Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Azər Rəsulov: “Keyfiyyətli müdafiə üçün vəkillərə ödənilən məbləğ nəzərəçarpacaq dərəcədə artırılmalı idi” Fərhad Nəcəfov: "Məbləğin artırılması dövlət hesabına işə çıxan vəkillərin işinə müsbət təsir edəcək"
Azərbaycanda vəkillik sahəsində rast gəlinən əsas problemlərdən biri kimi dövlət hesabına işə çıxan vəkillərə ödənilən vəsaitin azlığı ilə bağlı idi. Belə ki, artıq neçə illərdir dövlət hesabına hüquqi yardım göstərilməsinin bir saatına görə vəkilə təxminən 99 qəpik qonorar verilirdi. Bu günlərdə isə Nazirlər Kabineti "Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında" 2001-ci il 1 fevral tarixli, 31 nömrəli qərarına dəyişikliklərlə bağlı qərar qəbul edib. Yanvarın 1-dən qüvvəyə minən qərara əsasən, vəkillərə müdafiə üçün saat hesabına ödənilən məbləğ 90 qəpikdən 2 manatadək artırılıb. Tərcüməçilərə, mütəxəssislərə və ekspertlərə ödənilən məbləğ isə 35 qəpiyə qaldırılıb. Qərardan öncə bu məbləğ şərti maliyyə vahidinin 0,3 misli həddində idi. Maraqlıdır, bu vəsait vəkilləri qane edirmi və vətəndaşların səmərəli müdafiə hüququnun təmin olunmasına necə təsir göstərəcək?
Vəkil Azər Rəsulov hesab edir ki, keyfiyyətli müdafiə üçün vəkillərə ödənilən məbləğ nəzərəçarpacaq dərəcədə artırılmalı idi: "90 qəpiyin 2 manata qaldırılması ciddi fərq deyil. Bu gün dövlət hesabına vəkil təyin olunması, sadəcə, məhkəmə və istintaq orqanları üçün lazımdır və formal xarakter daşıyır. Guya prosessual qaydalara əməl edilərək təqsirləndirilən şəxsin hüquqları müdafiə edilir. Reallıqda isə həmin şəxslərin hüquqları pozulur". Vəkil Yalçın İmanovun qənaətinə görə isə, yeni qərar keyfiyyətli müdafiə hüququnun təmin edilməsinə təsir etməyəcək: "Çünki artırılan məbləğ o qədər də böyük deyil. Dövlət hesabına işə çıxan vəkillərə bir saata görə, 90 qəpik əvəzinə 2 manat verilməsi prinsipial artım deyil. Bu qərardan sonra tanınmış vəkillərin dövlət hesabına müdafiəyə çıxmasında müsbət irəliləyişin olması da inandırıcı deyil. Çünki vəkilə bir saata görə 2 manat ödənilməsi keyfiyyətli müdafiə aparmağa imkan verməyəcək. Vəkillər yenə də ya daha çox iş götürmək üçün səy göstərəcək, yaxud da dövlət hesabına deyil, digər işlərə çıxacaq. Nəticədə isə keyfiyyətli müdafiə olunmaq hüququ təmin olunmur". Vəkillər Kollegiyasının sədr müavini Fərhad Nəcəfov isə məbləğin artırılmasının dövlət hesabına işə çıxan vəkillərin işinə müsbət təsir edəcəyinə inanır: "Dövlət hesabına işə çıxan vəkillərə hər iş saatına görə 2 manat ödənilməsi onların işinə təsir edəcək. Onsuz da indiyə qədər də dövlət hesabına işə çıxan vəkillər də təqsirləndirilən şəxsləri müdafiə edirdi. Bununla bağlı bir dənə də olsun şikayət almamışdıq ki, dövlət hesabına işə çıxan vəkil keyfiyyətsiz müdafiə aparır. Ola bilər ki, bir vəkil gün ərzində iki dəfə işə çıxsın. Amma ondan artıq müddətə işə çıxma hallarına rast gəlinmir. Vəkil işə çıxırsa, keyfiyyətli müdafiə xidməti göstərməyə cəhd göstərir. Amma vəkilə ödənilən qonorar nə qədər çox olsa, vəkilin göstərdiyi müdafiənin də keyfiyyəti o qədər yüksək olar". Qeyd edək ki, hazırda ABŞ-da dövlət hesabına işə çıxan vəkilin hər saatına görə 100 dollar, İngiltərədə 80 funt-sterlinq, Almaniyada 90 marka verilir. Türkiyədə bunun üçün vəkilə 8 dollar, qonşu Gürcüstanda isə 4 dollar ödənilir.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Azər Rəsulov: “Keyfiyyətli müdafiə üçün vəkillərə ödənilən məbləğ nəzərəçarpacaq dərəcədə artırılmalı idi”