Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Veteranlarla görüş keçirildi, onlara mükafat təqdim olundu
Faşizm üzərində qələbədən artıq 65 il ötür. Bu münasibətlə mayın 6-da keçirilən görüşdə əvvəllər Dövlət İdarələri və İctimai Xidmət İşçiləri Həmkarlar İttifaqına aid olan təşkilatlarda çalışmış, hazırda təqaüdçü olan Böyük Vətən müharibəsi iştirakçıları iştirak edirdilər.
Görüşdə tədbirin təşkilatçısı olan sahə Hİ Respublika Komitəsinin sədri Hikmət Osmanov çıxış edərək dedi ki, II Dünya müharibəsində 700 mindən artıq Azərbaycan vətəndaşı silaha sarılıb. Onların arasında azərbaycanlılarla yanaşı, başqa millətlərin də nümayəndələri olub. Müharibədə göstərdiyi hünərə görə 125 nəfər Azərbaycan vətəndaşına Sovet İttifaqı Qəhrəmanı adı verilib. Minlərlə həmyerlimiz orden və medallarla təltif olunub. İftixar yerimizə çevrilmiş bu insanlar şəxsən AHİK sədri, millət vəkili Səttar Mehbalıyevin və bütünlüklə həmkarlar ittifaqlarının qayğısı əhatəsindədirlər. H.Osmanov bildirdi ki, sizlərin hər birinizin bu tədbirdə iştirak etməsini istəyirdik. Amma əfsuslar ki, bəzi müharibə iştirakçıları səhhətində ciddi problemlər olduğu üçün bu tədbirə qatıla bilmədi. Tədbirdə veteranlar öz xatirələrini danışdılar, müharibəyə, qələbəyə həsr olunmuş mahnılar oxudular və şeirlər dedilər. Onlara göstərilən diqqət və qayğıya görə öz dərin minnətdarlıqlarını bildirən müharibə iştirakçıları bundan sonra heç vaxt döyüş olmamasını arzuladılar. Çünki müharibə qurbansız ötüşmür. Respublika Komitəsi sədrinin I müavini Aida Əliyeva və Müdafiə Nazirliyi Birləşmiş Həmkarlar İttifaqı Komitəsinin sədri Abiyat Ağadadaşova veteranları təbrik edərək onlara ən xoş arzularını söylədilər. Tədbirin sonunda hər bir veterana Respublika Komitəsinin vəsaiti hesabına 100 manat pul mükafatı təqdim olundu. Səhhəti ilə bağlı tədbirdə iştirak edə bilməyən müharibə iştirakçılarının mükafat və hədiyyələrinin onların ünvanlarına çatdırılması qərara alındı.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Veteranlarla görüş keçirildi, onlara mükafat təqdim olundu