Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Hörmətli redaksiya, yəqin oxucularımıza da məlumdur ki, Dövlət İdarələri və İctimai Xidmət İşçiləri Həmkarlar İttifaqı Respublika Komitəsi əla oxuyan, nümunəvi davranış qaydalarına malik 11-ci sinif şagirdləri üçün xüsusi təqaüd təsis etmişdi. Bu qərar respublikanın 37 rayonunda, o cümlədən Tərtər rayonunda da tətbiq olunmuşdu.
Təqaüd alanlar sırasında rayonun Ə.Məmmədov adına 1 saylı orta məktəbində təhsil alan oğlum Yasin İbrahimli də var idi. Yüzlərlə şagirdin içərisindən belə bir etimada layiq görülməsi oğlumun təhsilə marağını, gələcəyinə inamını daha da artırdı. Etimadı doğrultmaq üçün ikiqat qüvvə ilə oxuyub öyrənməyə başladı. Bu təqaüd maliyyə köməyi olmaqla yanaşı, həm də, yaxşı mənada, psixoloji təsir rolunu oynadı. Sahə Hİ Respublika Komitəsinin göstərdiyi mənəvi, maddi dəstək öz bəhrəsini verdi. Oğlum qəbul imtahanlarında 557 bal toplayaraq Daxili İşlər Nazirliyinin Polis Akademiyasıının tələbəsi adını qazandı. Etiraf edirəm ki, Yasinin uğurlarında tarix müəllimi Aybəniz Kərimova, dil-ədəbiyyat müəllimi Fazilə Kərimova, ingilis dili müəllimi Zümrüd Zamanova, cəbr-həndəsə müəllimi Zahirə Abbasova və məktəbin digər müəllimləri qədər həmkarlar ittifaqının da əməyi, rolu var. Təqaüdçü şagirdləri, onların valideynlərini şəxsən AHİK sədri, millət vəkili Səttar Mehbalıyev qəbul etmişdi. Onun ibrətamiz çıxışı, tövsiyələri uşaqlarımızda dövlətçilik, vətənpərvərlik hisslərini daha da cilaladı. Mən şəxsən cənab Səttar Mehbalıyevə, Dövlət İdarələri və İctimai Xidmət İşçiləri Hİ Respublika Komitəsinin sədri Hikmət Osmanova bir ana kimi təşəkkürümü bildirirəm. Belə bir təşkilatın üzvü olduğum üçün fəxr edirəm.
Hörmətlə: Həcər XEYRİ, Tərtər Rayon Məşğulluq Mərkəzinin baş mütəxəssisi.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Hörmətli redaksiya, yəqin oxucularımıza da məlumdur ki, Dövlət İdarələri və İctimai Xidmət İşçiləri Həmkarlar İttifaqı Respublika Komitəsi əla oxuyan, nümunəvi davranış qaydalarına malik 11-ci sinif şagirdləri üçün xüsusi təqaüd təsis etmişdi. Bu qərar respublikanın 37 rayonunda, o cümlədən Tərtər rayonunda da tətbiq olunmuşdu.