Ərəstun Oruclu: "Bu müharibələr Cənubi Qafqazda deyil,
Şimali Qafqazda olacaq"

Aydın Mirzəzadə: "Hadisələr göstərdi ki, beynəlxalq hüquq normaları, ərazi bütövlüyü prinsipi gözlənilməlidir "

Rusiya və Gürcüstan arasında atəşkəs haqqında razılıq əldə edilməsinə baxmayaraq, hərbi qarşıdurma təhlükəsi hələ aradan qalxmayıb. Fransa Prezidenti Nikola Sarkozinin vasitəçilyi ilə əldə olunmuş 6 bəndlik sülhyaratma sənədində silahlı qüvvələrin hərbi əməliyyatlar başlamazdan əvvəlki mövqelərə çəkilməsi nəzərdə tutulsa da, rus qoşunları Gürcüstan ərazisindən çıxmayıb. Faktiki olaraq Gürcüstanın Qori, Poti, Zuqdidi kimi iri şəhərlərinə və paytaxta gedən magistral yollara Rusiya ordusu nəzarət edir.

QUYU SULARININ BAKTERİOLOJİ TƏRKİBİNİN TƏLƏBLƏRƏ CAVAB VERMƏDİYİ AŞKAR EDİLİB

Nizami rayonunun Keşlə qəsəbəsində kanalizasiya kollektorunda baş verən çökmə nəticəsində ərazidə 50-yə qədər evə çirkab suları dolub. Hazırda ərazidə təmizləmə və dezinfeksiya işləri davam etdirilir. Respublika Gigiyena və Epidemiologiya Mərkəzinin baş direktor müavini Vaqif Abdullayevdən aldığımız məlumata əsasən, görülən tədbirlər nəticəsində ərazidə çirkab suları yığışdırılıb və kanalizasiya xətlərinə ötürülüb.

Çimərliyə gedənləri baha qiymətlər və sürprizlər gözləyir

İyun ayının 15-dən çimərlik mövsümü başlayıb. Lakin hələ də Xəzərin sahillərinə bakılıların kütləvi axını müşahidə edilmir. Bu bir tərəfdən havaların nisbətən soyuq keçməsi ilə bağlıdırsa, digər tərəfdən… özəl çimərliklərdə xidməthaqqının əksər vətəndaşlarımızın imkanları daxilində olmaması ilə əlaqədardır. Bunu baş çəkdiyimiz çimərliklərdə söhbət apardığımız insanlar da təsdiq etdilər. Qiymətlərdən danışmazdan əvvəl bir xoşagəlməz məlumatı da oxucularımızın diqqətinə çatdıraq ki, mövsümün start götürməsindən 20 gün keçsə də, hələ çimərliklərin əksəriyyətində hazırlıq işləri başa çatdırılmamışdır. Obyekt rəhbərləri bunun səbəbini izah etməkdən boyun qaçırdılar.

Əlövsət Əliyev: "Onların arasında qanunsuz yolla
və çirkin niyyətlərlə gələn xarici vətəndaşlar da var"

Son illər respublikamıza gələrək müxtəlif sahələrdə fəaliyyət göstərən əcnəbilərin sayı artıb. Onlar arasında yüksək ixtisaslı kadrlar az olduğu üçün əksəriyyəti ticarət və digər ucuz işçi qüvvəsi tələb olunan sahələrdə qeyri-leqal əmək fəaliyyəti ilə məşğul olur. Miqrantlar arasında çoxluğu isə pərakəndə ticarətlə məşğul olan çinlilər təşkil edir. Son məlumatlara görə, Azərbaycana dünyanın 70-dən artıq ölkəsindən miqrantlar gəlib. Ölkəmizə üz tutanların 5000-ə yaxını fərdi qeydiyyata alınıb. Əslində isə respublikamızdakı əcnəbilərin sayı rəsmi məlumatlarda göstərilənlərdən bir neçə dəfə artıqdır. Əcnəbilərin ölkəmizə axınının ölkənin iqtisadi inkişafı ilə əlaqələndirənlərlə yanaşı, bunu mənfi tendensiya hesab edənlər də var.

