“AZTELEKOM”, BAKI TELEFON RABİTƏSİ VƏ TELERADİO İSTEHSALAT BİRLİKLƏRİNİN BAZASINDA YARADILACAQ YENİ QURUM "AZƏRTELEKOM" ADLANACAQ

Azərbaycan hökuməti indiyədək mövcud olan bütün iri rabitə müəssisələrini birləşdirəcək. Bu haqda məlumatı Dövlət Əmlakının İdarə Edilməsi Komitəsinin sədri Kərəm Həsənov verib.

Dövlət Neft Fonduna (DNF) Heydər Əliyev adına Bakı - Tbilisi - Ceyhan (BTC) əsas ixrac boru kəməri layihəsi üzrə 2007-ci ilin nəticələrinə uyğun olaraq Azərbaycanın payına düşən 16,5 milyon dollar məbləğində divident ödənilib.

2008-ci ildə Azərbaycan əhalisi üçün təbii qazın qiyməti artırılmayacaq. Hazırda istehlakçılara satılan "mavi yanacaq"ın qiyməti 1 kubmetr üçün təxminən 0,05 manat təşkil edir. "Azəriqaz" QSC-nin sədri Əlixan Məlikovun sözlərinə görə, hazırda əhalinin təxminən 80 faizi qazla təmin olunur. Yaxın vaxtlarda Beyləqan rayonu, sonra isə Horadiz qəsəbəsi qazla təmin olunacaq.

Hökumət "Katel" Azərbaycan-Amerika birgə müəssisəsindəki dövlətə məxsus 50 faiz payın özəlləşdirilməsini başa çatdırıb və artıq tərəflər arasında müqavilə də imzalanıb.

2007-ci ildə Azərbaycanda inflyasiya 18,8 faiz olub. Bu barədə Dövlət Statistika Komitəsi məlumat verib. 2007-ci ilin dekabr ayında bu nəticə 2,5 faizə bərabər olub.
Beləliklə, ötən il ərzaq məhsullarının qiyməti 19 faizə qədər qalxıb (dekabr ayında 3,6%), qeyri-ərzaq mallarına isə 11,4 faiz (0,9%), xidmətə görə 26,9 faiz (1,7 %). Dekabr ayında un, çörək, makaron məmulatları, uşaq qidaları, mal əti, kolbasa məmulatları, konserva, spirtli içkilər, bitki yağları, şəkər və şəkər tozu, bəzi meyvə və tərəvəz məhsulları, konfet, süd məhsulları, yumurtanın qiymətində artım müşahidə olunub. Portağal, kök kimi məhsullarının qiyməti isə, əksinə olaraq, aşağı düşüb.

Cari ildən Azərbaycanda icbari tibbi sığorta (İTS) tətbiqlənə bilər. Bu məqsədlə artıq layihə də hazırlanıb. Pilot layihənin ilk olaraq Siyəzən rayonunda reallaşdırılması nəzərdə tutulub.
İcbari tibbi sığortanın tətbiqi üçün dövlət büdcəsindən maliyyə vəsaiti də ayrılıb. Azərbaycanda İTS sosial təminatın elementi kimi Əmək və Əhalinin Sosial Müdafiəsi və Səhiyyə nazirlikləri tərəfindən həyata keçiriləcək. Qeyd edək ki, İTS mexanizmi Nazirlər Kabinetinin "Azərbaycanda səhiyyənin maliyyələşdirilməsi sistemində islahatlar və icbari tibbi sığortanın tətbiqi proqramı haqqında" 2006-cı il tarixli sərəncamından sonra hazırlanıb.

HƏLƏLİK XÜSUSİ REJİMLİ VERGİ XİDMƏTİ DEPARTAMENTİNƏ MÜRACİƏT EDƏNLƏRİN ÇOXU MƏLUMAT ALMAQ İSTƏYƏNLƏRDİR

Sahibkarların qeydiyyata alınması üçün Azərbaycanda "bir pəncərə" sisteminin tətbiqinə başlanılıb. Müəssisə açmaq istəyənlər yanvarın 7-dən Vergilər Nazirliyinin xüsusi rejimli vergi xidməti departamentinə müraciət etməyə başlayıblar.

