Bu günlərdə müxtəlif ölkələrin həmkarlar ittifaqlarının nümayəndələri Stokholmda keçirilən konfransda bir araya gəliblər.

Aralıq dənizinin ən böyük dəniz limanı Marselin işçiləri etiraz aksiyalarına başlayıblar.

Vergi və yanacağın qiymətinin artması, əməkhaqqının azalması, təqaüdlərin dondurulması əhalini əməlli-başlı təşvişə salıb. Məhz bu səbəbdən ölkənin bütün şəhərlərində ardı-arası kəsilməyən etiraz aksiyaları keçirilir.

"Davenport"da haqsızlıq hökm sürür

Bir neçə müddət öncə "Davenport" mehmanxanasının beş işçisini minimal saathesabının azaldılmasına etiraz etdiklərinə görə növbə qulluğundan kənarlaşdırıblar. Qeyd edək ki, ixtisara düşən işçilər "SİPTU" həmkarlar ittifaqının üzvləridir.

Yaponiyada baş verən 8,9 bal gücündə zəlzələ Sakit okean sahillərində yerləşən ölkələri sunami təhlükəsi il üz-üzə qoyub.

Verilən məlumata görə, zəlzələnin ocağı Tokio şəhərindən 382 kilometr, Senday şəhərindən 179 kilometr uzaqlıqdadır. Xonsyu adasında ən azı 19 nəfər həyatını itirib.
Onlarla insan müxtəlif dərəcəli bədən xəsarəti alıb. Yaponiyanın şimal-şərqində körpülər dağılıb, metro və sürət qatarlarının hərəkəti dayanıb. Hökumət nəqliyyatın hərəkətinin nə vaxt bərpa olunacağı barədə məlumat vermir.

Yekun səsvermələrin nəticələri məlum olduqdan sonra "Ford Motor Company" şirkətinin rəhbərliyi ilə həmkarlar ittifaqı arasında 2011-2013-cü illər üçün nəzərdə tutulan yeni kollektiv müqavilə bağlanıb.

Qeyd edək ki, ilk dəfədir adıçəkilən şirkətdə belə uzunmüddətli müqavilə bağlanır.
Yeni müqaviləyə əsasən, işçilərin əməkhaqları inflyasiyaya uyğun müəyyənləşəcək. Artıq ilk hesablamalar aparılıb. Qərara alınıb ki, 2011-ci ildə əməkhaqqı 11,3% artırılsın. 2012-ci ildə də maaşların artırılması bu qaydayla həyata keçiriləcək.

Çelyabinsk Konditer Fabrikinin əməkdaşları əməkhaqlarının artırılması tələbi ilə tətil keçirməyi planlaşdırırlar.

Gəzən söz-söhbətlərə görə, adı-çəkilən fabrik Moskvanın eks-merinin xanımına məxsusdur.
Fabrikin həmkarlar ittifaqının lideri Qalina Kurbatovanın sözlərinə görə, hazırda fabrikdə orta əməkhaqqı 13 min rubl təşkil edir: "Burada iş günü 12 saatdır. Üstəlik şənbə günləri də iş günü sayılır. Bunun müqabilində 13 min çox az miqdardır. Fabrik rəhbərliyinə müraciət etdikdə isə "bu məsələyə baş ofisdə baxırlar", - deyə cavab verirlər.

Yaxın Şərq ölkələrində həmkarlar ittifaqlarının iştirakı ilə kütləvi aksiyalar, qarşıdurmalar davam edir

Keçirilən aksiyalarda həyatını itirən Sanei Jale adlı tələbənin dəfn mərasiminə qatılan hökumət tərəfdarları müxalifət liderlərindən olan Mehdi Kərrubinin əleyhinə plakatlar qaldırıb, şüarlar səsləndiriblər. İran Dövlət Televiziyasının yaydığı məlumata görə, İran hakimiyyəti cümə günü müxalif hərəkata qarşı böyük bir aksiya keçirməyə hazırlaşır və bununla bağlı xalqa müraciət edilib.

Beynəlxalq Həmkarlar İttifaqları azyaşlıların işdən xilas edilərək təhsilə cəlb edilməsi istiqamətində səylərini artırıb

Beynəlxalq Həmkarlar İttifaqları Konfederasiyasının uşaq əməyi xartiyasında deyilir: "Hər gün on milyonlarla uşaq mənfəət üçün istismar olunur. Uşaq əməyinin istismarından qazanan şəxslərin fəaliyyəti birmənalı olaraq dayandırılmalı, vurduqları zərərin aradan qaldırılması üçün yardım göstərilməlidir. Azyaşlıların əməyindən qazanc məqsədi ilə istifadə edən iş adamları uşaqların təhsili və reabilitasiyası üçün maddi cəhətdən kömək etməlidir. Uşaq əməyinə qarşı olan bütün milli və beynəlxalq qanunlar həyata keçirilməlidir".

Hərbiçilər jurnalistləri meydandan uzaqlaşdırır

Qahirənin Təhrir meydanında Prezident Hüsnü Mübarəkin tərəfdarları və əleyhdarları arasında növbəti qarşıdurma başlayıb. Tərəflər Təhrir meydanı yaxınlığında yerləşən körpü istiqamətində bir-birilərini daş atəşinə tutublar.
Qeyd edək ki, tərəflər məhz körpü yaxınlığında qarşılaşmış, ordu müdaxilə edərək tərəfləri ayıran bufer zona yaratmışdı.

Bu gün Yəmənin paytaxtı Səna şəhərində Prezident Salehin istefası tələbi ilə çoxminli aksiya keçirilir.

Yəmən müxalifəti Prezident Salehi Tunis ssenarisi ilə devirəcəyini bəyan edib.
Yəmənin cənubunda əsas bazalarını yaratmış "əl-Qaidə" terror təşkilatı ilə mübarizədə özünü ABŞ-ın müttəfiqi elan etmiş Saleh 1978-ci ildən Şimali Yəməni, Şimali Yəmən və Cənubi Yəmən birləşəndən sonra isə vahid Yəməni idarə edir.