"Yayın sonlarına qədər respublikamızın dilbər guşələrinə qısamüddətli səfərlər nəzərdə tutmuşuq. Yeri gəlmişkən deyim ki, belə səfərləri artıq ənənəyə çevirmişik", - deyə Mədəniyyət İşçiləri Müstəqil Həmkarlar İttifaqı Respublika Komitəsinin məsul işçisi Arifə Zülfüqarova bildirdi.
Sonra dedi ki, hər il yay mövsümündə AHİK-in turizm mərkəzlərinə yüzlərlə yollayışlar paylayırıq. Təbii ki, bunlar çoxsaylı üzvlərimizin tələbatını tam ödəmir.

Şahin Mustafayev: "20 milyon kvadratmetrə yaxın qəsəbədaxili yolların tikintisi aparılacaq"

"2011-2013-cü illərdə Bakı şəhəri və onun qəsəbələrinin sosial-iqtisadi inkişafı üzrə Dövlət Proqramı" ilə bağlı tədbirlər planı hazırlanıb. Burada proqramda qarşıya qoyulan məsələlərin hər birinin yerinə yetirilməsinin konkret mexanizmləri, yolları öz əksini tapıb. İqtisadi inkişaf naziri Şahin Mustafayevin bildirdiyinə görə, tədbirlər planında yerinə yetirilməsi nəzərdə tutulan bütün işlər, layihələrin və tikinti obyektlərinin başlanması, onların tamamlanması və digər məsələlər tam təfərrüatı ilə göstərilib.

Azər Maqsudov: "İlan sancması ilə zəhərlənənlər bir sutka ərzində həkimə müraciət etməlidir"

Bu il ilan sancması nəticəsində zəhərlənənlərin sayı bir qədər artıb. İlin əvvəlindən indiyədək ilan sancmalarla bağlı iki ölüm faktı da qeydə alınıb. Hətta bu il respublikada zəhərli hörümçəklərin sancması halları da müşahidə olunub ki, bu da ilan sancmasından heç də az təhlükəli deyil. Maraqlıdır, bu hallara daha çox respublikanın hansı ərazilərində rast gəlinir və ilan sancması zamanı ilkin yardım nədən ibarət olmalıdır?

Nəzakət Tanrıverdiyeva: "Vaqonlarda nə vaxt kondisioner quraşdırılacağı hələ bilinmir"

Yay mövsümü başlayandan bəri, xüsusən səhər və axşam saatlarında Bakı Metropoliteninin vaqonlarında nəfəs almaq mümkün deyil. Bir müddət əvvəl metropolitenin texniki-istehsal şöbəsinin müdiri Fuad Tağızadə vaqonlara kondisioner qoyulacağını açıqlamışdı. Maraqlıdır, bu işlərə nə zaman başlanılacaq və heç olmasa bu yay sərnişinlər metro vaqonlarında kondisioner görə biləcəklərmi?

Nə qədər çətin olsa da, bəlkə çoxlarına təəccüblü gəlsə də, televiziyanın, internetin və sairə informasiya texnologiyalarının, əyləncə mərkəzlərinin gündəlik həyatımıza hakim kəsildiyi bir vaxtda Balaxanı qəsəbəsindəki Adil İsgəndərov adına Mədəniyyət Sarayı insanları özünə cəlb etməyi bacarır. Əslində burada elə təəccüblü bir sirr də axtarmaq düzgün olmazdı. Səbəb odur ki, Dövlət Neft Şirkətinin Mədəniyyət və İstirahət İşləri Departamentinin balansında olan bu kollektivdə işini sevən, yenilik hissi ilə yaşayan peşəkar toplaşıb.

Dünya bazarlarında taxılın və unun qiymətinin qalxması çörəyin də qiymət və çəkisinin sabit qalmaması ilə nəticələnib.

Amma bu təsir qiymətdən çox çəki və keyfiyyətdə özünü göstərir. Dünya bazarında taxıl bahalaşdıqca, çörəyin qiymətini sabit saxlamaq üçün çəkisində qram-qram azalma müşahidə olunur. Ucuzlaşanda da oxşar vəziyyət yaranır. Çörəyin qiyməti 5 qəpik düşəndə, çəkisi təxminən 100 qram azalır.

Dünən H.Z.Tağıyev adına Toxuculuq Kombinatının klubu daha bir bayram gününün çal-çağırına şahidlik etdi.

Onlarla insan bu ünvana Beynəlxalq Rəqs Gününü qeyd etməyə yığışmışdı. Rəqs gününün məhz burada keçirilməsi təsadüfi deyildi. Klubda incəsənətin bu növü üzrə güclü tədris potensialı var.
Peşəkar rəqqas olmaq həvəsinə düşən yeniyetmələrin arzularına rəğmən mədəniyyət ocağında 3 rəqs dərnəyi yaradılmışdır. Hər üçünə də bir-birindən istedadlı oğlan və qızlar toplaşıb. Artıq "Aliyə" (rəhbəri A.Zeynalova), "Züleyxa" (rəhbəri Z.Atamoğlanova) və "Azəri-Qafqaz" (rəhbəri V.Həsənli) kollektivləri öz ətrafına çoxsaylı pərəstişkar toplaya bilib. Gənc rəqs həvəskarlarnı bütün konsertlərdə sevinclə qarşılayır, alqışlarla yola salırlar.

