Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Ötən gün Mədəniyyət İşçiləri Müstəqil HİRK-də Azərbaycan Respublikasının tanınmış incəsənət xadimlərinin iştirakı ilə Beynəlxalq Qadınlar Gününə həsr edilən tədbir keçirildi. Tədbirdə xalq artistləri Rəfiqə Axundova, Xumar Zülfüqarova, Tamilla Abdullayeva və başqa tanınmış simalar iştirak etdilər.
5 Mart - İdman və Bədən Tərbiyəsi Günüdür. Bununla bağlı Mədəniyyət İşçiləri Müstəqil HİRK-də idmançılarla görüş keçirildi. Görüşdə veteran idmançılarımızdan Kazbek Tuayev, Ələkbər Məmmədov, Yaşar Məmmədov, Üzeyir Abdullayev, Cəmil Bayramov, Əhəd Əliyevlə yanaşı, AHİK-in zəhmətkeşlərin mədəni-məişət problemləri üzrə analitik tədqiqat şöbəsinin müdiri Namiq Hüseynov, AzTV-nin Həmkarlar İttifaqı Komitəsinin sədri Sərhəd Qasımov da iştirak etdi.
Əlbəttə, yeni əsrdə yaşayırıq, bu gün zamanın tələbləri başqadır. Amma bu o demək deyil ki, biz əsrlər boyu təkmilləşə-təkmilləşə gələn mədəniyyətimizdən imtina etməliyik. Təəssüf ki, imtina etməkdəyik. Peşəkarların etirazına baxmayaraq gənc nəslə şou-biznes adı ilə milli musiqimizə yad mahnılar təqdim olunur, avro-Amerika ritmlərinə üstünlük verilir. Müasir mahnıların mətnində bəzən bədii poetika gözlənilmir. Elə buna görə də həmkarlar ittifaqları gənc nəslin mənəvi tələbatlarının ödənilməsinə, istedadlı uşaq və gənclərin müsabiqə və yarışlar vasitəsilə üzə çıxarılmasına daim diqqət yetirir. "Ötən illərin mahnıları" retro-musiqi festivalı Azərbaycan peşəkar mahnı yaradıcılığının ən yaxşı nümunələrini nümayiş etdirdi. Bu gün biz festivalda iştirak edən istedadlı gənclərdən ikisi haqqında danışmaq istəyirik.
Fevralın 25-də neftçilərin Qaraçuxur qəsəbəsindəki Qurban Abbasov adına Mədəniyyət Sarayında Xocalı faciəsinin 17-ci ildönümünə həsr edilmiş "O qızın göz yaşları" bədii-musiqili kompozisiya tamaşaçıların ixtiyarına verildi. Kompozisiyada mədəniyyət sarayının bədii-qiraət, rəqs və musiqi kollektivlərinin üzvləri professional səviyyədə çıxış edərək, yaratdıqları obrazlarda o ağır günlərin faciəsini bir daha yaşatdılar. Tamaşa zalı dərin sükut içərisində idi.
Şahin Camalov: "Avtomobilin qovulması son hal olsa da, bizdə bunu ilkin hal kimi tətbiq edirlər"
Avtoxuliqanlıq edən sürücülərə qarşı Dövlət Yol Polisinin apardığı mübarizə tam effekt vermir. Şəhərin mərkəzində hələ də yüksək sürətlə hərəkət edərək digər sürücülərin və sərnişinlərin həyatına təhlükə yaradanlar çoxdur.
Gənc istedadları seçib üzə çıxarmaq, onların hüquqlarını qorumaq, yaradıcılıq potensialını inkişaf etdirmək daim həmkarlar ittifaqlarının diqqət mərkəzində olub. Azərbaycan həmkarlar ittifaqları hələ keçən əsrin 80-ci illərində ölkəmizin bütün ərazisindən istedadlı uşaqları seçərək onların gələcək inkişafına təkan vermişdir.
Fevralın 18-də "Bakı - İslam mədəniyyətinin paytaxtı-2009" Mədəniyyət ilinin təntənəli açılışı münasibətilə şəhərimizdə geniş konsert proqramları nümayiş etdirilmişdir.
Rabitə və İnformasiya Texnologiyaları Nazirliyi Azərbaycanda fəaliyyət göstərən mobil operatorların bağlanma qiymətlərini iki dəfədən artıq ucuzlaşdırıb. Qeyd edək ki, mobil operatorların bir-biri ilə ara bağlantısını nazirlik müəyyənləşdirir. Əvvəllər bu qiymət mobil operatorlarda 1 dəqiqə danışıq üçün 5 qəpik müəyyənləşdirilirdi. Nazirliyin bu qiyməti 5 qəpikdən 2 qəpiyə endirməsi bazara yeni daxil olan operatorlara da şamil edilib.
Fevralın 11-də Milli Elmlər Akademiyasının Rəyasət Heyətinin binasında görkəmli tarixçi, MEA-nın həqiqi üzvü Tofiq Köçərlinin 80 illik yubileyinə həsr olunmuş elmi-praktik konfrans keçirilmişdir. Tədbiri giriş sözü ilə MEA-nın prezidenti, akademik Mahmud Kərimov açdı. O, nadir şəxsiyyət, əvəzsiz elm adamı olan T.Köçərlinin Azərbaycan tarixinə verdiyi töhfələrdən danışdı.
