"Xəzər-Lənkəran" futbol klubunun MDB və Baltikyanı ölkələrin çempionlarının Moskvada keçiriləcək "Birlik kuboku" turnirində ilk görüşü yanvarın 19-da Litvanın "Kaunas" klubu ilə olacaqdır.

Azərbaycan Televiziyası və Radiosu Qapalı Səhmdar Cəmiyyəti və İdarənin Həmkarlar İttifaqı Komitəsi uzun illərdir Kəlbəcər, Şuşa, Ağdam, Laçın... rayonlarından qaçqın düşmüş, Qax şəhərində məskunlaşmış 272 ailəyə hamilik edir.
HİK sədri Sərhəd Qasımov demişdir ki, ildə ən azı 2-3 dəfə qaçqın soydaşlarımıza baş çəkir, onlara ərzaq sovqatı aparırıq.

Təhsil İşçiləri Azad Həmkarlar İttifaqı Kürdəmir Rayon Komitəsi ənənəsinə sadiq qalaraq bu il də müqəddəs Qurban bayramını xeyirxah tədbirlərlə qeyd etmişdir. Komitə rayon ərazisində yerləşən "N" saylı hərbi hissənin əsgər və zabitlərinə Qurban hədiyyələri aparmışdır.

Dekabrın 27-də Azərbaycan Sosial Münasibətlər Akademiyasında AHİK-in III qurultayı qarşısında Tələbə Elmi Cəmiyyətinin "Əmək bazarı və Azərbaycanda sosial-iqtisadi inkişafın əsas istiqamətləri" mövzusunda konfrans keçirildi. Tədbiri giriş sözü ilə Akademiyanın rektoru, sosiologiya elmləri namizədi Hüseyn Qaraşov açdı.

Dekabrın 9-10-da sərbəst güləş üzrə kodetlər (kiçikyaşlılar) arasında ümummilli lider Heydər Əliyevin xatirəsinə həsr olunmuş "Zenit" İdman Cəmiyyətinin birinciliyi keçirilmişdir.

Azərbaycan Əmək və Sosial Münasibətlər Akademiyasının tələbələri ilə bu təhsil ocağını müxtəlif illərdə bitirmiş məzunların və respublika həmkarlar ittifaqı hərəkatı veteranlarının görüşü olmuşdur. Görüşü giriş sözü ilə açan Akademiyanın rektoru, sosioloji elmlər namizədi, dosent Hüseyn Qaraşov belə tədbirlərin gənclərimizin vətənə, peşəyə məhəbbət ruhunda tərbiyə olunmasında böyük rol oynadığını qeyd etmişdir.

Bu günlərdə TİAHİ Salyan rayon komitəsində "Gender bərabərliyi və qadın problemləri"nə həsr olunmuş "Lider qadın kimdir?" mövzusunda dəyirmi masa keçirilmişdir.

Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin maliyyə dəstəyi ilə "Spartak" KBTİC-nin Respublika Şurası Bakının Ramana qəsəbəsində yerləşən "Gənc Əlillərin Əmək və İstirahət Evi"ndə Beynəlxalq Əlillər Gününə həsr edilmiş yarış keçirmişdir.
Noyabr ayının 28-dən dekabr ayının 3-nə kimi stolüstü idman növləri üzrə keçirilən bu yarışlara "Gənc Əlillərin Əmək və İstirahət Evi"nin 55 sakini cəlb olunmuşdu.

A.Bakıxanov qəsəbəsindəki neftçilərin A.İsgəndərov adına Mədəniyyət Sarayında təsviri və tətbiqi sənət studiyasının 50 illik yubileyi keçirildi.
Foyedə studiyanın üzvlərinin əl işlərindən ibarət sərgi təşkil edilmişdi. Sərginin ekspozisiyasında quaş, qrafika, sulu boya ilə işlənmiş rənglər, mozaika, muncuqdan hazırlanmış dekorativ əl işləri, plastilindən düzəldilmiş heykəllər nümayiş olundu.

ONDAN YAXA QURTARMAQ OLARMI?

Əmək və Sosial Münasibətlər Akademiyasında bu təhsil ocağının tələbə elmi cəmiyyətinin təşəbbüsü ilə "QİÇS-lə mübarizə günüdür" mövzusunda dəyirmi masa keçirilmişdir.
Tədbirdə Akademiyanın prorektoru, iqtisad elmləri doktoru Ramiz İsgəndərovun, müəllim və tələbələrin, eləcə də bu sətirlərin müəllifinin çıxışları dinlənilmişdir.

"Zenit" İdman Cəmiyyəti Respublika Şurasının Müstəqillik Gününə həsr olunmuş X spartakiadası başa çatmışdır. 9 idman növünü əhatə edən yarışlara həmkarlar ittifaqlarının 6 Respublika Komitəsinin yığma komandası qatılmışdı. Ümumilikdə 322 fəhlə və qulluqçunun iştirak etdiyi bu möhtəşəm idman mübarizəsində Avtonəqliyyat və Yol Təsərrüfatı İşçilərinin komandası 1-ci olmuşdur.

Hacı Zeynalabdin Tağıyev adına Toxuculuq Kombinatının klubunda Gənclər ilinə həsr edilmiş ədəbi-bədii görüş keçirilmişdir. Tədbirə toplaşmış gənclər qarşısında klubun bədii-özfəaliyyət kollektivlərinin üzvləri çıxış etmişlər.

