Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Mülki aviasiya işçilərinin peşə bayramına həsr olunmuş təntənəli iclasın aparılması yenə də sahə Hİ Respublika Komitəsinin sədri Bəkir Yusifova həvalə edilmişdi. İclas başlanana qədər isə ənənəyə sadiq qalaraq "Azərbaycan Hava Yolları" Qapalı Səhmdar Cəmiyyətinin prezidenti Cahangir Əsgərov, Milli Aviasiya Akademiyasının rektoru, akademik Arif Paşayev, Dövlət Mülki Aviasiya Administrasyasının direktoru Arif Məmmədov, Aviasiya İşçiləri Həmkarlar İttifaqı Respublika Komitəsinin sədri Bəkir Yusfov başda olmaqla tədbir iştirakçıları Fəxri Xiyabanda olmuş, ümummilli lider Heydər Əliyevin xatirə abidə-kompleksi üzərinə əklil və tər güllər qoymuşdular. Peşə günü münasibətilə keçirilən təntənəli mərasimi giriş sözü ilə açan B. Yusifov aviatorların son bir ildə qazandığı uğurlardan danışdı. Diqqətə çatdırdı ki, 8 min üzvdən ibarət kollektivimiz uğurlarını ildən-ilə artırır. Maddi-texniki baza daha da möhkəmləndirilmiş, işçilərin sosial-iqtisadi vəziyyəti nəzərəçarpacaq dərəcədə yaxşılaşdırlmışdır. B.Yusifov Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyevin, Aviasiya İşçilərinin Beynəlxalq Həmkarlar İttifaqlarının, Dövlətlərarası Aviasiya Komitəsinin sədri T. Anodinanın, digər nazirliklərin, baş idarələrin göndərdikləri təbrik məktublarını iştirakçıların nəzərinə çatdırdı. Məruzə ilə Dövlət Mülki Aviasiya Administrasiyasının direktoru A. Məmmədov çıxış etdi. Çıxışında bildirdi ki, aviopark üçün müasir tipli hava gəmiləri alınıb, yeni avioreyslər açılıb, sərnişin və yükdaşımaların həcmi artıb. Beynəlxalq əlaqələr genişlənib və möhkəmlənib. Mərasimdə bir qrup aviasiya işçisinə layiq görüldükləri "Əməkdar pilot" Fəxri adının nişanları, vəsiqələri, "Tərəqqi" medalı təqdim olundu, daha bir neçə nəfərə sahə Hİ RK-nın pul mükafatları verildi.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Mülki aviasiya işçilərinin peşə bayramına həsr olunmuş təntənəli iclasın aparılması yenə də sahə Hİ Respublika Komitəsinin sədri Bəkir Yusifova həvalə edilmişdi. İclas başlanana qədər isə ənənəyə sadiq qalaraq "Azərbaycan Hava Yolları" Qapalı Səhmdar Cəmiyyətinin prezidenti Cahangir Əsgərov, Milli Aviasiya Akademiyasının rektoru, akademik Arif Paşayev, Dövlət Mülki Aviasiya Administrasyasının direktoru Arif Məmmədov, Aviasiya İşçiləri Həmkarlar İttifaqı Respublika Komitəsinin sədri Bəkir Yusfov başda olmaqla tədbir iştirakçıları Fəxri Xiyabanda olmuş, ümummilli lider Heydər Əliyevin xatirə abidə-kompleksi üzərinə əklil və tər güllər qoymuşdular. Peşə günü münasibətilə keçirilən təntənəli mərasimi giriş sözü ilə açan B. Yusifov aviatorların son bir ildə qazandığı uğurlardan danışdı. Diqqətə çatdırdı ki, 8 min üzvdən ibarət kollektivimiz uğurlarını ildən-ilə artırır. Maddi-texniki baza daha da möhkəmləndirilmiş, işçilərin sosial-iqtisadi vəziyyəti nəzərəçarpacaq dərəcədə yaxşılaşdırlmışdır.