Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
AHİK-in ötən qurultayından keçən müddət ərzində Avtomobil Nəqliyyatı və Yol Təsərrüfatı İşçiləri Müstəqil Həmkarlar İttifaqı Respublika Komitəsi öz sıralarını möhkəmləndirmək istiqamətində işini ardıcıl olaraq davam etdirmişdir. Buna baxmayaraq, son illər sahə Hİ-də üzvlərin sayının azalması qaçılmaz faktdır və bu problemin həlli başlıca məqsəd kimi qarşıda durur. Avtomobil nəqliyyatı sahəsində özəlləşmə başa çatdıqdan sonra bir çox müəssisə fəaliyyətini tamamilə dayandırmış və burada çalışan işçilər ya ixtisar edilmiş, ya da öz xoşları ilə işdən çıxmışlar. Təbii ki, bu proses Hİ üzvlərinin sayının azalmasına və üzvlük haqlarının səviyyəsinin aşağı düşməsinə səbəb olur. Həmkarlar ittifaqının maddi bazası zəifləyir. Nəticədə Hİ-nin fəaliyyəti az effektli olur. Təbii ki, öz işçilərinə əməkhaqqı vermək, layiqli iş şəraiti yaratmaq iqtidarında olmayan bir orqan sahə üzrə işçilərin sosial müdafiəsi məsələlərini yüksək səviyyədə həll edə bilməz. Ezamiyyətlərə getmək, tez-tez yerlərdə olmaq, beynəlxalq əlaqələr qurmaq, təbliğat xarakterli tədbirlər həyata keçirmək üçün böyük maliyyə vəsaiti lazımdır. Bəs bu vəsaiti haradan tapmalı? Çıxış yolu kimi bütün sahə üzrə üzvlük haqqının 2 faiz həcmində tutulması, onun mərkəzləşdirilmiş qaydada RK-nın hesabına köçürülməsi barədə qərar qəbul etdik. Lakin maliyyə vəsaitlərinin artırılmasının ən əsas mənbələrindən biri təşkilatımızın sıralarının genişləndirilməsidir. Hazırda ictimai nəqliyyatda minlərlə sürücü işləyir. Təəssüf ki, bu sahədə işəgötürən və işçi münasibətlərinin olmaması, əmək müqavilələrinin bağlanılmaması və əməkhaqqının ödənilməməsi sürücülərin həmkarlar ittifaqına cəlb edilməsini çox çətinləşdirir. Bu gün müəyyən maddi-texniki bazaya malik müəssisələr yaradılaraq nəqliyyat vasitələri və sürücülərin oraya cəlb edilməsi, sivil qaydada əmək münasibətlərinin qurulması zəruridir. Arzu edərdik ki, qurultayda bu məsələ müvafiq dövlət strukturları qarşısında qaldırılaraq müsbət həllini tapsın.
Etibar ƏLİYEV, Avtomobil Nəqliyyatı və Yol Təsərrüfatı İşçiləri Müstəqil Həmkarlar İttifaqı Respublika Komitəsinin sədri.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
NƏTİCƏDƏ Hİ-NİN FƏALİYYƏTİ EFFEKT VERMƏZ