Nazirlər Kabineti ölkəyə gətirilən əlavə dəyər vergisindən (ƏDV) azad digər malların siyahısını təsdiqləyib. Bu barədə məlumatı Gömrük Komitəsi verib. Komitədən verilən məlumata görə, yeni təsdiq edilmiş sənəddə 30-dan çox adda mal və məmulatların əlavə dəyər vergisindən azad olunması göstərilir.

VERGİ ORQANLARI BU SAHƏDƏ QISA MÜDDƏT ƏRZİNDƏ KÖKLÜ DƏYİŞİKLİKLƏRƏ SƏBƏB OLA BİLƏCƏK CİDDİ TƏDBİRLƏRƏ BAŞLAYACAQ

Vergilər Nazirliyi yeni ildən ölkədəki müğənnilərin gəlirlərinin vergiyə cəlb edilməsi sahəsində nəzarəti gücləndirmək niyyətindədir. Bu barədə Vergilər Nazirliyinin Operativ Nəzarət İdarəsi rəisinin I müavini Habil Məmmədov bildirib.

Təhsil İşçiləri Azad Həmkarlar İttifaqı Respublika Komitəsinin Rəyasət Heyətinin 30 mart 2007-ci il tarixli qərarı ilə "Bakı şəhəri üzrə ümumtəhsil məktəblərində, məktəbəqədər və məktəbdənkənar uşaq tərbiyə müəssisələrində sağlam və təhlükəsiz iş şəraiti yaratmaq, istehsalat zədələnmələrini, peşə xəstəliklərini aradan qaldırmaq, müəssisə rəhbəri tərəfindən kollektiv müqavilədə nəzərdə tutulmuş əməyin mühafizəsi üzrə tədbirlərin yerinə yetirilməsinə ictimai baxış" keçirilmişdir. Respublika Komitəsinin yaratdığı komissiya yerlərdə keçirilmiş baxış- müsabiqəyə təqdim olunmuş sənədləri nəzərdən keçirərək qalibləri müəyyənləşdirmişdir.

Rabitə İşçiləri Müstəqil Həmkarlar İttifaqı Respublika Komitəsinin III plenumu "RİMHİRK-in xidmətinə daxil olan müəssisə və təşkilatlarda əməyin mühafizəsinin vəziyyəti barədə" məsələ müzakirə etmişdir.
Yığıncağı giriş sözü ilə HİRK sədri Tofiq Musayev açmışdır. Respublika Komitəsi sədrinin müavini Rəşad Səfərovun məruzəsi dinlənilmişdir.
Qeyd edilmişdir ki, sahə müəssisələrində əməyin və sağlamlığın mühafizəsi Rabitə İşçiləri Müstəqil HİRK-in gündəlik fəaliyyətinin əsasını təşkil edir.

NAXÇIVANDAN BAŞQA BÜTÜN REYSLƏRİN QİYMƏTLƏRİ İSƏ TŞ-NİN QƏRARINA UYĞUN SAXLANILIB

Tarif Şurası "AZAL" Dövlət Konserni tərəfindən həyata keçirilən ölkədaxili aviadaşınmaların tariflərini artırması Muxtar Respublikanın sakinləri tərəfindən narazılıqla qarşılandığından Nazirlər Kabineti bu istiqamətə uçan təyyarələrin biletlərinə yenidən baxıb və güzəştlər edib. Tarif Şurasının sədri Heydər Babayev bildirib ki, blokada şəraitində olan Naxçıvana uçmaq istəyənlərin xərclərinin bir hissəsini hökumət ödəyəcək.
NK-nın qərarına əsasən, yeni ildən Bakı-Naxçıvan-Bakı aviareysi ilə hərəkət edən sərnişin təyyarəsinə biletin faktiki satış qiyməti 40 manat olacaq.

