Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Kənd Təsərrüfatı və Qida Sənayesi İşçiləri Həmkarlar İttifaqı Qax Rayon Komitəsi 39 ilk təşkilatı və 974 nəfər Hİ üzvünü birləşdirir. Təşkilatların əksəriyyəti son iki-üç ildə yaradılmışdır. "İlham" Mineral-Su MMC-də, "Qoşqar", "İzmir" kiçik müəssisələrində, "Enerji" birgə müəssisəsində, "Real-95" fərdi fermer, "Tərməci" kəndli fermer təsərrüfatlarında yaradılmış həmkarlar ittifaqı təşkilatları nümunəvi işləri ilə fərqlənirlər. İlk təşkilat sədrləri, Hİ fəalları, sıravi üzvlərlə sıx əlaqə qurmaq, onları maraqlandıran məsələlərə aydınlıq gətirmək üçün vaxtaşırı tədbirlər təşkil olunur. Təkcə ötən il rayon komitəsində 6 seminar-müşavirə keçirilmişdir. Onun ikisini "Kənd-Qida İş" Hİ Federasiyası, qalanını isə rayon komitəsi təşkil etmişdir. Federasiyanın keçirdiyi zona seminar-müşavirələrində toplantı iştirakçılarına "Kollektiv və əmək müqavilələrinin bağlanması, işçilərin əmək, sosial-iqtisadi hüquqlarına və əmək qanunvericiliyinə düzgün riayət olunmasına nəzarətin həyata keçirilməsində həmkarlar ittifaqının rolu" və "Aqrar sektorda çalışan insanlara sağlam və təhlükəsiz iş şəraiti yaradılması, onların əməyin mühafizəsi və təhlükəsizlik texnikasına dair maarifləndirilməsi" barədə geniş anlayış verilmişdir. Tədbirlərdə Hİ fəalları ilə yanaşı, rayon icra hakimiyyətinin nümayəndələri, müəssisə və təşkilat rəhbərləri, mütəxəssislər, fərdi fermer təsərrüfatlarının sədrləri iştirak etmiş, sual-cavablar aparılmışdır. Sosial tərəfdaşımız olan müəssisə rəhbərləri ilə ilk təşkilatlar arasında kollektiv müqavilələrin bağlanması təmin olunmuşdur. Xüsusi olaraq qeyd etmək istərdim ki, bu sənədlər hər dəfə yeni müddəalarla zənginləşdirilir, işçilərin əmək, sosial və iqtisadi mənafeləri layiqincə qorunur. Müəssisə və təsərrüfatlarda heç bir bədbəxt hadisə qeydə alınmamışdır. Respublikanın Silahlı Qüvvələrinə hamilik işinin təşkilində səmərəli fəaliyyətə görə təşkilatımız dəfələrlə AHİK-in və Federasiyanın Fəxri fərmanı və diplomları ilə təltif olunmuşdur. İşəgötürənlər işçi ilə əmək müqaviləsi bağlamaqdan hər hansı şəkildə olursa-olsun yayınırlar. İşçilər öz qanuni hüquqlarını bilmədən işə başlayır və son nəticədə müdafiəsiz qalırlar. Güman edirəm ki, AHİK-in III qurultayı əmək qanunvericiliyinə müvafiq olaraq, işəgötürənlə işçi arasındakı əmək müqaviləsinin bağlanması müddəasının pozulması hallarına qarşı sərt mövqeyini bildirəcəkdir. Ölkədə kənd təsərrüfatı sahəsində çalışan insanların orta aylıq əməkhaqqının artım səviyyəsi iqtisadiyyatın digər sahələrində çalışanların qazancından geri qalır. Bu bərabərsizliyin tədricən aradan qaldırılması da ədalətli olardı.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Kənd Təsərrüfatı və Qida Sənayesi İşçiləri Həmkarlar İttifaqı Qax Rayon Komitəsi 39 ilk təşkilatı və 974 nəfər Hİ üzvünü birləşdirir. Təşkilatların əksəriyyəti son iki-üç ildə yaradılmışdır. "İlham" Mineral-Su MMC-də, "Qoşqar", "İzmir" kiçik müəssisələrində, "Enerji" birgə müəssisəsində, "Real-95" fərdi fermer, "Tərməci" kəndli fermer təsərrüfatlarında yaradılmış həmkarlar ittifaqı təşkilatları nümunəvi işləri ilə fərqlənirlər.