏSAS PROBLEM OLARAQ İNFLYASİYANIN MÖVCUDLUĞUNU GÖSTƏRİR
Milli Məclis bu həftə "2008-ci ilin dövlət büdcəsi haqqında" qanun layihəsi müzakirəyə çıxarıb. Maliyyə naziri Samir Şərifov bildirib ki, 2008-ci ildə büdcə gəlirləri 7 milyard 382,6 milyon, xərcləri 8 milyard 509 milyon, büdcə kəsiri isə 1 milyard 126,4 milyon manat proqnozlaşdırılır. Büdcə xərcləri ümumi daxili məhsulun 27 faizini təşkil edəcək. Gələn ilin büdcəsində ən böyük pay birbaşa investisiyaların payına düşür. Proqnozlara görə, gələn il bu məqsədlə 2 milyard 841 milyon manat və ya builkindən 48,3 faiz çox vəsait ayrılacaq. 2-ci yerdə müdafiə xərcləri gəlir, təqribən 1 milyard 20 milyon dollar olacaq.
İpoteka Fondu özünümaliyyələşmə prinsipləri əsasında fəaliyyət göstərməlidir. Bu barədə Maliyyə naziri Samir Şərifov məlumat verib. S.Şərifov növbəti ildə ipoteka kreditləşməsi ilə bağlı hökumətin siyasətini açıqlayıb.
Azərbaycan İnvestisiya Şirkəti İsveçrənin "Holsim" şirkətinin ölkədə yeni sement zavodunun tikintisi və mövcud zavodun yenidən qurulması ilə bağlı həyata keçirəcəyi layihədə 10 % paya malik olacaq. Bu barədə İqtisadi İnkişaf naziri Heydər Babayev məlumat verib. Onun sözlərinə görə, yaxın günlərdə bu məsələ ilə bağlı “Holsim” şirkətinin Bakıdakı nümayəndəsi ilə memorandum imzalanacaq.
TƏKLİF EDİLƏN DƏYİŞİKLİKLƏR ƏSASƏN VERGİ SİYASƏTİNİN TƏKMİLLƏŞDİRİLMƏSİ İLƏ BAĞLIDIR
Milli Məclis Vergi Məcəlləsinə təklif edilən əlavə və dəyişiklikləri qəbul edib. Vergilər naziri Fazil Məmmədov bildirib ki, təklif edilən dəyişikliklər əsasən vergi siyasətinin inkişaf etdirilməsi, vergi ödəyicilərinin hüquqlarının qorunması və inzibatçılığın təkmilləşdirilməsi ilə bağlıdır. F.Məmmədovun sözlərinə görə, gələn ildən əmək müqaviləsi bağlamayan müəssisələrə qarşı tətbiq olunan cərimələr sərtləşdiriləcək. İşçilərlə müqavilə bağlamayanlar 1000 manat cərimə ödəyəcəklər.
Milli Məclisdə əmək pensiyaları və sosial sığorta haqqında qanunlara əlavə və dəyişikliklər edilib. Əmək pensiyaları haqqında qanuna edilən dəyşikliklərə görə isə, bütün müavinətlər üçün meyar eyni olub. Dəyişikliklərdən biri müddətli hərbi qulluqçuların sosial sığortaya cəlb edilməsi ilə bağlıdır. Bir il əvvəl qanuna dəyişikliklər edilərkən əsgərlər də sosial sığorta obyekti kimi götürülürdüsə, sonradan məlum olub ki, əmək pensiyası haqqında qanunda müddətli hərbi xidmətdə olanların sosial sığorta haqqı ödəmədən sosial sığorta stajı qazanması öz əksini tapıb. Ona görə də əsgərlərin sosial sığorta haqqında qanunundan çıxarılması məqsədəuyğun hesab edilib.
Gələn il yanvar ayından etibarən kassa aparatları quraşdırılmalı olan bütün obyektlərdə pos-terminallar da quraşdırılacaq. Bu barədə Vergilər naziri Fazil Məmmədov məlumat verib. Nazir deyib ki, indi pos-terminalların quraşdırılmasıyla bağlı problemlər var.
Hökumət əhalinin sovet dövründən banklarda qalmış əmanətlərinin 2008-ci ildə qaytarilmasından imtina edib. Maliyyə naziri Samir Şərifovun sözlərinə görə, buna səbəb əmanətlərin indeksləşdirilməsində yaranmış problemdir. Üstəlik hökumətdə hesab edirlər ki, əmanətlərin qaytarılması manatın ucuzlaşmasına gətirib çıxara bilər. Bu proses mürəkkəb olduğundan əmanətlərin tezliklə qaytarılması gözlənilmir. Samir Şərifov deyir ki, əmanətlərin qaytarılması 8-10 il ərzində həyata keçirilə bilər.
BU VƏSAİTLƏR YENƏ DƏ SAHİBKARLIĞA KÖMƏK MİLLİ FONDU TƏRƏFİNDƏN VERİLƏCƏK
Azərbaycanda sahibkarlığa dövlət tərəfindən maliyyə dəstəyinin gücləndirilməsi məqsədi ilə 2008-ci ilin dövlət büdcəsindən Sahibkarlığa Kömək Milli Fonduna (SKMF) 80 mln. manat vəsaitin ayrılması nəzərdə tutulub. Nazirlər Kabinetindən verilən məlumata görə, bundan əlavə aqrolizinqin inkişafı üçün 40 mln. manat, kənd təsərrüfatı məhsullarının istehsalı ilə məşğul olan fermerlərə kreditlər üzrə xərclərə isə 5 mln. manatın ayrılacağı proqnozlaşdırılır.