Heykəlin harada saxlanılmasından heç bir dövlət qurumu xəbərdar deyil
Bir neçə ay öncə Bakının mərkəzində yerləşən İmadəddin Nəsiminin heykəli söküldü. Tolstoy küçəsi 191 ünvanında yerləşən park sökülərkən bildirilirdi ki, Nəsiminin heykəli yenidən bərpa olunaraq əvvəlki yerində yerləşdiriləcək. Parkın ərazisində isə yeni 300 maşınlıq 3 mərtəbəli yeraltı qaraj tikiləcək. Son günlər yayılan bəzi məlumatlara görə, parkın ərazisində qaraj yox, hündürmərtəbəli yaşayış binası tikilir. Belə olan halda İmadəddin Nəsiminin heykəlinin sonrakı aqibəti müəmmalı olaraq qalır.
Fevral ayının 2-də Bakıdakı Muzey Mərkəzində "Azərbaycan aşıq musiqisi antologiyası" diskinin təqdimat mərasimi olacaq. Diskin tərtibatçısı YUNESKO-nun şifahi və qeyri-maddi irs üzrə eksperti, Azərbaycan MEA-nın Memarlıq və İncəsənət İnstitutunun böyük elmi işçisi, sənətşünaslıq namizədi Sənubər Bağırovadır. Sənubər xanım bu diskin ərsəyə gəlməsindən ötrü təxminən bir il gərgin çalışıb. Lakin antologiya barədə danışmazdan əvvəl oxucularımızı Sənubər xanımla yaxından tanış etmək istərdik.
Samir Həsənov: "Sərnişindaşımada ciddi qayda-qanun yaradılması iri tutumlu avtobusların tam gətirilməsindən sonra mümkün olacaq"
Paytaxtda sərnişindaşıma sahəsində vəziyyət hələ də ürəkaçan deyil. Şəhərin mərkəzində hərəkət edən mikroavtobuslar nisbətən iritutumlularla əvəz olunsa da, sərnişin daşınması sahəsində qayda-qanun yaratmaq mümkün olmayıb. Həmçinin sərnişin avtobuslarının sürücülərinin vahid geyimlə təchiz edilməsi və biletlərin tətbiqi ilə bağlı verilən vədlər də özünü doğrultmadı. 2009-cu ilin əvvəllərinədək bu sahədə problemlərin aradan qaldırılacağı bildirilsə də, vəziyyət dəyişməyib.
Əli Abbasov: "Yayım işinin gücləndirilməsi nəticəsində müşahidə olunan müdaxilələr Azərbaycanın günahı deyil, qarşı tərəfin beynəlxalq yayım tələblərini həyata keçirməməsindən irəli gəlir"
Ötən ilin iyun-avqust aylarında ABŞ-ın Nyu-York və Yaponiyanın Tokio şəhərlərində təşkil olunmuş 9-cu Beynəlxalq Uşaq Rəsm Müsabiqəsinə yanvarın ilk günlərində yekun vurulmuşdur. Müsabiqədə 58 dövlətdən göndərilmiş 22.000 rəsm əsərinə baxılmışdır.
Yanvarın 9-dan 11-nə kimi Azərbaycan Beynəlxalq Universitetinin İdman Zalında yeniyetmələr və gənclər arasında sərbəst güləş üzrə Bakı birinciliyi keçirilmişdir.
Bu ili İslam mədəniyyəti paytaxtında yaşamağımızla bağlı düşüncələr
2009-cu ildə küləklər şəhəri ikiqat paytaxt olmaq məsuliyyətini daşıyır: həm müstəqil Azərbaycan Respublikasının, həm də İslam mədəniyyətinin paytaxtı olmaq məsuliyyət və şərəfini.1918-ci il sentyabrın 15-dən bəri Bakının 90 illik ölkə paytaxtı olmaq təcrübəsi var. Beləcə, 91 yaşın içində Bakımızın milli mədəniyyətimizi, dünya mədəniyyətinə bu çağadək nə qədər töhfələr verdiyimizi bir daha nümayiş etdirmək, həmçinin beynəlxalq səviyyəli neçə-neçə mötəbər məclisə, sənət tədbirinə ev sahibliyi etmək imkanı olacaq.
Azərbaycan Dövlət Musiqili Komediya Teatrında "Diqqət, şəhərdə manyak var!" adlı yeni əsərin məşqləri gedir. Tamaşanın librettosu məşhur türk yazıçısı Əziz Nesinin "Öldür məni, əzizim" pyesinin motivləri əsasında yazılıb. Tamaşanın bəstəkarı Sərdar Fərəcovdur.
"Zenit" Bədən Tərbiyəsi İdman Cəmiyyəti Respublika Şurasının hesabat-seçki konfransı keçirilmişdir. Konfransda Şuranın 2003-2008-ci il ərzində gördüyü işlər barədə məruzə dinlənilmişdir. Təşkilatın bu dövrdəki fəaliyyəti qənaətbəxş qiymətləndirilmişdir. Tədbirdə təşkilati məsələlərə baxılmışdır. Fazil Hadıbəyov yenidən Cəmiyyətin Respublika Şurasının sədri seçilmişdir.
Gəncə Dövlət Universitetinin Tələbə Həmkarlar İttifaqı Komitəsi xeyriyyə məqsədi ilə satış yarmarkası keçirmişdir. Yarmarkada təşkilatın nəzdində yeni yaradılmış "Moda dizayn" klubunun hazırladıqları geyimlər nümayiş etdirilmişdir. Satışdan yığılan vəsait hesabına qurbanlıq heyvan alınıb imkansız tələbələrə paylanacaq.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
