Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
YERALTI KEÇİDİN TİKİNTİSİNİN İLİN SONUNADƏK BAŞA ÇATDIRILMASI NƏZƏRDƏ TUTULUR
Bakı şəhərində tıxacların aradan qaldırılması üçün bir neçə yeni körpü və yolötürücü tikildi. Lakin yeni körpülərin tikilməsi də tıxac problemini aradan qaldıra bilmədi. Xüsusən şəhərin şimal girişində tıxaclar qalmaqdadır. Hazırda ən çox tıxac əmələ gələn həmin ərazidə 200 metr məsafəni bəzən 30-35 dəqiqəyə qət etmək olmur. 3-cü mikrorayon dairəsində tikilən körpünün istifadəyə verilməsindən sonra problemin aradan qaldırılacağı bildirilsə də, gözləntilər özünü doğrultmadı. Məsələyə münasibət bildirən Nəqliyyat Nazirliyi katibliyinin müdiri Namiq Həsənov problemlə tanış olduqlarını dedi: "Hazırda "Nəqliyyat sisteminin optimallaşdırılması" layihəsi həyata keçirilir. Nəqliyyatın hərəkətinin sıx olduğu ərazilərdə marşrut avtobuslarının saxlamaması və taksi parklarının yaradılması istiqamətində iş aparılır. İndiyədək şəhərin müxtəlif ərazilərində 430 dayanacaq quraşdırılıb. Eyni zamanda avtobusların dayanacaqlarda saxlanılmasına Nəqliyyat Müfəttişliyi əməkdaşları nəzarət edir. Amma vətəndaşlar özləri də dayanacaqlardan istifadə etmək istəmirlər. Bir çox hallarda vətəndaşlar özləri məcbur edir ki, sürücü harada gəldi avtobusu saxlasın. Konkret olaraq metronun "20 Yanvar" stansiyasının yaxınlığında dayanacaq quraşdırılıb. Həmin ərazidə dayanan taksilərin yığışdırılması istiqamətində də iş aparılır". N.Həsənovun sözlərinə görə, "20 Yanvar" ərazisində tıxacların aradan qaldırılması üçün körpünün tikilməsi yetərli deyil: "Həmin layihənin ikinci hissəsinin icrasına yanvarın sonunadək başlanılacaq. Burada əlavə olaraq yeraltı keçidin tikilməsi nəzərdə tutulur. Bununla da, "20 Yanvar" dairəsindən Zərdabi prospektinə gediş-gəliş asanlaşacaq. Həmin yeraltı keçidin tikintisi həm də Sumqayıt avtobuslarının hərəkəti üçün əlverişli olacaq. Yeraltı keçidin tikintisinin isə bu ilin sonunadək başa çatdırılması nəzərdə tutulur". Bu problemlərin "Nəqliyyatın İntellektual İdarəetmə Sistemi"nin yaradılmasından sonra tamamilə aradan qaldırılacağını bildirən Namiq Həsənov bu istiqamətdə aparılan araşdırmaların başa çatdığını vurğuladı: "Bir ilə yaxındır ki, Koreya şirkəti ilə aparılan danışıqlar yekunlaşıb və artıq layihə hazırdır. Bu ayın sonunadək bu sistemin qurulması üçün tender keçiriləcək. Layihə iki mərhələdə həyata keçiriləcək. Avtobuslarda quraşdırılan xüsusi qurğular avtomatik idarəetməyə nəzarət edəcək. İlkin olaraq şəhərin mərkəzində bu işlərə başlanılacaq. Avtobuslar arasında yaranan intervala, onların dayanacaqlarda dayanmasına nəzarət ediləcək. Bu sistem həmçinin avtobuslarda sərnişinlərin sayına və biletlərin tətbiqinə nəzarət edilməsinə imkan verəcək".
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
YERALTI KEÇİDİN TİKİNTİSİNİN İLİN SONUNADƏK BAŞA ÇATDIRILMASI NƏZƏRDƏ TUTULUR