Bu ayın sonuna kimi Gürcüstan ilə Azərbaycan arasında qazın alınmasına dair yeni sazişin imzalanması planlaşdırılır. Bu Gürcüstanın Rusiya qazından asılılığını kəskin şəkildə azaldacaq. Gürcüstanın baş naziri Zurab Naqoideli Azərbaycandan alınacaq qazın qiyməti barədə konkret rəqəm deməsə də bildirib ki, bu Rusiyanın "Qazprom" şirkətinə hər min kubmetr qaza görə ödənilən 235 dollardan əhəmiyyətli dərəcədə aşağı olacaq.
Bu ilin sonunda çeklərin istifadə müddəti başa çatır. Bu vaxtın artırılıb artırılmayacağı isə hələlik məlum deyil. Qiymətli Kağızlar üzrə Dövlət Komitəsinin sədri Gündüz Məmmədov bildirib ki, indiyədək çeklərin təxminən yarısından istifadə olunsa da, bu vaxtın uzadılması hökumətin səlahiyyətindədir.
AZAL Dövlət Konsernindən verilən məlumata görə, noyabrın 1-dən etibarən, Azərbaycandan həyata keçirilən bütün beynəlxalq reyslər üzrə aviabiletlərin qiyməti xeyli artıb. Biletlərin qiymətindəki artım Azərbaycanın, MDB-nin digər ölkələri kimi, Beynəlxalq Avianəqliyyat Təşkilatının (İATA) Avropa zonasına qoşulması ilə izah olunur.
Dövlət başçısının ötən həftə imzaladığı sərəncama müvafiq olaraq biznes qeydiyyatının aparılması üçün vahid orqanın (Vergilər Nazirliyi) yaradılması qərara alınıb. 2008-ci il yavarın 1-də "bir pəncərə"li sistemin tətbiq edilməsi çərçivəsində biznesin qeyiyyatdan keçirilmə müddəti maksimum 5-6 gün, prosedurun sayı isə 5-ə qədər azaldılacaq. Bu barədə Vergilər naziri Fazil Məmmədov məlumat verib.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Milli Məclis bu həftə "2008-ci ilin dövlət büdcəsi haqqında" qanun layihəsi müzakirəyə çıxarıb. Maliyyə naziri Samir Şərifov bildirib ki, 2008-ci ildə büdcə gəlirləri 7 milyard 382,6 milyon, xərcləri 8 milyard 509 milyon, büdcə kəsiri isə 1 milyard 126,4 milyon manat proqnozlaşdırılır. Büdcə xərcləri ümumi daxili məhsulun 27 faizini təşkil edəcək. Gələn ilin büdcəsində ən böyük pay birbaşa investisiyaların payına düşür. Proqnozlara görə, gələn il bu məqsədlə 2 milyard 841 milyon manat və ya builkindən 48,3 faiz çox vəsait ayrılacaq. 2-ci yerdə müdafiə xərcləri gəlir, təqribən 1 milyard 20 milyon dollar olacaq.
Gələn il yanvar ayından etibarən kassa aparatları quraşdırılmalı olan bütün obyektlərdə pos-terminallar da quraşdırılacaq. Bu barədə Vergilər naziri Fazil Məmmədov məlumat verib. 
Hökumət əhalinin sovet dövründən banklarda qalmış əmanətlərinin 2008-ci ildə qaytarilmasından imtina edib. Maliyyə naziri Samir Şərifovun sözlərinə görə, buna səbəb əmanətlərin indeksləşdirilməsində yaranmış problemdir. Üstəlik hökumətdə hesab edirlər ki, əmanətlərin qaytarılması manatın ucuzlaşmasına gətirib çıxara bilər. 
Bu ayın sonuna kimi Gürcüstan ilə Azərbaycan arasında qazın alınmasına dair yeni sazişin imzalanması planlaşdırılır. Bu Gürcüstanın Rusiya qazından asılılığını kəskin şəkildə azaldacaq. 
Bu ilin sonunda çeklərin istifadə müddəti başa çatır. Bu vaxtın artırılıb artırılmayacağı isə hələlik məlum deyil. Qiymətli Kağızlar üzrə Dövlət Komitəsinin sədri Gündüz Məmmədov bildirib ki, indiyədək çeklərin təxminən yarısından istifadə olunsa da, bu vaxtın uzadılması hökumətin səlahiyyətindədir.
AZAL Dövlət Konsernindən verilən məlumata görə, noyabrın 1-dən etibarən, Azərbaycandan həyata keçirilən bütün beynəlxalq reyslər üzrə aviabiletlərin qiyməti xeyli artıb. Biletlərin qiymətindəki artım Azərbaycanın, MDB-nin digər ölkələri kimi, Beynəlxalq Avianəqliyyat Təşkilatının (İATA) Avropa zonasına qoşulması ilə izah olunur.