Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Təcrübə əsas şərtdir. Dövlət İdarələri və İctimai Xidmət İşçiləri Həmkarlar İttifaqı Mingəçevir Şəhər Komitəsinin sədri Məmməd Cəfərov öz şəxsi fəaliyyəti timsalında bunu sübut etməkdədir. Məmməd müəllim uzun illər təşkilati işlərdə çalışıb. Həm işi dövrün, yerli durumun tələbinə uyğun qurmağı, həm də insanlarla davranmağı, hörmət qazanmağı çox yaxşı bacarır. Təsadüfi deyil ki, elə bu yaxınlarda onun 80 illiyi şəhər ictimaiyyəti tərəfindən təntənə ilə qeyd edildi. M.Cəfərov HİK sədri kimi dövlət idarələri işçilərinin istər əmək, istər sosial, istər sağlamlıq, istərsə də istirahət hüquqlarının qorunması işinı fərq qoymadan, paralel şəkildə həyata keçirməyə çalışır və buna nail də olur. Komitə qarşısına qoyduğu məqsədə nail olmasının əsas, yeganə yolunu işəgötürənlərlə kollektiv müqavilənin bağlanmasında görür. Kollektiv müqavilədə bütün maddələr işçilər üçün qanunvericilik aktlarında nəzərdə tutulduğundan da artıq hüquqların əldə olunmasına imkan verir. Komitə fəaliyyətində işçilərin hüquqi maariflənməsinə geniş yer ayırır. Həm müəssisə rəhbərləri, həm həmkarlar ittifaqı təşkilatları müntəzəm AHİK-in, sahə Hİ Respublika Komitəsinin ali orqanlarının qərar və tövsiyələri, metodiki vasitələri ilə təmin olunur. Komitəyə daxil olan çoxsaylı sorğulara şəhərin ən tanınmış mütəxəssisləri cəlb edilməklə cavab verilir. Seminarlar, treninqlər keçirilir. Milli, dini, rəsmi bayramlar təntənəli, yaddaqalan tədbirlərlə qeyd olunur. Yubilyarlar mükafatlandırılır, hərbi xidmətdə olanlara, Böyük Vətən, Qarabağ müharibəsi iştirakçılarına, əlillərinə, imkansız ittifaq üzvlərinə, valideyn himayəsindən məhrum uşaqlara maliyyə yardımları göstərilir, sovqatlar aparılır. Hazırda yay mövsümüdür. Hər il olduğu kimi, bu il də üzvlərin istirahəti komitənin əsas qayğılarından birinə çevrilmişdir. Şəhər dövlət qulluğu işçiləri yollayışlarla AHİK-in respublikamızın ən səfalı bölgələrində yerləşən turist bazalarına istirahətə, kurort-sanatoriya ocaqlarına müalicəyə göndərilir, qısamüddətli ekskursiyalar təşkil olunur.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Təcrübə əsas şərtdir. Dövlət İdarələri və İctimai Xidmət İşçiləri Həmkarlar İttifaqı Mingəçevir Şəhər Komitəsinin sədri Məmməd Cəfərov öz şəxsi fəaliyyəti timsalında bunu sübut etməkdədir. Məmməd müəllim uzun illər təşkilati işlərdə çalışıb. Həm işi dövrün, yerli durumun tələbinə uyğun qurmağı, həm də insanlarla davranmağı, hörmət qazanmağı çox yaxşı bacarır. Təsadüfi deyil ki, elə bu yaxınlarda onun 80 illiyi şəhər ictimaiyyəti tərəfindən təntənə ilə qeyd edildi.