Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Bakıda havaların hərarəti yüksəldikcə respublikamızın meşə ərazilərinin, dəniz sahillərinin qədir-qiyməti də artır. İnsanlar istilərə dözmək üçün, bir neçə günlüyə olsa da, sərinliklərdə dincəlməyə ehtiyac duyurlar. "Sərinliklərin"qiyməti isə heç də həmişə cibə uyğun gəlmir. Bu uyğunsuzluğu aradan qaldırmaqdan, işçilərin yeni enerji ilə əmək fəaliyyətini davam etdirməsindən ötrü həmkarlar ittifaqı təşkilatları maliyyə imkanlarından və nüfuzlarından asılı olaraq yay mövsümlərində çox iş görürlər. Belə təşkilatlardan biri də Aviasiya İşçiləri Həmkarlar İttifaqı Respublika Komitəsidir. RK hələ iyun ayının ortalarından öz vəsaiti hesabına üzvlərinin istirahətinin qayğısına qalmağa başlamışdır. Bu qurumun xidmətində olan H.Əliyev Beynəlxalq Aeroportunun HİK-i 32 nəfərin, Milli Aviasiya Akademiyasının HİK-i 62 nəfərin Nabran istirahət zonasına, "Azal Oyl" Yanacaq Sürtkü Materialları İdarəsinin HİK-i 30 nəfərin Şəkidəki "Cənnətbağı" istirahət zonasına 3 günlük səfərini təşkil etmişdir. İyul ayında isə sadaladığımız təşkilatların və "Azərbaycan Hava Yolları" Qapalı Səhmdar Cəmiyyətinin Uçuşların İstehsalı İdarəsinin, "Azəraeronaviqasiya" Hava Hərəkəti İdarəsinin, Aviasiya Təhlükəsizlik İdarəsinin 418 işçisi və onların ailə üzvləri Nabranda və Qubadakı "Nazlıbulaq"da yaz ətirli günlər keçirmişdir. Aviatorların dilbər təbiət qoynuna 2-3 günlük səyahətləri yayın sonunadək davam edəcək. Yay günəşi hərarətini gücləndirdikcə təbiətin sərin guşələrinə axın da artır. Bu səfərlər, turist səyahətləri zamanı aviatorların bütün qayğılarını HİK-lər öz üzərinə götürür. Gündə 3 dəfə yeməklə təmin olunurlar. Maraqlı əyləncəli tədbirlər təşkil edilir. Əksər hallarda, bəzi kiçik təşkilatlar istisna olmaqla, nəqliyyat vasitəsi müəssisədən xahiş edilib alınır. Yeri gəlmişkən deyək ki, iki-üç günlük səfərlərlə yanaşı, işçilərə çox sayda yollayışlar da verilir. Aviatorlar 15 faiz ödəməklə 15-18 gün Nabranda, Qaxda, Masallıda yerləşən turist bazalarında, pansionatlarda tək və ya ailələri ilə birlikdə dincələ bilirlər.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Aviatorlar istirahət etməyi bacarırlar