Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Ankarada dörd ölkənin iştirakı ilə təsis olunmuş Beynəlxalq Avrasiya Təhsil İşçiləri Həmkarlar İttifaqları Birliyinin I Forumu iyunun 4-də Qırğızıstan Respublikasında keçirilmişdir. Forumda dörd ölkənin nümayəndələri iştirak etmiş və razılaşma sənədi olaraq saziş imzalamışlar. Sazişin şərtlərinə uyğun olaraq yeni yaradılmış təşkilatın vəzifələri və perspektivləri müəyyənləşdirilmişdir. Sazişdə qeyd olunur ki, Birliyi yaratmaqda məqsəd üzv dövlətlərdə təhsil işçilərinin əmək, sosial və mədəni hüquqlarının müdafiəsini, əmək şəraitinin yaxşılaşdırılmasını təmin etmək, demokratiyanın inkişafına töhfə vermək, beynəlxalq tədbirlərdə bir-birinə dəstək olmaqdır. Bu təşkilatda ölkəmizi Təhsil İşçiləri Azad Həmkarlar İttifaqı Respublika Komitəsinin sədr müavini Şaiq Əsgərov və Azərbaycan Dövlət Neft Akademiyası Tələbə Həmkarlar İttifaqı Komitəsinin sədri Zəfər Qurbanov təmsil etmişlər. Respublika Komitəsi adından sazişi Ş. Əsgərov imzalamış və çıxış etmişdir. O demişdir ki, belə forumun keçirilməsi, türkdilli dövlətlərin bir araya gələrək problemlərin həllini birlikdə aramaları, vahid qərarlar qəbul etmələri müsbət bir haldır. Hamımıza məlum olan səbəblərə görə, Sovet dönəmində belə tərkibdə forum keçirmək mümkün deyildi. Artıq biz bir yerdəyik. Və bir-birimizin təcrübəsini öyrənməyə, öz işimizdə tətbiq etməyə, qarşılıqlı faydalanmağa imkanımız var. Ümid edirik ki, burada aparılan müzakirələr, irəli sürülən təkliflər çox əhəmiyyətli, çox faydalı olacaqdır. II Forumun gələn ilin iyununda Bakı şəhərində keçirilməsi nəzərdə tutulub. Bakı Forumuna daha bir neçə türk dövlətinin - Cənubi Kipr Respublikasının, Türkmənistanın, Özbəkistanın təhsil işçiləri həmkarlar ittifaqı təşkilatının qoşulması gözlənilir.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Ankarada dörd ölkənin iştirakı ilə təsis olunmuş Beynəlxalq Avrasiya Təhsil İşçiləri Həmkarlar İttifaqları Birliyinin I Forumu iyunun 4-də Qırğızıstan Respublikasında keçirilmişdir. Forumda dörd ölkənin nümayəndələri iştirak etmiş və razılaşma sənədi olaraq saziş imzalamışlar.