Noyabrın 26-da Azərbaycan Dövlət Musiqili Komediya Teatrında Azərbaycan Respublikasının Mədəniyyət və Turizm, Gənclər və İdman nazirlikləri tərəfindən Yaradıcı Gənclərin I Ümumrespublika Toplantısı keçirildi.

Azərbaycan Həmkarlar İttifaqlarının Gənclər ilinə həsr etdiyi "Səni tərənnüm edirik, doğma Azərbaycan!" yaradıcılıq ongünlükləri get-gedə daha geniş miqyas almaqdadır.
Ongünlüyün növbəti ünvanları dənizçilərin Mədəniyyət Evi, "Xidmət İş" Həmkarlar İttifaqı Federasiyasının Mədəniyyət və İdman Sarayı, Müdafiə Sənayesi Nazirliyinin Sosial Xidmətlər İdarəsinin Buzovna qəsəbəsindəki Mədəniyyət Sarayı olmuşdur. Tədbirlərin keçirilməsində əsas məqsəd gənclərimizdə vətənpərvərlik hisslərini gücləndirmək və onların səmərəli istirahətini təşkil etmək idi.

FUTBOL ÜZRƏ AVROPA ÇEMPİONATI-2008-İN SEÇMƏ YARIŞLARI BAŞA ÇATMIŞDIR

Gələn il Avstriya və İsveçrədə keçiriləcək final mərhələsində təşkilatçı ölkələrin yığmaları ilə yanaşı Polşa, Portuqaliya, İtaliya, Fransa, Yunanıstan, Türkiyə, Çexiya, Almaniya, Xorvatiya, Rusiya, İspaniya, İsveç, Rumıniya və Hollandiya komandaları da iştirak edəcəklər.

Rabitə və İnformasiya Texnologiyaları Nazirliyinin Kollegiyasının, Rabitə İşçiləri Müstəqil Həmkarlar İttifaqı Respublika Komitəsinin və "Spartak" Könüllü Bədən Tərbiyəsi İdman Cəmiyyəti Respublika Şurasının Rəyasət heyətlərinin birgə qərarına əsasən, 2007-ci il oktyabrın 1-dən 30-na kimi Bakı şəhərində "Sağlamlıq-2007" Respublika Spartakiadası keçirilmişdir.
Yarışların əsas məqsədi rabitə sahəsində çalışan işçilərin sağlamlığının qorunması, fiziki cəhətdən möhkəmləndirilməsinin təmin edilməsi və AHİTA-nın sahə həmkarlar ittifaqları təşkilatları arasında keçiriləcək spartakiadaya Rabitə və İnformasiya Texnologiyaları Nazirliyinin ayrı-ayrı idman növləri üzrə yığma komandalarının heyətlərinin müəyyənləşdirilməsi idi.

ABŞ-da Dünya Döyüş Sənətləri Assosiasiyasının yeniyetmələr və gənclər arasında təşkil etdiyi döyüş sənətləri üzrə IX "Qızıl Dünya Kuboku" yarışı başa çatmışdır. Azərbaycanı bu mötəbər yarışda "Neftçi" İdman-Sağlamlıq Mərkəzinin (İSM) və Hapkido Federasiyasının idmançıları təmsil etmişlər.

"Zenit" İdman Cəmiyyəti Respublika Şurasının "Dövlət Müstəqilliyi Günü"ndə start götürmüş X spartakiadasında idmanın bir neçə növü üzrə yarışlar başa çatmışdır.
Mini-futbol, stolüstü tennis, daşqaldırma ustalarının qarşılaşmasında Avtonəqliyyat və Yol Təsərrüfatı İşçiləri Müstəqil Həmkarlar İttifaqının yığmaları qalib gəlmişlər. Voleybolçuların mübarizəsində Aviasiya İşçiləri Hİ-nin komandası birinci yeri tutmuşdur. "Metal-İş" Hİ Federasiyasının təmsilçiləri isə kəndirdartanların yarışında daha güclü olmuşlar.
Armnstrinq, nərd, dama və şahmat oyunlarının qalibləri noyabr ayının sonlarında müəyyən ediləcəkdir.

Oktay ABBASOV, AHİK-in mütəxəssisi.

Məlum olduğu kimi, Azərbaycan Respublikasının Prezidenti cənab İlham Əliyev bu il iyun ayının 28-də "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığın yayılması ilə mübarizə üzrə Proqram" imzalamışdı. Proqrama uyğun olaraq Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu AHİK-in, bilavasitə aidiyyətı olan nazirlik, komitə və təşkilatların iştirakı ilə yerlərdə vətəndaşlarla, o cümlədən gənclər və yetkinlik yaşına çatmayanlarla maarifləndirmə tədbirləri keçirir.

"Məhsul" Kənd Könüllü Həmkarlar İttifaqı İdman Cəmiyyətinin Respublika Şurası, Kənd Təsərrüfatı, Gənclər, İdman nazirliklərinin Azərbaycan Texniki Universitetinin idman zalında birlikdə keçirdikləri xalq idman oyunları üzrə XVIII ənənəvi spartakiadanın final yarışları başa çatmışdır.
Spartakiada üç mərhələdən ibarət olmuşdur.