Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Ötən nömrələrimizin birində Böyük Britaniyanın «Royal Mail» Poçt Şirkətinin işçilərinin şirkətdə aparılan kütləvi ixtisarlara etiraz edərək bir sıra aksiyalar keçirdikləri barədə məlumat vermişdik Bu qalmaqal hələ də səngimək bilmir. Belə ki, «Royal Mail»in London, Konventri, Liminqton,Notinqem və Stok-on Trenta şəhərlərində yerləşən idarələrinin işçiləri növbəti birhəftəlik etiraz aksiyasını keçirməyə başlayıblar. Çox guman ki, tədricən Britaniyanın bütün poçt işçiləri bu aksiyaya qoşulacaqlar.
Xatırladaq ki, əməkhaqqının azalması və yenidənqurma işləri ilə əlaqədar aparılan ixtisarlar işçilərin qəzəbinə səbəb olub. Şirkətin təşkilat şöbəsinin müdiri Pol Tolxerst bildirib ki, yenidənqurma proqramına əsasən, qurumun müəssisələri müasir standartlara cavab verən yeni avadanlıqlarla təchiz olunub: «Bu da əl əməyinə ehtiyacı azaldır. Buna baxmayaraq, biz işçilərin əksəriyyətini iş yerlərində saxlamaq və mövcud durumun neqativ nəticəsini minimuma endirmək üçün əlimizdən gələni edirik. Ancaq kütləvi etiraz aksiyalarının ardıcıl keçirilməsi bizim bu cəhdimizə mane olur». P.Tolxerst həmçinin yaşanan qalmaqala baxmayaraq, işçilərin 90 faizinin öz iş yerlərində ştatlı işçi kimi çalışacaqlarını da qeyd edib. Məlumat üçün bildirək ki, yenidənqurma proqramını tam həyata keçirmək şirkətə təxminən 2 milyard funt-sterlinqə başa gələcək .
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Ötən nömrələrimizin birində Böyük Britaniyanın «Royal Mail» Poçt Şirkətinin işçilərinin şirkətdə aparılan kütləvi ixtisarlara etiraz edərək bir sıra aksiyalar keçirdikləri barədə məlumat vermişdik Bu qalmaqal hələ də səngimək bilmir. Belə ki, «Royal Mail»in London, Konventri, Liminqton,Notinqem və Stok-on Trenta şəhərlərində yerləşən idarələrinin işçiləri növbəti birhəftəlik etiraz aksiyasını keçirməyə başlayıblar. Çox guman ki, tədricən Britaniyanın bütün poçt işçiləri bu aksiyaya qoşulacaqlar.