Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
"Belə söz-söhbətlər gəzir ki, guya, Azərbaycan hökuməti inflyasiyanı düzgün hesablamır və qəsdən aşağı salır. Bu söhbətlərə son qoymaq üçün Beynəlxalq Valyuta Fondunun nümayəndələrini ölkəyə dəvət etmişik. Onlar noyabrda Dövlət Statistika Komitəsinin inflyasiya hesablamasına qiymət verəcəklər".
Dövlət Sosial Müdafiə Fondu (DSMF) yaxın vaxtlarda 2008-2013-cü illər üçün sığorta-pensiya sisteminin inkişafı ilə bağlı layihəni təsdiqləmək üçün ölkə prezidentinə təqdim edəcək. DSMF-dən verilən məlumata görə, 2008-2013-cü illərdə sığorta-pensiya sisteminin inkişafı haqqında dövlət proqramı Azərbaycanda pensiya sistemində aparılan islahatların sonuncu - üçüncü mərhələsini təşkil edir. Bununla əlaqədar həmin proqramda pensiya sistemində əhali üçün faydalı ola biləcək bir sıra yeniliklər nəzərdə tutulub.
Son zamanlar ticarət şəbəkələrində bir sıra ərzaq məhsullarının, o cümlədən kərə yağının qiymətlərinin bahalaşması hökuməti narahat edib. İqtisadi İnkişaf Nazirliyinin Antiinhisar Dövlət Xidməti məsələ ilə bağlı araşdırmalara başlayıb. "Ölkədə qiymət artımının obyektiv və subyektiv səbəbləri araşdırılmalıdır" deyən Antiinhisar Dövlət Xidmətinin rəisi Samir Dadaşovun sözlərinə görə, kərə yağının bahalaşmasının səbəbləri artıq öyrənilib.
Beynəlxalq Valyuta Fondu (BVF) 2007-ci il üçün Azərbaycanın xarici ticarətində 9,8 milyard müsbət saldonun olacağını proqnozlaşdırır. Fonddan verilən məlumata görə, bu il Azərbaycanın ixracı və göstərdiyi xidmətlərin səviyyəsinin 18,4 milyard dollar olması gözlənilir ki, bu da ötən illə müqayisədə 4,4 milyard dollar çoxdur.
Azərbaycanda ənənəvi banklarla yanaşı şəriət qaydaları ilə işləyən banklar da fəaliyyət göstərəcək. Ölkə qanunvericiliyi belə bankların bu qaydalarla işləməsinə imkan verir.
BU, MİLLİ MƏCLİSƏ TƏQDİM EDİLMİŞ BÜDCƏ LAYİHƏSİNDƏ ÖZ ƏKSİNİ TAPIB
Layihəyə əsasən, əmək qabiliyyətli əhali üçün yaşayış minimumunun 79 manata, pensiyaçılar üçün 55 manat, uşaqlar üçün isə 59 manata çatdırılması gözlənilir. Bu, büdcənin parlamentdə təsdiqlənməsindən sonra mümkün olacaq. Hökumət həmçinin gələn il inflyasiyanın da nəzarət altına alınacağına ümid edir. Mütəxəssislərin fikrincə, gələn il inflyasiyanın birrəqəmli olması da mümkündür.
Dövlət Neft Fondunun vəsaitlərinin həcmi 2024-cü ilə qədər 100-200 milyard dollar arasında olacaq. Bunu Dünya Bankı və Beynəlxalq Valyuta Fondunun Vaşinqtonda keçirilən birgə illik iclasında iştirak edən ARDNF-in icraçı direktoru Şahmar Mövsümov deyib.
Gürcüstanın baş naziri Zurab Noqaidelinin verdiyi məlumata görə, Gürcüstan Azərbaycanla un idxalı barədə danışıqlar aparır. Nazirin sözlərinə görə, Azərbaycandan un idxalına dair danışıqlar Bakıda səfərdə olan kənd təsərrüfatı naziri Petre Siskarişvili tərəfindən aparılır. Noqaideli bildirib ki, un və buğdanın idxalına dair danışıqlar həmçinin Ukrayna və Qazaxıstan ilə də aparılır.
Nazirlər Kabineti dövlət büdcəsi layihəsini ölkə prezidentinə sentyabrın 25-də təqdim etmişdi. Gələn il büdcə gəlirlərinin bu ilkindən təxminən 28 faiz çox, yəni 7 milyard 282 milyon manat həcmində olacağı proqnozlaşdırılır. Büdcə xərcləri isə bu illə müqayisədə 35 faizə yaxın artırılaraq 8 milyard 509 milyon manata çatdırılıb. Büdcənin kəsir hissəsi 1 milyard 126 milyon manat həcmində proqnozlaşdırılır ki, bu da gələn il gözlənilən ümumi daxili məhsulun 4,3 faizi qədərdir.
"SOCAR/Turcas/Injaz" alyansı holdinqə 2 milyard dollar təklif edib
Azərbaycan Respublikası Dövət Neft Şirkətinin məlumatında bildirilir ki, Türkiyə hökuməti "SOCAR/Turcas/Injaz" şirkətlər alyansını Türkiyənin "Petkim" kimiya holdinqinin səhmlərin 51%-nin satışı ilə bağlı elan etdiyi tenderin qalibi seçib. Türkiyənin özəlləşdirmə məsələləri üzrə dövlət orqanı bu həftə "Petkim" kimya holdinqinin 51%-nin alınması ilə bağlı elan edilən tenderinin yekunlarını aparıb və "SOCAR/Turcas/Injaz" alyansını qalib elan edib.