Ordu hər bir millətin qüruru, dövlətin güvənc mənbəyidir.
Ölkənin milli varlığı onun yenilməz və möhkəm ordusundan asılıdır. Bu mənada Milli Ordumuzun formalaşması, onun dünya standartları səviyyəsinə yüksəlməsi dövlətimizin həmişə diqqət mərkəzində olmuşdur.

Pünhan Mürsəliyev: "Yolun mühafizə
zolağından köçürülən obyektlərə görə kompensasiya tikintiyə icazə verən qurumlar tərəfindən ödənilməlidir"

Əliməmməd Nuriyev: "Kompensasiya təyin olunarkən bazar şərtlərinə uyğun müstəqil qiymətləndirmə aparılması zəruridir"

Son bir neçə ildə istər magistral, istərsə də yerli əhəmiyyətli yollarda təmir və yenidənqurma işləri sürətlənib. Bu zaman həmin yolların mühafizə zolaqlarında olan obyektlər, yaşayış evləri sökülür. Əksər hallarda isə sökülən obyektlərin müqabilində vətəndaşlara heç bir kompensasiya ödənilmir. Bəzən isə sökülən obyektin yerində bir neçə il sonra yenidən tikinti aparılır.

Kənd təsərrüfatı mülkiyyətçiləri kredit almaq
üçün aylarla süründürməçiliyə məruz qalırlar

Ötən ildən başlayaraq kənd təsərrüfatı mülkiyyətçiləri hökumətə, daha doğrusu, İqtisadi İnkişaf Nazirliyinə və Kənd Təsərrüfatı Nazirliyinə müraciət edərək maliyyə ehtiyaclarının ödənilməsi üçün köməklik göstərilməsini istəyirlər. Amma fermer və mülkiyyətçilərin böyük bir hissəsi bu yardımdan məhrum olduqlarından istehsal və emal prosesini lazımi səviyyədə qura bilmirlər. Bu gün kənd təsərrüfatı ilə məşğul olanlar yalnız öz vəsaiti hesabına, yaxud da götürdüyü borc hesabına istehsalla məşğul ola bilir. Onların əsas problemi kredit əldə etməsidir. Həmin resurslarla mülkiyyətçi ən azı təsərrüfatında ciddi dəyişiklik etmək istəyir. Reallıq ondan ibarətdir ki, onların texnika və digər ehtiyatlarla təminatdan daha çox kapital düşündürür. Bəs bu vəsaitləri necə əldə etmək olar?

Ramiz Həsənov: "Yaxın aylarda "Texniki
nəzarət haqqında" Qanun qəbul olunacaq"

İyunun 3-4-də Bakıda Standartlaşdırma, Metrologiya və Patent üzrə Dövlətlərarası Şuranın 33-cü iclası keçirilib. İclasda Azərbaycan, Rusiya, Ukrayna, Belarus, Qazaxıstan, Özbəkistan, Tacikistan, Almaniya, Serbiya, Fransa və digər ölkələrin nümayəndələri iştirak ediblər. Toplantıda standartlaşdırma, sertifikatlaşdırma, metrologiya və uyğunluğun müəyyənləşdirilməsi üzrə 70-ə yaxın məsələ müzakirə olunub.

Azərbaycan mülki aviasiyasının yaradılmasının 70 illiyi münasibətilə keçirilən tədbirlərdə Aviasiya işçiləri həmkarlar ittifaqı da fəal iştirak etmişdir. İyunun 3-də Milli Aviasiya Akademiyasında RK-nın Rəyasət Heyətinin geniş iclası keçirilmişdir. İclasda sahə həmkarlar ittifaqının fəalları və yubiley tədbirlərinə gələn xarici qonaqlar da iştirak edib.
Bayram əhvali-ruhiyyəsi ilə keçən iclasda140 nəfər Hİ fəalının hər biri mülki aviasiyanın inkişafında, işçilərin sosial, əmək hüquqlarının müdafiəsində göstərdiyi xidmətlərə görə 500 manat pulla mükafatlandırılmışdır.

