Dəyirmi masa iştirakçıları Əmək Məcəlləsinə
edilən əlavə və dəyişiklikləri belə qiymətləndirdilər

"Ülfət" qəzeti "İşçilərin əmək və sosial hüquqlarına dair biliklərinin artırılmasına yardım" layihəsi çərçivəsində görüş üçün ünvanı bu dəfə ölkəmizin Şimal bölgəsində seçmişdi. Xaçmaz şəhərində keçirilmiş dəyirmi masa Əmək Məcəlləsinə əlavə və dəyişikliklər"in şərhinə həsr olunmuşdu. Dəyirmi masa ətrafında söhbətə bölgədə fəaliyyət göstərən sahə həmkarlar ittifaqları rayon komitələrinin sədrləri, işəgötürənlər dəvət edilmişdi.

«Ülfət» qəzeti «İşçilərin əmək və sosial hüquqlarına dair biliklərinin artırılmasına yardım» layihəsi çərçivəsində növbəti görüşü «Azərneftyağ» Neft Emalı Zavodunda təşkil etmişdi. «Əmək hüququ fərdi və kollektiv müqavilə» mövzusunda keçirilmiş tədbiri giriş sözü ilə zavodun həmkarlar ittifaqı komitəsinin sədri İlham Quliyev açdı. O, əvvəlcə müəssisənin iqtisadi durumu, başçılıq etdiyi təşkilatın işçilərin əmək, sosial hüquqlarının müdafiəsi və onların bu istiqamətdə maarifləndirilməsi barədə məlumat verdi. Dedi ki, zavodumuz keçən ilin plan və tapşırıqların öhdəsindən layiqincə gəlib. İl ərzində 2567,9 ton xam neft emal olunmuş, açıq rəngli neft məhsullarının istehsalında böyük nailiyyətlər əldə edilmiş və plan artıqlaması ilə yerinə yetirilmişdir. Eyni zamanda müxtəlif çeşiddə olan 53,0 min ton sürtkü yağı hazırlanmışdır.

Yusif bəy Həşim bəy oğlu Yusifbəyli 1852-ci ildə Gəncədə tanınmış ziyalı ailəsində anadan olmuşdur. O, Nəsib bəy, Həmid bəy və Eyyub bəy kimi istiqlalı canlarından şirin bilən oğullar tərbiyə etmişdir. Atası Həşim bəy Gəncə xanı Cavad xanın vəziri Usub bəyin nəvəsi idi. Ulu baba Usub bəyin igid oğlu Eyyub bəyin oğludur. Yeri gəlmişkən, 1804-cü ildə Cavad xan şəhid olanda rus zabiti onun meyidinə tüpürmək istəyib. Mərhumun qayını və vəziri Usub bəyin igid oğlu Eyyub bəy kütlə içindən çıxaraq rus zabitini öldürmüşdü. Həşim bəy iş dalınca İrana gedir və bir daha geri qayıtmır. Ailənin tək övladı olan Yusif bəy anası Bəşirət xanımın himayəsində böyümüşdür. O, dövrünün ən qabaqcıl maarifpərvər qadınlarından idi. Onu da qeyd edim ki, Bəşirət xanım Üzeyir bəy Hacıbəyovun atası Əbdülhüseyn bəyin bibisidir.

Oktyabrın 25-də saat 05.00-da Azərbaycanda saatlar bir saat geri çəkiləcək. Bu barədə Nazirlər Kabinetindən məlumat verilib. Bununla da Azərbaycan oktyabrın sonuncu bazar günü qış vaxtına keçəcək.
Qış vaxtına keçid Nazirlər Kabinetinin 17 mart 1997-ci il tarixli, 21 saylı qərarına əsasən həyata keçirilir. Həmin qərarla ildə iki dəfə - mart və oktyabr aylarında yay və qış vaxtına keçilir.
Energetiklərin fikrincə isə, saatların dəyişməsi təxminən 1 saatlıq elektrik enerjisinə və qaza qənaət etməyə imkan verir.