Qiymət artımı ilə bağlı nəticələri açıqlamaq üçün hökumət ilin sonunu gözləyir. Bu haqda məlumatı İqtisadi İnkişaf naziri Heydər Babayev verib. Nazir indidən hər hansı bir rəqəm açıqlamaq fikrində olmadığını deyib. Onun sözlərinə görə, inflyasiyanın səviyyəsi ilə bağlı ancaq Statistika Komitəsinin rəqəmlərinə inanmaq lazımdır.
2008-ci ildə dövlət büdcəsindən Azərbaycanın regionlarına ayrılan subsidiyaların həcmi 18 faiz artırılaraq 655 milyon manata çatdırılacaq. Maliyyə Nazirliyində hesab edirlər ki, Bakı şəhəri istisna olmaqla, digər şəhər və rayonların büdcəsində kəsir yaranacaq. Yəni yerli vergi ödəyicilərindən yığılan vəsaitlər rayon və əyalət şəhərlərin büdcələrinin xərc hissəsini təmin etməyəcək.
Dövlət Əmək Müfəttişliyi tərəfindən sentyabr ayı ərzində 133 müəssisədə dövlət nəzarəti həyata keçirilib. Müfəttişlikdən verilən məlumata görə, bu müəssisələrin hamısına icrası məcburi göstərişlər verilib. Araşdırma aparılan müəssisələrdən 39-u tikinti şirkəti, 74-ü isə daş karxanasıdır.
SƏS VƏ İŞIQ EFFEKTLƏRİNİN NORMADAN ARTIQ OLMASI İNSAN HƏYATI ÜÇÜN TƏHLÜKƏLİDİR
Son illərdə insanlarda əsəb-sinir xəstəliklərinin artmasına təsir göstərən amillərdən biri ətrafdan orqanizmə qəbul edilən səs-küyün və qulaqbatırıcı səs titrəyişlərinin çoxalmasıdır. Bu sırada şadlıq evləri və restoranlar xüsusilə rol oynayır. Bu tipli obyektlərdə istifadə olunan musiqi alətlərinin ətrafa yaydığı səs effektləri insanların istirahətini və dincliyini pozmaqla yanaşı, onların əsəb-sinir sistemini sıradan çıxarır.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu AHİK-in, bilavasitə aidiyyatı olan nazirlik, komitə və təşkilatların iştirakı ilə oktyabrın 4-də Bakı Slavyan Universitetində "Gənclər narkotiklərə yox deyir" mövzusunda elmi-praktik konfrans keçirilmişdir.
Türkiyənin İstambul şəhərində Avrasiya Qida, Kənd Təsərrüfatı, Meşə və Turizm İşçiləri Həmkarlar İttifaqları Federasiyasının təsis toplantısı keçirilmişdir. Federasiyaya 12 ölkədən 24 sahə həmkarlar ittifaqı, o cümlədən Azərbaycandan "Kənd-Qida İş" və Təbii Sərvətlər və Ekologiya İşçiləri Həmkarlar İttifaqı daxil oldu.
ASİYA İNKİŞAF BANKININ HESABATINDA İNFLYASİYANIN 15 FAİZƏ ENDİRİLMƏSİ MÜMKÜN SAYILIR
"Azərbaycan hökuməti tərəfindən həyata keçirilən mövcud antiinflyasiya tədbirləri inflyasiyanın qarşısını almaq iqtidarındadır". Beynəlxalq Valyuta Fondundan sonra Asiya İnkişaf Bankı da bu qənaətə gəlib. Qurum ekspertlərinin hesablamalarına əsasən, ölkəmizdə qiymət siyasətinin məqsədyönlü şəkildə həyata keçirilməsi inflyasiyanın dərinləşməsinin qarşısını ala bilər. İlin sonuna qədər inflyasiyanın 18 faizə yaxınlaşacağını proqnozlaşdıran ekspertlər qiymət indeksində daxili amillərlə yanaşı, dünya bazarında baş verən mövcud tendensiyaların təsirini istisna etmirlər.
QURUM XƏTTİN AZƏRBAYCAN ƏRAZİSİNDƏN KEÇƏN HİSSƏSİNİ MODERNLƏŞDİRƏCƏK
Dünya Bankı (DB) ilə Azərbaycanın iqtisadi əlaqələri getdikcə genişlənir. Bankın respublikamızda həyata keçirmək istədiyi ən böyük layihələrdən biri dəmiryolunun modernləşdirilməsi və magistral yolların çəkilməsinə kreditlərin ayrılması ilə bağlıdır. Belə ki, beynəlxalq maliyyə institutu "Bakı-Tbilisi-Qars" dəmiryolunun tikintisinə maliyyə dəstəyi göstərmək niyyətindədir.
Azərbaycanın Milli Bankı ölkənin bank sektorunun gələcək kapitallaşma səviyyəsi ilə bağlı yeni strategiyanın hazırlanmasına başlayıb. Qurumdan verilən məlumata əsasən, hələ ki, banklara ümumi kapitalla bağlı qoyulan tələbin artırılması imkanları müzakirə edilir.
Gəncə Avtomobil Zavodu yenidən "Uaz" markalı avtomobillərin yığımına başlayıb. Zavoddan verilən məlumata görə, bu ilin sonuna qədər burada 80 avtomobil yığılacaq.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
"Belə söz-söhbətlər gəzir ki, guya, Azərbaycan hökuməti inflyasiyanı düzgün hesablamır və qəsdən aşağı salır. Bu söhbətlərə son qoymaq üçün Beynəlxalq Valyuta Fondunun nümayəndələrini ölkəyə dəvət etmişik. Onlar noyabrda Dövlət Statistika Komitəsinin inflyasiya hesablamasına qiymət verəcəklər".