Demokratiya və İqtisadi İnkişaf Uğrunda Təşkilatı yeni strategiya hazırlayır

Avropa Birliyi regionda iri layihələrin müəllifinə çevrilən və dünyanın geosiyasi xəritəsində tamhüquqlu beynəlxalq təşkilat kimi yerini bərkidən GUAM-la əlaqələri dərinləşdirmək niyyətindədir. Bakıda GUAM-ın inkişaf strategiyasına həsr olunmuş tədbirdə AB-nin enerji məsələləri üzrə nümayəndəsi A. Belqabs bildirib ki, Avropa Birliyi nəhəng regional iqtisadi proqramların həyata keçirilməsində bu təşkilatın potensialına bel bağlayır.

Azərbaycan Xalq Cümhuriyyətinin 90 illiyi dövlətimiz, xalqımız, eləcə də həmkarlar ittifaqı təşkilatları tərəfindən geniş miqyasda, təntənəli şəkildə qeyd olunmuşdur. Həmin tədbirlərdən bir neçəsini oxucularımızın diqqətinə çatdırırıq.

Dövlətçiliyimiz əbədiyyət qazandı

“Azadlıq, müstəqillik asanlıqla qazanılmır. Bu həqiqəti xalqımız özünün son yüzillik tarixində iki dəfə sübut edib”.
Azərbaycan Xalq Cümhuriyyətinin 90-cı ildönümü münasibətilə keçirilmiş tədbirdə səslənən bu sözlərin müəllifi AHİK sədri, millət vəkili Səttar Mehbalıyev fikrini davam etdirərək demişdir: Azərbaycanda qurulmuş ilk demokratik dövlətin əsasları hələ XX əsrin əvvəllərində qoyulmuşdu. Avropada, Rusiyada get-gedə güclənən demokratik hərəkatda azərbaycanlı gənclər də yaxından iştirak edirdilər. Milli və Avropanın ən yaxşı mənəvi dəyərləri əsasında püxtələşmiş bu gənclər Şərqdə ilk demokratik dövlət qurmaq şərəfinə nail oldular. Elə bir dövlət ki, onun yazıb hazırladığı, reallaşdırdığı bir çox qanunlar Avropada yalnız 30-40-cı illərdə qəbul edilmişdi. Məsələn, qitədə ilk dəfə məhz Azərbaycanda -ADR-in hakimiyyəti dövründə qadınlar seçkilərdə iştirak etmək hüququ qazanmışdılar.

Səhiyyə İşçiləri Həmkarlar İttifaqı Respublika Komitəsi, Azərbaycan Tibb Universitetinin Həmkarlar İttifaqı Komitəsi və Səhiyyə Nazirliyi "Dövlətə, Vətənə, xalqa sədaqət nümunəsi" mövzusunda elmi-praktik konfrans keçirmişlər. Respublika komitəsinin təşəbbüsü ilə 1 və 2 saylı Bakı Tibb məktəblərinin şagirdləri Milli Elmlər Akademiyasının qarşısındakı parkda təşkil olunmuş gül bayramında iştirak etmişlər. Bayramda məktəblərin həmkarlar ittifaqı komitələrinin səyi ilə hazırlanmış rəsm və əl işlərindən ibarət sərgilər nümayiş etdirilmiş, bədii özfəaliyyət kollektivlərinin çıxışları dinlənilmişdir.

“Kim deyə bilər ki, biz özümüzü idarəetmə
səlahiyyətində bir millət deyilik?!”

Nəsib bəy Yusif bəy oğlu Yusifbəyli 1881-ci ildə keçmiş Yelizavetpol quberniyasının Gəncə şəhərində tanınmış maarifpərvər ziyalı ailəsində dünyaya göz açmışdır.
Orta təhsilini Gəncə klassik gimnaziyasında başa vuran Nəsib bəy 1902-ci ildə Novorossiysk (Odessa) universitetinin hüquq fakültəsinə daxil olur. Universitetdə oxuduğu illər onun siyasi-ictimai həyatında mühüm rol oynamışdır. Nəsib bəyin siyasi fəaliyyətə başlaması da məhz bu illərə təsadüf edir.