Onunla salamlaşanda istər-istəməz ruhuna bir rahatlıq hakim olur. Üzün günəşdən sonra açılan səma kimi işıqlanır. Onun sadəliyi sənə də sirayət edir.

Mən Fikrət Nuriyevi belə tanıyıram. Onu ilk dəfə Azərbaycan Həmkarlar İttifaqları Konfederasiyasında 11 il əvvəl görmüşəm. Ötən illər ərzində zaman saçlarının ağını bir az da tündləşdirib, zahiri görkəminə hiss ediləcək dərəcədə əl gəzdirib. Amma xarakterinə toxunmağa cəsarət etməyib. Uşaqlıq dostlarnın dediyinə görə, elə o, ağlıkəsəndən belədir. Xoş ünsiyyət qurmaq istəyi alnına yazılıb. Lovğalıqdan, xüdpəsəndlikdən uzaq adamdır. Baxmayaraq ki, özünü çoxlarından fərqləndirməyə «əsası» da var idi. Rəhmətlik atası uzun müddət rəhbər vəzifələrdə işləyib. Zaqafqaziya üzrə dəmir yolu sədrinin birinci müavini olub.

Təhsil Nazirliyi təhsil haqqının yalnız Tarif Şurasının qərarı ilə artırılıb-azaldıldığını bildirir

Rövşən Ağayev: "Avropa ölkələrinin bir çoxunda dövlət ali məktəblərində təhsil bu ölkələrin öz vətəndaşları üçün tam pulsuzdur"

Gələn həftə növbəti tədris ili başlayır. Yeni tədris ilini əksəriyyət sevinclə qarşılasa da, problemlə üzləşənlər də az deyil. Belə ki, 2009-2010-cu tədris ili üçün bir çox dövlət və özəl universitetlərdə ayrı-ayrı ixtisaslar üzrə təhsil haqları qaldırılıb. Aparılan araşdırmalara görə, dövlət ali təhsil müəssisələrində ödənişli əsaslarla təhsilin minimum qiyməti 430, maksimum qiyməti 2 000 manat təşkil edir.

Vətəndaşlara 110 milyon manat həcmində ipoteka kreditləri verilib

Azərbaycanda ipoteka kreditlərinin verilməsi ilə bağlı siyasət davamlı olacaq və mənzil kreditlərinin verilməsi üçün kifayət qədər maliyyə ehtiyatları mövcuddur. Qarşıdakı aylarda da ipoteka kreditlərinin verilməsi üçün ehtiyat vəsaitlərdən istifadə olunacaq. Mərkəzi Bankın İdarə Heyətinin sədri Elman Rüstəmov bildirib ki, indiyədək vətəndaşlara 110 milyon manat həcmində ipoteka kreditləri verilib.
E.Rüstəmov qeyd edib ki, mənzil kreditlərinin verilməsi nəticəsində 2850 ailə evlə təmin olunub. İlin sonuna kimi yüzlərlə ailənin də mənzil probleminin həll olunacağını əmin edən baş bankir İpoteka Fondunun sosial kateqoriyaya daxil olan vətəndaşlar üçün kredit verəcəyini xatırladıb.

Məktəblərdə keyfiyyətsiz qida mallarının satışı araşdırılacaq


Təhsil Nazirliyi Gigiyena və Epidemiologiya Mərkəzi (GEM) ilə birgə yeni tədris ili ərəfəsində orta ümumtəhsil məktəblərində yoxlamalara başlayıb. Nazirlikdən bildirildiyinə görə, yoxlamaların məqsədi orta məktəblərin tədrisə hazır olub-olmamasını müəyyənləşdirməkdən və məktəblərdəki texniki-təchizat işlərinin, eləcə də bufetlərdə verilən qida məhsullarının keyfiyyətinin hansı vəziyyətdə olmasını öyrənməkdən ibarətdir. Orta məktəblərdə sanitar vəziyyətin araşdırılması da yoxlama predmeti olacaq. "Donuz qripi" ilə bağlı narahatlıq keçirən Təhsil Nazirliyi məktəblərin dezinfeksiya olunması barədə məktəb rəhbərlərinə ciddi tapşırıqlar verib.

