Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Son illər ölkəmizdə həyata keçirilən islahatlar bütün sahələrdə öz müsbət nəticəsini verməkdədir. Bu ilin 9 ayının yekunları bir daha göstərdi ki, Azərbaycan davamlı inkişaf yolundadır. Nizami Rayon İcra Hakimiyyətində 2009-cu ilin 9 ayının yekunları ilə əlaqədar keçirilən müşavirədə aydın oldu ki, ölkə üzrə əldə olunmuş uğurlardan Nizami rayonuna da xüsusi pay düşür.
Nizami Rayon Statistika Şöbəsinin rəisi Nəcəf İsmayılovun verdiyi məlumata görə, rayonda bir sıra yeni «TSL GROUP» MMC, «İsmayıloğlu-2009» MMC, «Oazis Center» MMC kimi müəssisələr fəaliyyətə başlamış, sakinlərin qarşılaşdığı sosial problemlərin həlli istiqamətində konkret işlər görülmüş, genişmiqyaslı abadlıq işləri aparılmışdır. 2009-cu ilin 9 ayı ərzində sənaye məhsulunun həcmi 195,6 milyon manat olmuşdur, bu da ötən il istehsal olunmuş məhsulun 93,8 faizini təşkil edir. İstehsal olunmuş sənaye məhsulunun 34,7 faizi qeyri-dövlət sektoruna aiddir. Sənayenin dövlət sektorunda 127,7 milyon manatlıq və ya ümumi istehsalın 65,3 faizi qədər məhsul istehsal edilmiş və xidmətlər göstərilmişdir. Belə ki, ötən ilin müvafiq dövrünə nisbətən ət və ət məhsulları istehsalı 2,3 dəfə çox, saflaşdırılmış günəbaxan yağı istehsalı 57,4 faiz çox, saflaşdırılmış qarğıdalı yağı istehsalı 5,9 faiz çox, araq istehsalı 39,9 faiz çox, sement istehsalı 17,5 faiz çox, elektrik enerjisi, qaz, buxar istehsalı və bölüşdürülməsi 7,2 faiz çox, əczaçılıq məhsullarının istehsalı 4,4 dəfə çox olmuşdur. Tikinti sahəsi üzrə podrat işlərinin həcmi 61,9 milyon manat olaraq, ötən ilin müvafiq dövrünə nisbətən 86,9 faiz təşkil etmişdir. Bu ilin yanvar-sentyabr aylarında rayonda iqtisadiyyatın və sosial sahələrin inkişafı üçün bütün maliyyə mənbələri hesabına əsas kapitala 63,9 milyon manat həcmində investisiya yönəldilmişdir ki, bu da ötən ilin müvafiq dövrünə nisbətən 59,1 faiz təşkil etmişdir. Əsas kapitala yönəldilmiş investisiyaların 57,9 milyon manatı və ya 90,6 faizi dövlət, 6,0 milyon manatı və ya 9,4 faizi qeyri-dövlət müəssisələrinə aiddir. İstifadə edilmiş investisiyanın 37,8 milyon manatı və ya 59,2 faizi istehsal təyinatlı obyektlərin tikintisinin davam etdirilməsinə sərf edilmişdir. Hesabat dövrü ərzində bütün maliyyə mənbələri hesabına 29,5 milyon manatlıq əsas fondlar istifadəyə verilmişdir ki, onların da 91,0 faizi istehsal təyinatlı obyektlər üzrədir. Ticarət sahəsində əvvəlki illərdə olduğu kimi, cari ilin 9 ayı ərzində əmtəə dövriyyəsi və pullu xidmət göstəriciləri xeyli yüksəlmişdir. Rayon üzrə pərakəndə əmtəə dövriyyəsi və əhaliyə göstərilən pullu xidmətlərin real həcmi 5,7 faiz artaraq 520,7 milyon manat olmuşdur. Əhaliyə göstərilən pullu xidmətlərin 23,7 faizini məişət xidmətləri təşkil edir. Rabitə sahəsində 7,6 milyon manat dəyərində xidmət göstərilmişdir ki, bu da əvvəlki ilə nisbətən 98,9 faiz təşkil etmişdir. Nəqliyyat sahəsində 21,0 milyon manat dəyərində, əvvəlki ilə nisbətən 49,4 faiz çox xidmətlər göstərilmişdir. 9 ayda rayonda 999 yeni iş yerləri açılmışdır ki, ondan 58-i yeni açılmış müəssisə və təşkilatlara, 68-i mövcud müəssisə və təşkilatlara, 873-ü isə fiziki şəxslərə aiddir. Ümumilikdə 2003-2009-cu ilin 9 ayında rayonda 14765 yeni iş yeri açılmışdır ki, onun da 14668-i daimi iş yerləridir. Orta aylıq əməkhaqqı ötən ilin müvafiq dövrünə nisbətən 13,0 faiz artaraq 283,7 manat təşkil etmişdir. Rasim SÜLEYMANOV.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Son illər ölkəmizdə həyata keçirilən islahatlar bütün sahələrdə öz müsbət nəticəsini verməkdədir. Bu ilin 9 ayının yekunları bir daha göstərdi ki, Azərbaycan davamlı inkişaf yolundadır. Nizami Rayon İcra Hakimiyyətində 2009-cu ilin 9 ayının yekunları ilə əlaqədar keçirilən müşavirədə aydın oldu ki, ölkə üzrə əldə olunmuş uğurlardan Nizami rayonuna da xüsusi pay düşür.