HƏFTƏNİN RƏSMİ XRONİKASI

AZƏRBAYCAN RESPUBLİKASININ PREZİDENTİ İLHAM ƏLİYEV

noyabrın 5-də
… Prezident Sarayında ABŞ-ın "Sülh korpusu" təşkilatının direktoru Ronald Tşetterin rəhbərlik etdiyi nümayəndə heyətini qəbul etmişdir.
… Prezident Sarayında Fransanın ölkəmizdəki fövqəladə və səlahiyyətli səfiri Bernar Amodrik dü Şafonu diplomatik fəaliyyətinin başa çatması ilə əlaqədar qəbul etmişdir.

noyabrın 6-da
… Prezident Sarayında rəsmi qarşılanma mərasimindən sonra Türkiyə Respublikasının Prezidenti Abdullah Güllə təkbətək görüşmüşdür.
… Prezident Sarayında Türkiyə Prezidenti Abdullah Güllə nümayəndə heyətlərinin iştirakı ilə geniş tərkibdə görüşmüşdür.
… Prezident Sarayında Türkiyə Prezidenti Abdullah Güllə strateji tərəfdaşlıq haqqında birgə Bəyannamə imzalamışdır.
… Prezident Sarayında sənədlərin imzalanması mərasimi başa çatdıqdan sonra Türkiyə Prezidenti Abdullah Güllə birgə mətbuat konfransı keçirmişdir.
… və Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyeva Heydər Əliyev Fondunda Türkiyənin dövlət başçısını və onun xanımı Hayrünnisa Gülü böyük səmimiyyətlə qarşılamışlar.
… və onun xanımı Mehriban Əliyevanın adından "Gülüstan" sarayında Türkiyə Respublikasının Prezidenti Abdullah Gülün və xanımı Hayrünnisa Gülün şərəfinə rəsmi ziyafət təşkil edilmişdir.

noyabrın 7-də
… və xanımı Mehriban Əliyevanın adından Türkiyə Respublikasının Prezidenti Abdullah Gülün və xanımı Hayrünnisa Gülün şərəfinə şəxsi nahar verilmişdir.

noyabrın 8-də
… Dəvəçi rayonu ərazisində Taxtakörpü su anbarının və su elektrik stansiyasının təməlqoyma mərasimində iştirak etmişdir.
… Prezident Sarayında Polşanın iqtisadiyyat naziri, Polşa-Azərbaycan Hökumətlərarası iqtisadi komissiyasının həmsədri Pyotr Qjeqoj Voznyakın başçılıq etdiyi nümayəndə heyətini qəbul etmişdir.