İslahatlar zamanı heç bir işçiyə qarşı ədalətsizliyə yol verilə bilməz

Dəmiryolçuların Müstəqil Həmkarlar İttifaqında struktur dəyişiklikləri edilmişdir. Bu, "Azərbaycan Dəmiryolları" Qapalı Səhmdar Cəmiyyətində aparılan islahatlarla əlaqədar olmuşdur.

"Xidmət-İş" Həmkarlar
İttifaqları Federasiyası

o Federasiyada ölkədə havaların isti keçməsilə əlaqədar sahə müəssisə və təşkilatların, rayon və birləşmiş həmkarlar ittifaqlarının komitə sədrləri ilə müşavirə keçirilmişdir.
o Federasiyanın təşkilatçılığı ilə "Laçın" ticarət mərkəzində, "Azprof" MMC-də, "Fayton" MMC-də, "İdxal" MMC-də Gənclər gününə həsr edilmiş görüşlər təşkil olunmuşdur.

Bir ana kimi ömrümün ən sevincli günlərini yaşayıram. Qızım Səbinə Nəsibli Bakı Dövlət Universitetinin riyaziyyat fakültəsinə daxil olub. Mən qəbul imtahanlarında 553 bal toplayan balamın zəhmətini, çalışqanlığını, elmə həvəsini arxa plana çəkmədən etiraf etməyi özümə borc bilirəm ki, onun təhsildə qazandığı uğurlarda bir çox insanların danılmaz haqqı var. Bu insanlara ailəmiz adından təşəkkürümü bildirməsəm Allaha da xoş getməz.

"Biz sizinlə yandırıcı avqust günəşinin altında durub təntənəli açılış mərasimi keçiririk. Amma öz bölgələrinizə qayıdanda bu istinin təsirini unudacaqsınız. Çünki burada gördükləriniz, yaşayacağınız istirahət saatları ürəyinizə yaddan çıxmayan sərinlik dolduracaq". Xaçmaz Rayon İcra Hakimiyyətinin başçısı, sözünün qədrini bilən, hərəkətinin sanbalını uca tutan Şəmsəddin Xanbabayevin "Ülfət" İstirahət Mərkəzinin açılışında işlətdiyi bu sözlərin özünü doğrultmasını çox gözləməli olmadıq.

Həmin gün havanın hərarəti çox yüksək olsa da, seminarın vaxtını dəyişmək barədə belə təklif səslənmədi. Çünki seminar çox mühüm məsələyə həsr edilmişdi:

"Kollektiv müqavilə və sazişin bağlanmasının ümumi qaydaları". Seminarı giriş sözü ilə açan Sahibkarlıq və Elm, Elmi-İstehsalat Müəssisələri İşçiləri Müstəqil Həmkarlar İttifaqı Respublika Komitəsinin sədri Tofiq Quliyev kollektiv müqavilələrin çox mühüm, əvəzsiz əhəmiyyət kəsb etdiyini vurğuladı. Dedi ki, bu sənəd xüsusilə bizim sahə həmkarlar ittifaqı üçün hamıdan daha çox vacibdir. Başqa sahə Hİ-lərlə müqayisədə bizim birbaşa danışıq aparacağımız nazirlik, baş idarə, yəni hökumət qurumu yoxdur.

"Xidmət-İş" Həmkarlar İttifaqları Federasiyasının Gender Bərabərliyi və Qadın Problemləri üzrə Komissiyasının növbəti iclası olmuşdur.

İclası giriş sözü ilə açan Federasiyanın vitse-prezidenti Sadət Tahirova əvvəlcə Avropa Şurasının "Gender bərabərliyi: de-yure və de-fakto gender bərabərliyinin təmin olunması" mövzusunda Bakıda keçirdiyi konfrans barədə qısa məlumat vermişdir. Sonra bu sahədə dövlətimizin yeritdiyi siyasətdən, cəmiyyətimizdə müsbətə doğru baş verən dəyişikliklərdən danışdı. Qeyd etdi ki, Azərbaycanda ölkə başçısı tərəfindən qadın hüquqları və gender bərabərliyi ilə bağlı 142 sənəd imzalanmışdır. Qadınlara münasibətdə ayrı-seçkiliyin bütün növlərinin aradan qaldırılmasına dair konvensiya ratifikasiya edilmiş, "Gender bərabərliyinin təmin edilməsi haqqında" qanun qəbul olunmuşdur.

Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyev Polşanın ölkəmizdə diplomatik fəaliyyət müddətini başa vuran səfiri Kşiştof Krayevski ilə görüşmüşdür.

S.Mehbalıyev diplomatik fəaliyyəti dövründə K.Krayevskinin Azərbaycan ilə Polşa arasında qarşılıqlı əməkdaşlığın və ikitərəfli münasibətlərin möhkəmlənməsindəki rolunu yüksək qiymətləndirmişdir. Hər iki ölkənin həmkarlar ittifaqları arasında səmərəli əməkdaşlığın və ikitərəfli sıx əlaqələrin olduğunu qeyd edən S.Mehbalıyev bildirmişdir ki, AHİK yarandığı gündən Polşanın "Solidarnost" Həmkarlar Təşkilatı tərəfindən həmişə dəstəklənmişdir. Hər iki ölkənin həmkarlar təşkilatları arasındakı işgüzar qarşılıqlı münasibətlər bu gün də davam edir.
AHİK-in sədri səfir K.Krayevskini ölkələrimiz arasında əməkdaşlıq və qarşılıqlı əlaqələrin möhkəmləndirilməsində xüsusi xidmətlərinə görə Prezident İlham Əliyevin Sərəncamı ilə "Dostluq" ordeni ilə təltif edilməsi münasibətilə təbrik edərək, gələcək diplomatik fəaliyyətində ona yeni uğurlar arzulamışdır.

Ümummilli lider Heydər Əliyevin anadan olmasının 87-ci ildönümünə həsr edilmiş respublika spartakiadasının qalibləri mükafatlandırılmışlar.

İyulun 5-də Azərbaycan Həmkarlar İttifaqları Konfederasiyasında (AHİK) keçirilən təqdimetmə mərasimində AHİK-in sədri, Milli Məclisin deputatı Səttar Mehbalıyev çıxış edərək, Prezident İlham Əliyevin idmanın inkişafına daim böyük önəm verdiyini vurğulamışdır.
Respublika spartakiadası barədə məlumat verən AHİK-in sədri qeyd etmişdir ki, spartakiada Təhsil Nazirliyi, Azərbaycan Təhsil İşçiləri Azad Həmkarlar İttifaqı Respublika Komitəsi Rəyasət Heyətinin birgə qərarı və "Gənclik" Tələbə İdman Cəmiyyəti Respublika Şurasının təşkilatçılığı ilə ali təhsil müəssisələri arasında keçirilmişdir.