Telefonlar rəqəmli ATS-lərə keçiriləcək

Rabitə və İnformasiya Texnologiyaları Nazirliyi Azərbaycanda fəaliyyət göstərən mobil operatorların bağlanma qiymətlərini iki dəfədən artıq ucuzlaşdırıb. Qeyd edək ki, mobil operatorların bir-biri ilə ara bağlantısını nazirlik müəyyənləşdirir. Əvvəllər bu qiymət mobil operatorlarda 1 dəqiqə danışıq üçün 5 qəpik müəyyənləşdirilirdi. Nazirliyin bu qiyməti 5 qəpikdən 2 qəpiyə endirməsi bazara yeni daxil olan operatorlara da şamil edilib.

Fevralın 11-də Milli Elmlər Akademiyasının Rəyasət Heyətinin binasında görkəmli tarixçi, MEA-nın həqiqi üzvü Tofiq Köçərlinin 80 illik yubileyinə həsr olunmuş elmi-praktik konfrans keçirilmişdir. Tədbiri giriş sözü ilə MEA-nın prezidenti, akademik Mahmud Kərimov açdı. O, nadir şəxsiyyət, əvəzsiz elm adamı olan T.Köçərlinin Azərbaycan tarixinə verdiyi töhfələrdən danışdı.

Rusiyanın Volqoqrad şəhərində atletika üzrə Qubernator kuboku uğrunda beynəlxalq turnir keçirilib.

Heykəlin harada saxlanılmasından
heç bir dövlət qurumu xəbərdar deyil

Bir neçə ay öncə Bakının mərkəzində yerləşən İmadəddin Nəsiminin heykəli söküldü. Tolstoy küçəsi 191 ünvanında yerləşən park sökülərkən bildirilirdi ki, Nəsiminin heykəli yenidən bərpa olunaraq əvvəlki yerində yerləşdiriləcək. Parkın ərazisində isə yeni 300 maşınlıq 3 mərtəbəli yeraltı qaraj tikiləcək. Son günlər yayılan bəzi məlumatlara görə, parkın ərazisində qaraj yox, hündürmərtəbəli yaşayış binası tikilir. Belə olan halda İmadəddin Nəsiminin heykəlinin sonrakı aqibəti müəmmalı olaraq qalır.

Fevral ayının 2-də Bakıdakı Muzey Mərkəzində "Azərbaycan aşıq musiqisi antologiyası" diskinin təqdimat mərasimi olacaq. Diskin tərtibatçısı YUNESKO-nun şifahi və qeyri-maddi irs üzrə eksperti, Azərbaycan MEA-nın Memarlıq və İncəsənət İnstitutunun böyük elmi işçisi, sənətşünaslıq namizədi Sənubər Bağırovadır.
Sənubər xanım bu diskin ərsəyə gəlməsindən ötrü təxminən bir il gərgin çalışıb. Lakin antologiya barədə danışmazdan əvvəl oxucularımızı Sənubər xanımla yaxından tanış etmək istərdik.

Samir Həsənov: "Sərnişindaşımada ciddi qayda-qanun yaradılması
iri tutumlu avtobusların tam gətirilməsindən sonra mümkün olacaq"

Paytaxtda sərnişindaşıma sahəsində vəziyyət hələ də ürəkaçan deyil. Şəhərin mərkəzində hərəkət edən mikroavtobuslar nisbətən iritutumlularla əvəz olunsa da, sərnişin daşınması sahəsində qayda-qanun yaratmaq mümkün olmayıb. Həmçinin sərnişin avtobuslarının sürücülərinin vahid geyimlə təchiz edilməsi və biletlərin tətbiqi ilə bağlı verilən vədlər də özünü doğrultmadı. 2009-cu ilin əvvəllərinədək bu sahədə problemlərin aradan qaldırılacağı bildirilsə də, vəziyyət dəyişməyib.

Əli Abbasov: "Yayım işinin gücləndirilməsi nəticəsində müşahidə olunan müdaxilələr Azərbaycanın günahı deyil, qarşı tərəfin beynəlxalq yayım tələblərini həyata keçirməməsindən irəli gəlir"

Ötən ilin iyun-avqust aylarında ABŞ-ın Nyu-York və Yaponiyanın Tokio şəhərlərində təşkil olunmuş 9-cu Beynəlxalq Uşaq Rəsm Müsabiqəsinə yanvarın ilk günlərində yekun vurulmuşdur. Müsabiqədə 58 dövlətdən göndərilmiş 22.000 rəsm əsərinə baxılmışdır.

Yanvarın 9-dan 11-nə kimi Azərbaycan Beynəlxalq Universitetinin İdman Zalında yeniyetmələr və gənclər arasında sərbəst güləş üzrə Bakı birinciliyi keçirilmişdir.

