Emil Axundov: "Kanalizasiya xətləri tam yeniləşməsə, 4-5 ilə Bakının çox hissəsi kanalizasiya sularına qərq olacaq"

Paytaxtda yağan qar bir çox problemləri üzə çıxardı. Qarın yağması ilə Bakı şəhərində yollar bağlandı, nəqliyyatın hərəkəti mümkünsüz oldu. Bu günlərdə saatlarla dayanacaqlarda gözləməli olan şəhər sakinləri böyük ümidlə qarın əriməsini gözləyirdi. Amma qarın əriməsi ilə əlavə problemlər yarandı. Bu dəfə paytaxt küçələrini keçmək üçün az qala qayıqlardan istifadə etməli olursan. Nəinki şəhərətrafı qəsəbələrdə, hətta mərkəzi küçələrdə də yaranan gölməçələr əhalinin və avtomobillərin hərəkətini çətinləşdirib. Maraqlıdır, paytaxtın bu probleminin qarşısını nə zaman almaq mümkün olacaq?

Musa Quliyev: “Qanunvericilikdə həkimlərin məsuliyyəti ciddi şəkildə öz əksini tapmalıdır”

"İmmunçatışmazlığı virusunun törətdiyi xəstəliklə (HİV infeksiyası ilə) mübarizə haqqında" qanun layihəsi parlamentin yaz sessiyasında ikinci və üçüncü oxunuşlarda müzakirəyə çıxarılacaq. Yeni qanun layihəsinin HİV-ə yoluxmuş xəstələrin müalicəsində və profilaktikasında xüsusi rol oynayacağı gözlənilir. Qanun layihəsinin hazırlanması üzrə işçi qrupunun rəhbəri, Milli Məclisin Sosial Siyasət Komitəsinin sədr müavini Musa Quliyev bildirib ki, 21-ci əsrin əvvəllərində bu xəstəliyə və xəstəliyin daşıyıcılarına münasibət dəyişib. Dünyada "antiretrovirus" preparatları deyilən dərmanlar kəşf olunub.

Ekspertlərin fikrincə, kəmərin keçdiyi ərazilərdə mövcud olan münaqişələr layihənin perspektivini sual altına alır

NABUCCO qaz kəməri layihəsinin gələcək taleyi sual altına düşüb. Ötən il iyul ayının 13-də Ankarada Avropa Birliyinin və NABUCCO ilə bağlı yaradılmış konsorsiuma daxil olan 6 dövlətin iştirakı ilə imzalanmış hökumətlərarası sazişə baxmayaraq, boru xəttinin çəkilməsində ciddi problemlər meydana çıxıb. Konsorsiumun üzvü olan Avstriyanın "OMV" şirkətinin yanacaq məsələləri üzrə direktoru Verner Auli bildirib ki, boru kəmərinə qaz verəcək dövlətlərin qəti qərar qəbul etməməsi NABUCCO perspektivlərini azaldır.

Millət vəkili Nazim Məmmədov: "Həmin qurumlar tam olaraq ləğv olunmasa da, hüquqi formasının dəyişdirilməsinə ehtiyac var"
Rövşən Ağayev: "Binalara xidmət edən "JEK"lərin yığdığı pul faktiki olaraq bu xidmətlərin xərcini ödəmir"

Bu il ölkəmizin mənzil-kommunal sferasında ciddi islahatlara başlanılması gözlənilir. Aparılacaq islahatlar ilk növbədə çoxmərtəbəli binalara xidmət sahəsinə yeniliklər gətirəcək. Ekspertlər ötən ilin sonunda parlamentin qəbul etdiyi Mənzil Məcəlləsi və 2010-cu ilin dövlət büdcəsində göstərilənlərə əsaslanaraq mənzil-kommunal sektorunda ciddi dəyişikliklərin baş verəcəyini proqnozlaşdırırlar. Bu proqnozlar içərisində hər kəsin "JEK" kimi tanıdığı mənzil kommunal istismar sahələrinin (MKİS) ləğv ediləcəyi fikirləri də yer alıb. Belə ki, yeni qəbul olunan məcəllədə də elə MKİS-lərin gələcək taleyinə müəyyən qədər aydınlıq gətirilib.

Yusif Bünyadzadə: “Torpaq şəhidləri ilə Vətən olur”

1990-cı il 20 yanvar hadisələrindən artıq nə az, nə çox - 20 il ötür. Keçmiş sovet dövlətinin hərb maşınının həmin gün Azərbaycan xalqının başına gətirdiyi müsibətlər insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlıq, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.

Sahib Məmmədov: “Rayonlardakı dağıdıcı təbiət hadisələri göstərir ki, respublikamız da qlobal iqlim dəyişikliklərindən sığortalanmayıb”

Ümumdünya Metrologiya Təşkilatının proqnozları özünü doğrultmağa başlayır. Təşkilatın mütəxəssislərinin bəşəriyyət üçün yeni təhlükənin - dünyada qlobal soyuqlaşmanın yaranması barədə təxminləri gerçəyə çevrilməkdədir. 10 gündən artıqdır ki, Avropa, Amerika və Asiyanın əksər dövlətləri kəskin soyuq hava siklonlarının vurduğu fəsadları yaşayır. Qərbi Avropada və Şimali Amerikada həyatı iflic vəziyyətə salan qlobal soyuqlaşmanın ilkin təzahürləri özünü göstərməkdədir. Həmin bölgələrdə indiyədək dünyada müşahidə olunmayan mənfi temperaturlar qeydə alınmaqdadır.