Ümummilli lider Heydər Əliyevin anadan olmasının 85-ci ildönümü münasibətilə Azərbaycan Kənd Təsərrüfatı Akademiyasında idmanın şahmat, dama, nərd, futzal, tennis və voleybol növü üzrə spartakiada keçirilmişdir.

Müasir informasiya-kommunikasiya
texnologiyaları kitabları əvəz edə bilməz

Son illər bədii və elmi ədəbiyyat oxumağa maraq xeyli azalıb. İstər məktəblilər, istər gənclər, istərsə də orta nəsil arasında kitab oxuyanların sayı o qədər də çox deyil. 10 il əvvəl nəinki kitabxanalarda, hətta metro və ictimai nəqliyyatda da kitab oxuyanlara rast gəlmək olurdu. İndi isə gün ərzində rastlaşdığımız kitab mütailə edən insanların sayı barmaqla sayılacaq qədər azdır. Onlar da, əsasən, rus dilində olan kitablar və sağlamlıq haqqında jurnallar oxumağa üstünlük verir. Rəyini öyrəndiyimiz tələbələrin bir çoxu kitabxanalarda kitabların azlığından şikayətlənir. Onların sözlərinə görə, hətta latın qrafikası ilə çap olunan dərsliklər belə yoxdur. Buna görə də müasir informasiya texnologiyalarına aid kitabları tapmaq üçün internet xidmətindən istifadə edirlər. İnternetdə isə informasiya almaq üçün rus, yaxud ingilis dilini bilmək vacibdir.

Aprel ayının 7-də Belçikanın Brüssel şəhərində Pan Avropa Regional Şurasının Gənclər Komitəsinin 1-ci görüşü keçirilmişdir.

31 mart-1 apreldə Türkiyənin İstanbul şəhərində Beynəlxalq İctimai Xidmətin (PSI) toplantısı keçirilmişdir.
Tədbirdə Respublikamızdan PSI-nin üzvü olan təşkilatların-Mədəniyyət İşçiləri Müstəqil Həmkarlar İttifaqı Respublika Komitəsinin sədri Cəmilə Səttarova, Yerli Sənaye və Kommunal-Məişət Müəssisələri Fəhlələri HİRK-in sədri Azər Cəfərov, Səhiyyə İşçiləri HİRK-in sədri Emin Əfəndiyev, Dövlət İdarələri və İctimai Xidmət İşçiləri HİRK-in maliyyə şöbəsinin müdiri Ağazəki Həsənov iştirak etmişlər.

31 Mart - Azərbaycanlıların Soyqırımı Günü münasibətilə
Azərbaycan Həmkarlar İttifaqları Konfederasiyasında tədbir keçirilmişdir

Ulu öndərimiz Heydər Əliyevin 1998-ci il 26 mart tarixli "Azərbaycanlıların soyqırımı haqqında" Fərmanı ilə rəsmiləşdirilmiş və hər il qeyd olunan tədbiri giriş sözü ilə AHİK sədri, millət vəkili S.Mehbalıyev açmışdır. O, ermənilərin tarix boyu azərbaycanlılara qarşı apardıqları soyqırımı siyasətinin xalqımızı ağır məhrumiyyətlərə, məşəqqətlərə düçar etməsindən danışmışdır. Demişdir ki, bu faciə böyük dövlətlərin yeritdikləri imperiya siyasətinin acı nəticəsidir.

Həbsxanalara nəzarət üzrə İctimai Komitə artıq uzun müddətdir respublikadakı cəzaçəkmə müəssisələrində monitorinqlər aparır. Aparılan monitorinqlərin nəticəsində aşkarlanan qüsurlar isə sonradan Ədliyyə Nazirliyinə təqdim edilir. Lakin İctimai Komitənin yaranmasından keçən bir ildən artıq müddət ərzindəki fəaliyyəti barədə birmənalı fikir yoxdur. Həmin komitənin Ədliyyə Nazirliyinin bir qolu olduğunu iddia edənlər də az deyil.