Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Şair Qurbanov: "Çində yayılan taun xəstəliyinin Azərbaycana yayılma ehtimalı o qədər də böyük deyil"
Azərbaycanda taun xəstəliyi sonuncu dəfə Naxçıvanda rus əsgərlərindən birində aşkarlanıb
Dünya A/H1/N1 qripi (donuz qripi) virusu həyacanı yaşadığı vaxtda Çində daha bir təhlükəli xəstəlik - taun yayılıb. Artıq xəstəlikdən bir neçə nəfərin dünyasını dəyişdiyi bildirilir. Son vaxtlar Çindən Azərbaycana gələnlərin artmasını nəzərə alsaq, bu xəstəliyin Azərbaycanda yayılma ehtimalı daha böyükdür. Bununla bağlı suallarımıza Səhiyyə Nazirliyinin Taun Əleyhinə Stansiyasının direktor müavini Şair Qurbanovla söhbətimizdə aydınlıq gətirməyə çalışdıq.
- Şair müəllim, Çində yayılan taun xəstəliyi bir neçə nəfərin həyatına son qoyub. Bu xəstəliyin Azərbaycana keçmə ehtimalı nə qədərdir? - Taun xəstəliyi insanlar vasitəsilə və ya gəmiricilərlə yayıla bilir. Çində yayılan taun xəstəliynin isə Azərbaycana yayılma ehtimalı o qədər də böyük deyil. Çində həmin xəstəliyin yayıldığı ərazi ilə Azərbaycanın o qədər də intensiv əlaqələri yoxdur. Amma Azərbaycanın sərhəd-keçid məntəqələrində Respublika Sanitariya-Karantin Müfəttişliyinin əməkdaşları tərəfindən ölkə ərazisinə gələn bütün şəxslər yoxlanılır. Həmçinin həmin şəxslər arasında sorğu aparılır. Onlardan kimdə hərarət, ishal hallarının olub-olmadığı soruşulur. Həmin ərazilərdən gələn şəxslər sağlam olsalar da, onlar müvafiq poliklinikalar tərəfindən 6-8 gün nəzarətdə saxlanılırlar. - Taun xəstəliyinin əsas əlamətləri hansılardır? - Bu xəstəliyə yoluxan şəxslərdə əsasən yüksək hərarət olur. Hərarət bir çox hallarda 39-40 dərəcəyə çatır. Eyni zamanda ishal halları, xəstəliyin müəyyən dövrlərində bədəndə şişmələr olur. - Azərbaycanda həmin xəstəliyin təbii ocaqları hansı bölgələr sayılır? - Taun xəstəliyinin təbii yaranma ocaqları olur. Hazırda Çin, Vyetnam, Madaqaskar, ABŞ-da belə xəstəlik tez-tez aşkarlanır. Abşeron yarımadasından başlayaraq düzənlik və dağətəyi zonalarda belə ocaqlar mövcuddur. Həmin ərazilərdə gəmiricilər arasında taunun yayılmasına sonuncu dəfə 1985-88 ci illərdə rast gəlinib. 2001-ci ildə Azərbaycanda gəmiricilər arasında taun mikrobu tapılıb. Bu xəstəlik əsasən gəmiricilər arasında yayılır. Amma dəvələr arasında da bu virus yayıla bilər. Əksər vaxtlarda bu xəstəliyə yoluxan birələr insanları dişləməklə xəstəliyi onlara ötürürlər. - Azərbaycanda bu xəstəlik nə zama n aşkarlanıb? - Azərbaycanda da bir vaxtlar taun xəstəliyi olub. Sonuncu dəfə 1957-ci ildə Naxçıvanda rus əsgərlərindən birində bu virus tapılıb. Bundan öncə - 1932-34-cü illərdə isə taundan xeyli insan dünyasını dəyişib. Hazırda respublikamızda bu xəstəliyin təbii ocaqlarında nəzarət tədbirləri həyata keçirilir. Həmin ərazilərdə mütəxəssislər tərəfindən vizual nəzarət aparılır. Lazım gəldikdə isə laborator müayinələr həyata keçirilir. Yəni həmin ərazilərdə gəmiricilərin say artımına nəzarət edilir. Gəmiricilərin sayı müəyyən həddən artıq olanda artıq qorxuludur. Gəmiricilərin artımı həmin ərazilərdə yaşayan və işləyənlər üçün də təhlükəlidir. - Taun xəstəliyi Azərbaycana keçərsə, bunun qarşısını almaq imkanları mövcuddurmu? - Azərbaycanda xəstəlik aşkarlansa belə, onunla mübarizə üçün bütün imkanlar var. Çünki bu sahədə ixtisaslaşan və müasir avadanlıqlarla təchiz olunan laboratoriyalarımız fəaliyyət göstərir. Səhiyyə Nazirliyinin Taun Əleyhinə Stansiyasında savadlı mütəxəssislər çalışır. Həmçinin ölkədə kifayət qədər vaksin preparatları toplanılıb. Buna görə də vətəndaşlar arasında heç bir narahatçılığa əsas yoxdur.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Şair Qurbanov: "Çində yayılan taun xəstəliyinin Azərbaycana yayılma ehtimalı o qədər də böyük deyil"