Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
YENİ ÇƏKİLƏCƏK AEROPORT YOLUNDA KOMMUNİKASİYA XƏTLƏRİ KÖÇÜRÜLÜR
Xeyli müddətdir İpək yolunun tərkib hissəsi olan Hacıqabul-Kürdəmir istiqamətində yolun çəkilişi davam edir. Artıq işlərin bir hissəsi həyata keçirilib. "Azəryolservis" Açıq Səhmdar Cəmiyyətinin (ASC) mətbuat xidmətinin rəhbəri Pünhan Mürsəliyevdən aldığımız məlumata görə, 2008-ci ilin əvvəlinədək işlər başa çatdırılacaq: "Avropa Yenidənqurma və İnkişaf Bankının ayırdığı 41 milyon ABŞ dolları məbləğində kredit hesabına qurulan yolun tikintisini isə İtaliyanın "Todinni" şirkəti həyata keçirir. Həmin yolun ümumi uzunluğu 85,6 kilometrdir. Bunun da 6,5 kilometri birinci texniki dərəcəli 4 hərəkət zolaqlı, qalan hissə ikinci texniki dərəcəli 2 zolaqlı olacaq. Layihəyə əsasən yolun 75 kilometri yenidən qurulacaq. Təxminən 10 kilometr uzunluğunda yeni yol tikiləcək. Layihədə 2 yeni körpünün tikintisi də nəzərdə tutulub. Havaların isti keçməsi işlərin sürətlə aparılmasına bir müddət mane oldu. Hazırda isə işlər normal qaydada gedir". P.Mürsəliyevin sözlərinə görə, ərazidə olan kommunikasiya xətləri köçürülür: "Aeroport yolunun tikintisi ilə bağlı layihələr başa çatmaq üzrədir. Hazırda ərazidə torpaqlama işləri görülür. Hələlik yol çəkiləcək əraziyə düşən yaşayış evləri və obyektlər köçürülməyib. Bu işlərə layihə tam hazır olduqdan sonra başlanılacaq. Sənədləri qaydasında olan vətəndaşlara kompensasiya veriləcək". P.Mürsəliyev yolun Əzizbəyov dairəsindən Sabunçu dairəsinədək olan hissəsinin 12 zolaqlı olacağını qeyd etdi: "Sabunçu dairəsindən aeroportadək olan hissə isə 8 zolaqlı olacaq. Tikinti işini Azərbaycan və Almaniyanın birgə müəssisəsi həyata keçirəcək. Hazırda layihəyə uyğun işlər aparılır. Hələlik tam layihə olmadığından yolun nə vaxt istifadəyə veriləcəyini proqnozlaşdırmaq çətindir".
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
YENİ ÇƏKİLƏCƏK AEROPORT YOLUNDA KOMMUNİKASİYA XƏTLƏRİ KÖÇÜRÜLÜR