Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Hörmətli Ramiz müəllim! Siz uzun illərdir ki, böyük həyat təcrübəsinə malik bir insan kimi dövlət quruculuğunda yorulmadan çalışırsınız. Siz ömrünüzün yarıdan çoxunu ictimai-siyasi fəaliyyətlə məşgul olmuş, sözün əsl mənasında, ulu öndərimiz Heydər Əliyev siyasi məktəbinin layiqli davamçısı, dövlət xadimi kimi fəaliyyətinizi xalqımızın gələcəyinə həsr etmisiniz. Azərbaycanın müstəqilliyinin əbədi, dövlətçiliyinin sarsılmaz olmasına, ümummilli liderimiz H.Əliyev tərəfindən qoyulan tarixi və diplomatik əsaslar üzərində qurulan siyasətin Azərbaycan Respublikası Prezidenti cənab İlham Əliyev tərəfindən uğurla davam etdirilməsinə və bu ideallara xidmətinizi heç vaxt əsirgəməmisiniz. Bu siyasətin formalaşmasında və dünya tələblərinə uyğun qurulmasında rəhbərlik etdiyiniz icra aparatının səmərəli fəaliyyətinin əhəmiyyəti böyükdür. Sizin şəxsi prinsipiallığınız, işgüzarlığınız və təşkilatçılığınız qazanılan uğurların başında durur. Sizin Azərbaycanda dövlət quruculuğunun və ölkəmizin hərtərəfli inkişafının təməlinin möhkəmləndirilməsində xüsusi əməyiniz vardır. Ölkəmizdə gedən bütün ictimai-siyasi, iqtisadi-mədəni proseslərdə yaxından iştirakınız problemlərə müstəqil yanaşmanız, onların mahiyyətini açmağınız əldə etdiyimiz uğurların əsasını təşkil edir. Siz eyni zamanda bir akademik kimi də Azərbaycanın müasir fəlsəfi-siyasi fikrinin görkəmli tədqiqatçılarından birisiniz. Ölkəmizin ictimai-siyasi həyatı ilə bağlı tədbirlərdə demokratik inkişaf yoluna fundamental yanaşmanı özündə əks etdirən elmi məruzələriniz həmişə maraqla qarşılanır. Dərin fəlsəfi araşdırmalarınız, zəngin dövlətçilik səriştəniz, yeni cəsarətli yanaşmalarınız diqqəti cəlb edir. Ölkənin iqtisadi və hərbi qüdrətinin yüksəldilməsində, bütün maddi, mənəvi və insani resurslarının Azərbaycan vətəndaşının rifahına yönəldilməsində demokratik proseslərin səviyyəsinin artmasında Sizin layiqli zəhmətiniz xalqımız və dövlətimiz tərəfindən qiymətləndirilir. Elə srağagün hörmətli Prezidentimiz İlham Əliyevin Sizə təqdim etdiyi "İstiqlal" ordeni bu qiymətin təzahürüdür. Hörmətli Ramiz müəllim! İcazə verin Sizi Azərbaycan Həmkarlar İttifaqları Konfederasiyasının İcraiyyə Komitəsi və çoxmilyonlu həmkarlar ittifaqı üzvləri adından bir daha 70 illik yubileyiniz yüksək dövlət mükafatına layiq görülməyiniz münasibətilə təbrik edim, Sizə ən qiymətli nemət olan cansağlığı, Azərbaycan dövlətçiliyinin inkişafı naminə işlərinizdə nailiyyətlər arzulayım.
Hörmətlə, AHİK-in sədri, millət vəkili S.Mehbalıyev.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Hörmətli Ramiz müəllim! Siz uzun illərdir ki, böyük həyat təcrübəsinə malik bir insan kimi dövlət quruculuğunda yorulmadan çalışırsınız. Siz ömrünüzün yarıdan çoxunu ictimai-siyasi fəaliyyətlə məşgul olmuş, sözün əsl mənasında, ulu öndərimiz Heydər Əliyev siyasi məktəbinin layiqli davamçısı, dövlət xadimi kimi fəaliyyətinizi xalqımızın gələcəyinə həsr etmisiniz. Azərbaycanın müstəqilliyinin əbədi, dövlətçiliyinin sarsılmaz olmasına, ümummilli liderimiz H.Əliyev tərəfindən qoyulan tarixi və diplomatik əsaslar üzərində qurulan siyasətin Azərbaycan Respublikası Prezidenti cənab İlham Əliyev tərəfindən uğurla davam etdirilməsinə və bu ideallara xidmətinizi heç vaxt əsirgəməmisiniz.