Belarus investorları isə bu şəhərdə nəhəng sənaye kompleksi yaratmaq istəyir

Avropa İttifaqı Sumqayıtın inkişafı ilə əlaqədar yeni layihəni maliyyələşdirməyə razılıq verib. İttifaqın regional inkişaf üzrə eksperti Con Teyt bildirib ki, layihə Sumqayıt şəhərinin pasportunun və investisiya proqramının hazırlanmasını nəzərdə tutur. Artıq bu məqsədlə Azərbaycan hökumətinin nümayəndələrindən və müvafiq qurumların üzvlərindən ibarət işçi qrupu yaradılıb. İşçi qrupu Sumqayıtın sənaye, energetika və metallurgiya komplekslərinin vəziyyəti ilə bağlı araşdırma aparacaq, müvafiq təkliflər əsasında ölkənin ikinci sənaye şəhərinin inkişaf konsepsiyası hazırlanacaq.

Ancaq hələlik birinci mərtəbələrin

Əvvəllər əhalinin almaq istəmədiyi, bəyənmədiyi birinci mərtəbələrdəki mənzillər, sözün əsl mənasında, dəbə minib. İndi bir çox vətəndaşlar yuxarı deyil, məhz birinci mərtəbələrdəki mənzilləri almağa maraq göstərirlər. Bu isə, əlbəttə, həmin mənzillərin qiymətinin kəskin artması ilə nəticələnib. Xüsusilə insanların daha çox hərəkət etdiyi, geniş küçələrdəki yaşayış binalarının birinci mərtəbələrinin qiyməti digər mənzillərlə müqayisədə 2-3 qat bahadır.

Qiymətlər bütün sakinlərin burada istirahət etməsinə imkan vermir

Uşaqların əksəriyyəti attraksionlara kənardan baxmaqla kifayətlənir

Bir müddət əvvəl ilin bütün fəsillərində Bakı əhalisinin ən çox üz tutduğu istirahət yeri dənizkənarı bulvar idi. 100 ildən artıq yaşı olan dənizkənarı bulvar son illər çox dəyişib. Bu dəyişiklik təkcə bulvarın görünüşü, oradakı obyektlərin çoxluğu ilə deyil, həm də istirahətə gələnlərin sayı və qiymətlərlə bağlıdır. Dənizkənarı bulvardakı real vəziyyəti öyrənmək üçün bu ünvana yollandıq. Salındığı vaxtdan etibarən zaman-zaman abadlaşdırılan dənizkənarı bulvarın uzunluğu artıq 3,7 kilometrə çatdırılıb.

Bakı Şəhər İcra Hakimiyyətindən verilən məlumata əsasən, təxminən 30-a qədər çimərliyə giriş pulsuzdur. Çətir, dincəlmək üçün digər aksesuarlar, katerdə gəzinti və başqa xidmətləri təklif edən çimərliklərə isə giriş pulludur. İstirahət etmək istəyənlər üçün hər bir şərait yaradılsa da, özəl çimərliklərə axın azdır. İqtisadçılar bunu qiymətlərin baha, ekoloqlar dəniz suyunun çirkli olması ilə əlaqələndirirlər.

Vəli Qarayev: "Həftənin bir-iki günü fəaliyyət göstərən yarmarkalarda soyuducular quraşdırılmasını tələb etmək olmur"

Paytaxt sakinləri üçün yay ayları daha çox istirahət mövsümü kimi yadda qalsa da, problemlər də az olmur. Yayın qızmar günəşi altında satılan ərzaq məhsulları bir çox hallarda zəhərlənmələrə səbəb olur. Açıq havada satışa hər həftəsonu təşkil olunan ərzaq yarmarkalarında da rast gəlinir. Həmin yarmarkalarda digər məhsullarla yanaşı, əhaliyə ət təklif edilir.