Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Silahını seç, atəş aç, vur, öldür, boğazını kəs, avtomaşını qaçırt, sürətli sür, partlat. Uşaqlarımız hələ oxuyub-yazmağı öyrənmədən kompyuter oyunlarının həvəskarı olurlar. Saatlarla internet salonlarında, evdə kompyuterin arxasında oturub oyunlarla vaxtlarını keçirirlər. Oynadıqları da əsasən "Grand Theft Auto: San Andreas", "Half Life", "Counter Strike" olmaqla silah, oğurluq təbliğ edən oyunlardır. "Grand Theft Auto: San Andreas" ("Böyük Avtomobil oğurluğu - San Andreas") uşaqların ən çox oynadığı oyunlardan biridir. Bu oyun uşaqların hədsiz istəkləri səbəbindən paytaxtımızın bütün internet salonlarında kompyuterlərə yüklənib. Avtomobil sürmək, qaçırtmaq, partlatmaqla bağlı oyunlar çoxdur. "Grand Theft Auto: San Andreas" bu oyunların ən məşhuru olduğundan mövzunu bu oyunun üzərində dayanmaqla açıqlamaq istəyirəm. Avtomobil oğurluğu, mafiya və silahlı mübarizə səhnələri ilə diqqət çəkən "Grand Theft Auto: San Andreas" oyunu 5-17 yaş arası uşaqlar arasında daha çox populyardır. Bu oyunda virtual olaraq istədiyin avtomaşını qaçırdıb necə gəldi sürə bilərsən. Müxtəlif markalı, sürətlərinə və tipinə görə bir - birindən fərqlənən avtomobillərlə virtual şəhərin yollarında avtoxuliqanlıq etmək mümkündür. Bu oyunu oynayan uşaqlar tədricən pis vərdişlərə yiyələnirlər. Oyunda etdiklərini həyatda da reallaşdırmaq arzusuna düşürlər. Son illər bütün dünyada avtomobil oğurluğunun, avtoxuliqanlığın və azyaşlı uşaqların törətdiyi cinayətlərin sayının artmasında bu oyunların təsiri böyükdür. Artıq ABŞ-da "Grand Theft Auto: San Andreas" oyunu uşaqlara qadağan olunub. Oyunun istehsalçısı olan "Rockstar Games" şirkəti oyun qutusunun üzərinə "18 yaşından kiçiklərə satılması qadağandır" işarəsi qoyub. Buna baxmayaraq "Grand Theft Auto: San Andreas" ən çox satılan və bəyənilən kompyuter oyunları arasında ilk yerlərdən birini tutur. Həmçinin bu oyun porno səhnələrlə də doludur. Bizə elə gəlir ki, Azərbaycanda internet salonlarına həm dövlət, həm də ictimaiyyət tərəfindən ciddi şəkildə nəzarət həyata keçirilməlidir. Bunu uşaqların iştirakı ilə törədilən cinayətlərin get-gedə artması faktı da tələb edir.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Silahını seç, atəş aç, vur, öldür, boğazını kəs, avtomaşını qaçırt, sürətli sür, partlat. Uşaqlarımız hələ oxuyub-yazmağı öyrənmədən kompyuter oyunlarının həvəskarı olurlar. Saatlarla internet salonlarında, evdə kompyuterin arxasında oturub oyunlarla vaxtlarını keçirirlər. Oynadıqları da əsasən "Grand Theft Auto: San Andreas", "Half Life", "Counter Strike" olmaqla silah, oğurluq təbliğ edən oyunlardır.