Diasporla İş üzrə Dövlət Komitəsinin sədr müavini Valeh Hacıyevlə müsahibə

Valeh Hacıyev: “Xaricdə yaşayan azərbaycanlılar doğma vətənlərinin milli mənafelərinə xələl gətirə bilən bütün təşəbbüs və cəhdlərə qarşı öz etiraz səslərini ucaldırlar”

Bələdiyyələr elektron xəritələrinin olmamasından narahatdırlar. Xəritədə bələdiyyələrin sərhədləri, qonşuları, bölgə nöqtələri göstərilməlidir. Kənd Bələdiyyələri Milli Assosiasiyasının sədri Şəmistan Yusifovun sözlərinə görə, bələdiyyələrin özlərinin həmin elektron xəritələri hazırlamaq üçün texniki vəsaitləri yoxdur: "Ona görə yaxşı olardı ki, bu elektron xəritələr müvafiq dövlət orqanları ilə birgə hazırlansın".
Qəsəbə Bələdiyyələri Assosiasiyasının sədri İlham Xəlilov hesab edir ki, xəritələr hazırlanarkən bələdiyyələrlə bağlı son dəyişikliklər mütləq nəzərə alınmalıdır.

Bu yazımız ali məktəb tələbələri və alimlərimiz barədə olsa da, biz təhsildən və elmi fəaliyyətdən deyil, onlara göstərilən iaşə xidmətindən söhbət açacağıq. Tələbələrimiz təhsil müəssisələrində, alimlərimiz iş yerlərində olan yeməkxanalarda nə və hansı qiymətə yeyirlər? Yeməklərin qiyməti cəmiyyətimizin ən imkansız təbəqəsi sayılan tələbələrin, bir o qədər də qazanc sahibi olmayan alimlərimizin cibinə uyğundurmu? Bu suallara cavab tapmaq məqsədi ilə əvvəlcə Bakı Dövlət Universitetinin yeməkxanasına getdik.

Qış mövsümü başlasa da işıq, qaz və istilik təminatı ilə bağlı problemlər qalmaqdadır

Noyabrın 15-dən başlayaraq ölkədə kommunal xidmət sahəsində qış rejiminin tələblərinə uyğun normativlərin tətbiq olunmasına baxmayaraq, on günə yaxındır ki, paytaxtın bir sıra yaşayış məntəqələrində qaz, işıq və istilik təminatında ciddi problemlər meydana çıxmaqdadır. Bakı şəhərinin və rayonların bütün yaşayış və inzibati binaları, məktəb və xəstəxanalar, digər səhiyyə ocaqları, idarə və müəssisələr qış rejiminin qrafikinə uyğun qaz, işıq, su və istiliklə təmin olunmalı olduğu halda, həmin kommunal xidmətin səviyyəsi qənaətbəxş səviyyədə deyil.

Büdcədə azalma meyilləri olsa da, bu, müdafiə, təhsil, səhiyyə, mədəniyyət, sosial xərclərə şamil edilməyəcək

Hesablama Palatası 2010-cu ilin dövlət büdcəsi layihəsini bəyənib. Bu barədə palatanın sədri Heydər Əsədov məlumat verdi. O qeyd etdi ki, 2010-cu ildə qlobal böhranın təsirləri ilə bağlı qeyri-müəyyənlik qalmaqdadır. Beynəlxalq maliyyə qurumları, "Böyük İyirmilik"ə daxil olan dövlətlər gələn il dünya iqtisadiyyatının böhrandan çıxmağa başlayacağını bildirsələr də, qeyri-müəyyənliyin tam aradan qalxacağına zəmanət vermirlər. İqtisadçı-ekspertlərin əksəriyyəti də gələn il dünya iqtisadiyyatında qalxıb-enmələrin davam edəcəyini proqnozlaşdırırlar. H.Əsədov dedi ki, bütün bunları nəzərə alan hökumət 2010-cu ildə büdcə parametrlərinə ehtiyatla yanaşmalıdır. Azərbaycan hökuməti də büdcə layihəsini hazırlayarkən ehtiyatlı davranmağa üstünlük verib. H.Əsədovun sözlərinə görə, Azərbaycanı ehtiyatlı davranmağa sövq edən digər məqam neftin qiymətinin sabit olmamasıdır.

60 il bundan əvvəl dünya neft sənayesi tarixində görünməmiş bir hadisə baş verdi. Xəzər dənizində, paytaxtdan 100 km. aralıda açıq dənizdə sənaye üsulu ilə qazılmış ilk neft quyusu fontan vurdu. Bu vaxtdan da dənizdə neft çıxarmanın tarixi başladı. Üstundən onilliklər keçsə də, həmin gün dəniz neft sənayesinin yaranma günü kimi xatırlanır, qeyd edilir. Azərbaycan neftçilərinin bu qəhrəmanlığı, bu şücaəti bütün dünyaya səs saldı.
1951-ci ildən etibarən Neft Daşlarında estakadaların və estakadayanı meydançaların tikintisinə başlanıldı. Bir neçə il ərzində Xəzərin ləpələri üzərində 150 kilometrdən çox yol-estakada salındı, nəhəng meydançalar inşa olundu.