Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Klub müəssisələrinin bədii rəhbərləri və özfəaliyyət dərnəklərin rəhbərləri üçün AHİK-in Əmək və Sosial Münasibətlər Akademiyasında təşkil edilmiş 3 günlük seminar-məşğələ müvəffəqiyyətlə başa çatdı. Mədəniyyət işçiləri AHİK-in yeni qərar və əsasnamələri ilə, klub müəssisələrinin əsas fəaliyyət istiqamətləri, Əmək Məcəlləsi, əmək müqavilələrinin bağlanması və müasir mədəniyyətin mənəvi aspektləri ilə yaxından tanış oldular.
Seminarda neftçilərin klub müəssisələrinin, Lənkəran, Masallı, Şamaxı, Şəki, Salyan, İmişli təhsil işçiləri evlərinin mədəniyyət işçiləri geniş təcrübə mübadiləsi apardılar. Klub işçiləri onlar üçün maraqlı olan "Həmkarlar ittifaqları klublarının bədii rəhbərlərinin və dərnəklərinin işinin planlaşdırılması, uçotu və hesabatı", "Bədii özfəaliyyət kollektivlərində təlim-tərbiyə işinin təkmilləşdirilməsi", "Sağlam həyat tərzinin təbliği", "Bazar iqtisadiyyatı şəraitində mədəniyyət saraylarının fəaliyyəti, özünü maliyyələşdirmə, yeni iş forma və metodlarının axtarılması" kimi mövzularla tanış oldular. Onlar keçirdikləri mədəni-kütləvi tədbirlərdən, bədii özfəaliyyət kollektivlərinin nailiyyətlərindən, bazar iqtisadiyyatı şəraitində əhaliyə göstərilən xidmətlərdən, hərbi hissələrdə, təşkil etdikləri konsertlərdən söhbət açdılar. Seminar-məşğələdə xeyli maraqlı təkliflər irəli sürüldü. Məsələn, təklif olundu ki, belə seminar-məşğələlər Azərbaycanın müxtəlif bölgələrində də keçirilsin. Təcrübəli mədəniyyət işçilərinin keçirdiyi mədəni-kütləvi tədbirlərin diski dinləyicilərə nümayiş etdirilsin. İnternet vasitəsilə xarici ölkələrin mədəniyyət müəssisələrinin iş metodu, ştatları, planları öyrənilsin və onlarla əməkdaşlıq əlaqələri yaradılsın. Klub işçiləri, bədii rəhbərlər arasında yaradıcılıq müsabiqələri təşkil olunsun. Bütün klub işçilərinin ən böyük arzularından biri də o idi ki, "Mədəniyyət işçiləri günü" də təsis edilsin.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Klub müəssisələrinin bədii rəhbərləri və özfəaliyyət dərnəklərin rəhbərləri üçün AHİK-in Əmək və Sosial Münasibətlər Akademiyasında təşkil edilmiş 3 günlük seminar-məşğələ müvəffəqiyyətlə başa çatdı. Mədəniyyət işçiləri AHİK-in yeni qərar və əsasnamələri ilə, klub müəssisələrinin əsas fəaliyyət istiqamətləri, Əmək Məcəlləsi, əmək müqavilələrinin bağlanması və müasir mədəniyyətin mənəvi aspektləri ilə yaxından tanış oldular.