Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Son bir neçə ildə Azərbaycana xaricdən gətirilən ət məhsulları sırasında toyuq budları da mühüm yer tutur. Qiyməti yerli broyler fabriklərinin məhsullarından bir qədər ucuz olan toyuq budları nisbətən imkansız təbəqə tərəfindən daha çox istehlak edilirdi. Artıq həmin ət məhsullarının insan orqanizmində müxtəlif xəstəliklər yaratması barədə məlumatlar dolaşır. Belə ki, xaricdən gətirilən həmin toyuq budlarının xərçəng xəstəliyinin yaranmasına səbəb olduğu bildirilir. İnkişaf etmiş ölkələrdə toyuğun tez böyüməsi üçün ona müxtəlif hormonlar vururlar. Nəticədə toyuq 20-30 günə böyüyür. Vurulan hormonların qalığı olan zəhər isə toyuğun buduna yığılır. Məhz bu səbəbdən də əcnəbilər toyuq budlarını Azərbaycan və Orta Asiya ölkələrinə ixrac edirlər. Budu yeyən kişilərdə prostat və bağırsaq xərçənginin, qadınlarda isə döş vəzi xərçənginin yaranma ehtimalı böyükdür. Qeyd edək ki, uşağa süd verən analar bu sıraya daxil deyillər. Yəni onların döş xərçənginə tutulma faizi sıfıra bərabərdir. Məsələyə münasibət bildirən Kənd Təsərrüfatı Nazirliyi Yanında Dövlət Baytarlıq Xidmətinin mətbuat katibi Yolçu Xanvəlinin sözlərinə görə, toyuq budları Azərbaycana Türkiyədən, Braziliyadan, az miqdarda isə Kanadadan idxal edilir: "Əvvəllər Amerikadan da sözügedən məhsulu alırdıq. Quş qripi aşkarlanan ölkələrdən isə quş əti idxalına qadağa qoyulub. Ölkə bazarına daxil olan məhsulların hamısı yoxlanılır. Sərhədi keçməmişdən əvvəl ərzaqlardan nümunə götürülür və Respublika Baytarlıq Komitəsində analiz edilir. Özü də məhsulun müayinəsi 16 istiqamətdə aparılır. Müayinələr nəticəsində toyuq budlarında hormonal preporatlar aşkar olunmayıb. Yəni toyuqlara vurulan hormonlar normadan artıq deyil". Y.Xanvəli şişirdilmiş toyuq budlarının doğrudan da xərçəng xəstəliyinin yaranmasına təsir edə biləcəyi ehtimalını istisna etmədi. Mərkəzi Klinik Xəstəxananın onkoloqu Azər Quliyev hazırda xərçəngin erkən yaşlarda təsadüf olunduğunu qeyd edir: "Xərçəngin cavanlaşmasının səbəbləri sırasında konserogen maddələrlə (hava ilə udduğumuz zəhərli maddələr) yanaşı qidalanma faktoru da rol oynayır. Hormonlar vurularaq 40 günə böyüdülmüş toyuqların budlarının xərçəng yaratma ehtimalı çox yüksəkdir. Ona görə də toyuq budlarını yeməkdən, ümumiyyətlə, ət məhsullarının istifadəsindən qaçmaq məsləhətdir".
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
ARTIQ BU EHTİMAL TƏSDİQLƏNİR