Mayın 11-də Azərbaycan Respublikası Turizm və Ekskursiyalar Şurasının yaranmasının 75-ci ildönümü tamam olur.

Oxucularımıza təqdim etdiyimiz aşağıdakı yazıda bu qurumun tarixinə yığcam ekskurs edilir.

Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin və "Spartak" Könüllü Bədən Tərbiyəsi İdman Cəmiyyəti Respublika Şurasının təşkilatçılığı ilə martn 15-dən 20-dək Bakının Ramana qəsəbəsində yerləşən Gənc Əlillərin Əmək və İstirahət Evinin (GƏƏİE) kontingenti arasında Novruz bayramına həsr edilmiş stolüstü idman növləri üzrə yarışlar keçirilmişdir. 5 idman növü üzrə (şahmat, nərd, dama, gücsınama və darts) keçirilən yarışlarda 60 əlil iştirak etmişdir. I, II, III yerləri tutan iştirakçılar təşkilatçı qurumların Fəxri fərmanları və müvafiq olaraq 40, 35 və 30 manat məbləğində pulla mükafatlandırılmışlar.

Tələbə Həmkarlar İttifaqı Komitəsi Beynəlxalq Qadınlar Günü ərəfəsində möhtəşəm konsert tədbiri təşkil edib.

Tədbiri giriş sözü ilə açan BDU THİK-nin sədri Daşqın Qənbərov xanımları 8 Mart Beynəlxalq Qadınlar Günü münasibətilə təbrik edərək, onların cəmiyyətdəki rolundan danışıb.
Deyib ki, xanımların ölkəmizin ictimai-siyasi həyatında çəkisi gündən-günə artır. Çıxış edən digər natiqlər də qadınlarımız barədə xoş sözlər söyləyiblər.

"Bu gün siz çox müqəddəs bir amal uğrunda həyatından keçmiş insanın xatirəsinə həsr olunmuş yarışa toplaşmısınız. İdmanın mətinləşdiyi mübariz ruh bəxş etdiyi bu insan həm tatami üzərində, həm də döyüş meydanında əsl qəhrəmanlıqlar göstərirdi. İnanıram ki, siz onun həyat yolunu özünüz üçün örnək seçəcəksiniz. Onun kimi vətənimizin bayrağını, adını hər yerdə ucalardan ucaya qaldıracaqsınız".

Paytaxtın nəqliyyat sistemində qayda-qanun yaradılması istiqamətində görülən tədbirlərə baxmayaraq, vəziyyət hələ də ürəkaçan deyil.

Respublikamıza iritutumlu avtobusların və taksilərin gətirilməsi yekunlaşmayıb. Bu il ərzində nəqliyyatın intellektual idarəetmə sisteminin işə salınması gözlənilsə də, avtobus dayanacaqlarının quraşdırılması başa çatmayıb.
Həmçinin şəhərin bir çox yerlərində dayanacaqlar yaşayış binalarının qarşısında quraşdırıldığından sakinlərin narazılığına səbəb olub.

Azər Aslanov: "Bakı Şəhər Yaşıllaşdırma İdarəsi öz vəzifəsini elə icra etməlidir ki, bu vəziyyət yaranmasın"

Nizami rayonunda ağac aşması nəticəsində baş verən faciədən qısa müddət sonra eyni vəziyyət paytaxtın digər rayonlarında da təkrarlanıb. Belə ki, Yasamal və Səbayel rayonlarında ağaclar minik avtomobillərinin üstünə aşıb. Nəticədə həmin avtomobillər yararsız vəziyyətə düşüb. Yasamal rayonunda ağacın aşması nəticəsində yaşayış binasının bəzi mənzillərinin şüşələri də sınıb.

Rəşid Hacılı: "Bu, insanların mülkiyyət hüququnun və alternativ informasiya əldə etmək hüququnun pozuntusu olardı"

Əflatun Şərifov: "Nazirlik əhaliyə el ə kömək edəcək ki, heç kim ən keyfiyyətli peyk kanalına baxmaq üçün əlavə vəsait xərcləməyəcək"

Deyəsən yaxın vaxtlarda paytaxdakı yaşayış binalarının qarşısında, binaların damında yan-yana düzülən onlarla peyk antenasını görməyəcəyik. Rabitə və İnformasiya Texnologiyaları Nazirliyindən bildirirlər ki, eyvanlara, damlara asılan çanaq antenaları şəhərlərin arxitekturasına xələl gətirməklə yanaşı, binaların damındakı bacalara və digər kommunal sistemlərə maneə yaradır.

Azərbaycan həmkarlar ittifaqları öz fəaliyyətində əsas istiqamətlərdən biri olaraq gənclərlə aparılan işi mühüm hesab edir.

AHİK bütün üzv təşkilatları ilə birgə gənclər siyasətinin düzgün həyata keçirilməsinə səy göstərir. Həmkarlar ittifaqları mövcud struktur çərçivəsində gənclərin fəallığını təmin etməyə, rəhbər orqanlarda təmsil olunmalarına şərait yaratmağa, işləyən və təhsil alan gənclərin hüquq və mənafelərinin qorunmasına çalışırlar.
Bu məqsədlə bağlanan bütün saziş və kollektiv müqavilələrə gənclərlə əlaqədar müvafiq bölmə və öhdəliklər daxil edilmişdir.