Gələn ildən etibarən adi və sosial ipoteka kreditləşməsi bərpa olunacaq. Bu haqda Milli Bankın İdarə Heyətinin sədri Elman Rüstəmov bildirib. O, qeyd edib ki, adi ipoteka kreditləşməsi kommersiya şərtləri əsasında idarə olunacağından onun faiz dərəcələri artacaq: "Amma bu o demək deyil ki, ipoteka kreditlərinin faiz dərəcələrini banklar istədikləri şəkildə təyin edəcəklər.

Dolların ucuzlaşması Dövlət Neft Fondunda toplanan vəsaitlərin valyuta tərkibinə yenidən baxılmasını tələb edib. Fondun icraçı direktoru Şahmar Mövsümovun sözlərinə görə, gələn ildən etibarən dollarda saxlanılan vəsaitin həcmi 5 % azaldılacaq.

Milli Məclisin “Sığorta fəaliyyəti haqqında” qanuna etdiyi əlavə və düzəlişlərə uyğun olaraq yanvarın 1-dən etibarən sığorta şirkətlərinin nizamnamə kapitalına qoyulan minimum tələb artırılacaq. Bu barədə Maliyyə Nazirliyinin Dövlət Sığorta Nəzarəti Şöbəsinin müdiri Namiq Xəlilov məlumat verib.

Standartlaşdırma, Metrologiya və Patent üzrə Dövlət Agentliyi fəaliyyətini daha da sərtləşdirmək niyyətindədir
Azərbaycan Standartlaşdırma, Metrologiya və Patent üzrə Dövlət Agentliyi ölkədə Çindən gətirilən uşaq oyuncaqları ilə bağlı problemlərin olduğunu bəyan edir. Bunu agentliyin baş direktoru Ramiz Həsənov bildirib.

"ÜTT-yə üzvlüklə bağlı danışıqlar prosesi bir qədər uzana bilər". Bu barədə Xarici İşlər nazirinin müavini Mahmud Məmmədquliyev bildirib.
Onun sözlərinə görə, hökumət Azərbaycanın bu mötəbər quruma mövcud reallıqları nəzərə almaqla qəbulunu istəyir: "Hazırda növbəti danışıqlara hazırlıq gedir.

Manatın dollara nisbətən bahalaşması Azərbaycanda ixracla məşğul olan şirkətlərə ciddi təsir göstərməyəcək. Milli Bankın sədri Elman Rüstəmov bildirib ki, dolların ucuzlaşması prosesi Azərbaycanla tərəfdaş olan bütün ölkələrdə gedir.

FONDA ÜZV BANKLARIN SAYI 37-YƏ ÇATDI

Əmanətlərin Sığortalanması Fonduna (ƏSF) üzv olan bankların sırasına "Bank Avrasiya" və "Paşa Bank" ASC-lər də qoşulub. Bununla da ƏSF üzvlərinin sayı 37-yə çatıb. Fondun ictimaiyyətlə əlaqələr şöbəsindən verilən məlumata görə, həmin bankların hər birinin ƏSF-ə ödədiyi birdəfəlik üzvlük haqqı 10 min manatdır. Banklara qurumun şəhadətnaməsi verilir. İştirakçı bankların ölkə ərazisindən kənarda yerləşən filiallarındakı əmanətlər fond tərəfindən sığorta olunmur və onlar üzrə kompensasiya ödənilmir.

"AZƏRİQAZ" SC QIŞA HAZIR OLDUĞUNU SÖYLƏYİR

"Azəriqaz" SC qışa hazırdır. Cəmiyyətin sədri Əlixan Məlikov bildirib ki, hazırlıq səviyyəsi faizlə ölçülə bilməz, çünki iş prosesində hər gün yeni-yeni problemlər çıxır. Onun sözlərinə görə, hələ aprel ayından qışa hazırlıqla bağlı tədbirlər planı hazırlanıb və indiyədək həmin plan dəqiqliklə icra olunaraq tamamlanıb: "Lakin bununla belə, Bakıda, ətraf qəsəbələrdə və bölgələrdə bütün əhalinin 100 faiz qazla təmin olunacağını iddia etmək olmaz. Ona görə də proses davamlı olaraq getməlidir. Ortaya çıxan problemlər dərhal həllini tapmalıdır".