Bu ili İslam mədəniyyəti paytaxtında yaşamağımızla bağlı düşüncələr

2009-cu ildə küləklər şəhəri ikiqat paytaxt olmaq məsuliyyətini daşıyır: həm müstəqil Azərbaycan Respublikasının, həm də İslam mədəniyyətinin paytaxtı olmaq məsuliyyət və şərəfini.1918-ci il sentyabrın 15-dən bəri Bakının 90 illik ölkə paytaxtı olmaq təcrübəsi var. Beləcə, 91 yaşın içində Bakımızın milli mədəniyyətimizi, dünya mədəniyyətinə bu çağadək nə qədər töhfələr verdiyimizi bir daha nümayiş etdirmək, həmçinin beynəlxalq səviyyəli neçə-neçə mötəbər məclisə, sənət tədbirinə ev sahibliyi etmək imkanı olacaq.

Azərbaycan Dövlət Musiqili Komediya Teatrında "Diqqət, şəhərdə manyak var!" adlı yeni əsərin məşqləri gedir. Tamaşanın librettosu məşhur türk yazıçısı Əziz Nesinin "Öldür məni, əzizim" pyesinin motivləri əsasında yazılıb. Tamaşanın bəstəkarı Sərdar Fərəcovdur.

"Zenit" Bədən Tərbiyəsi İdman Cəmiyyəti Respublika Şurasının hesabat-seçki konfransı keçirilmişdir. Konfransda Şuranın 2003-2008-ci il ərzində gördüyü işlər barədə məruzə dinlənilmişdir.
Təşkilatın bu dövrdəki fəaliyyəti qənaətbəxş qiymətləndirilmişdir. Tədbirdə təşkilati məsələlərə baxılmışdır. Fazil Hadıbəyov yenidən Cəmiyyətin Respublika Şurasının sədri seçilmişdir.

Gəncə Dövlət Universitetinin Tələbə Həmkarlar İttifaqı Komitəsi xeyriyyə məqsədi ilə satış yarmarkası keçirmişdir. Yarmarkada təşkilatın nəzdində yeni yaradılmış "Moda dizayn" klubunun hazırladıqları geyimlər nümayiş etdirilmişdir. Satışdan yığılan vəsait hesabına qurbanlıq heyvan alınıb imkansız tələbələrə paylanacaq.

Beynəlxalq Tələbə Gününü qeyd etmək Gəncə Dövlət Universitetində artıq ənənəyə çevrilmişdir. Bu münasibətlə bir neçə gün əvvəl 500 nəfərə yaxın tələbə "Qızıl Ay" şadlıq sarayına toplaşmışdı. Onların tədbirinə müəllimləri də qoşulmuşdular.

Dünən Texniki Universitetin İdman Kompleksində sahə həmkarlar ittifaqları təşkilatlarının III Respublika Spartakiadasının təntənəli açılış mərasimi olmuşdur.

Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin maliyyə dəstəyi ilə "Spartak" KBTİC-in Respublika Şurası Ramana qəsəbəsində yerləşən "Gənc Əlillərin Əmək və İstirahət Evi"ndə Beynəlxalq Əlillər Gününə həsr edilmiş stolüstü idman növləri üzrə yarışlar keçirmişdir.

Rabitə və İnformasiya Texnologiyaları Nazirliyinin, Rabitə İşçiləri Müstəqil Həmkarlar İttifaqı Respublika Komitəsinin və "Spartak" Könüllü Bədən Tərbiyəsi İdman Cəmiyyəti Respublika Şurasının birgə keçirdikləri "Sağlamlıq - 2008" spartakiadası noyabrın 19-da başa çatmışdır.

"Ötən illərin mahnıları" retro musiqi festivalının ikinci mərhələsində neft və qaz sənayesində çalışan istedadlar ifaçılıq qabiliyyətlərini nümayiş etdirmişlər.

Tamaşa fərqli yozumda, yeni
biçimdə təqdim edilir

…Bu axşam Azərbaycan Dövlət Akademik Opera və Balet Teatrında premyeradır. Əslində, bu, elə bir qeyri-adi xəbər deyil. Yəni teatr varsa, onun truppası çalışırsa, deməli, yeni tamaşa da olmalıdır. Amma səhnə sənətinə az-çox bələd olanlar bilirlər ki, teatr sənətinin ən qəliz janrı sayılan musiqili teatrda yeni tamaşanın hazırlanıb təhvil verilməsi dramatik teatrlara baxmış xeyli çətin işdir. Odur ki, bütün dünya miqyasında təzə opera və balet kimi irihəcmli musiqili səhnə əsərinin nadir hallarda yazıldığı bir zamanda Opera və Balet Teatrında hazırlanan hər yeni tamaşaya daha çox diqqət yetirməyə dəyər. Üstəlik, əgər bu əsər bizim Opera və Balet Teatrının repertuarında daimi yer tutmağa mənəvi haqqı çatan müəllifin əsəridirsə!..

Milli Olimpiya Komitəsinin vitse-prezidenti Xəzər İsayevin də imzaladığı protokolda "Zenit" İdman Cəmiyyəti Respublika Şurasının XI Spartakiadası ölkədə bədən tərbiyəsi və idmanın inkişaf etdirilməsi, insanların sağlamlığının möhkəmləndirilməsi baxımından təsirli tədbir kimi qiymətləndirilir.