Polşanın məşhur "Solidarnost" həmkarlar ittifaqının prezidenti Yanus Şnedek və beynəlxalq əlaqələr üzrə katibi Ancey Matla ilə ATİAHİ RK-da görüş oldu. RK sədrinin birinci müavini Hümbət Nağıyev qonaqları salamlayaraq ATİAHİ-nin tarixi, bu günü, məqsəd və məramı, strukturu , üzvlərinin sayı və s. barədə ətraflı məlumat verdi.
Bildirdi ki, sahə həmkarlar təşkilatı bir sıra nüfuzlu beynəlxalq birliklərlə, o cümlədən "Beynəlxalq Təhsil Birliyi", "Beynəlxalq Avrasiya Təhsil İşçiləri Həmkarlar İttifaqları Birliyi", "Beynəlxalq Elm və Təhsil İşçiləri Həmkarlar İttifaqları Birliyi" ilə sıx əməkdaşlıq edir.

Noyabrın 4-də Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyev ölkəmizdə səfərdə olan Polşa Həmkarlar İttifaqları Konfederasiyasının (PHİK) ("Solidarnost") prezidenti Yanus Şnedek və beynəlxalq əlaqələr üzrə katibi Anjey Matla ilə görüşmüşdür.

Qonaqlar əvvəlcə Fəxri xiyabana gələrək müasir Azərbaycan dövlətinin memarı və qurucusu, ümummilli lider Heydər Əliyevin xatirəsini ehtiramla yad etmiş, məzarı önünə gül dəstələri qoymuşlar.
Görkəmli oftalmoloq alim, akademik Zərifə xanım Əliyevanın da xatirəsi yad olunmuş, məzarı üzərinə tər güllər düzülmüşdür.
Polşalı qonaqlar Şəhidlər xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman vətən övladlarının məzarları üzərinə güllər düzmüşlər.
Ziyarət başa çatdıqdan sonra S.Mehbalıyev qonaqları AHİK-də qəbul etmişdir.
Tanışlıq, təşkilatlar arasında qarşılıqlı əlaqələrin və əməkdaşlığın vəziyyətinin öyrənilməsi məqsədi daşıyan görüşdə Azərbaycan ilə Polşa arasında münasibətlərin inkişaf perspektivləri müzakirə olunmuşdur.

Biz onu otaqlarımızda tez-tez görürük. Özü də müxtəlif amplualarda. Hətta bir çox hallarda müxbir kimi də qapımızı döyür. Utancaqlıqla yazılarını təqdim edir. Yazılarını oxuyub rəyimizi bildirənə qədər xeyli həyəcan keçirir. Yaxşı rəy eşidəndə uşaq kimi sevinir. Söhbətlərimizin birində dedi ki, mətbuata hələ məktəb illərindən marağım olub. Qəzetləri böyük həvəslə oxuyurdum.

Həmkarlar ittifaqının fəaliyyətinin prioritet istiqamətlərindəndir

Oktyabrın 23-də Qubada TİAHİ Respublika Komitəsi ittifaqın seçkili orqanlarının rəhbərləri və fəalları üçün seminar keçirmişdir. Seminarda Quba, Qusar, Xaçmaz, Dəvəçi, Siyəzən, Xızı, Qubadlı, Zəngilan, Şuşa, Abşeron rayon komitələrinin sədrləri və fəalları iştirak edirdilər.

Bu günlərdə Moskvada İUF-in Şərqi Avropa və Mərkəzi Asiya üzrə Regional Koordinasiya Şurasının 6-cı iclası olmuşdur. «Kənd-Qida» Hİ Federasiyasının sədri Tofiq Quliyev və «Xidmət-İş» Hİ Federasiyasının vitse-prezidenti Cəmaləddin İsmayılovdan ibarət Azərbaycan nümayəndə heyətinin də qoşulduğu iclasda günümüzün çox aktual məsələləri müzakirəyə çıxarılmışdı.

Oktyabrın 30-da AHİK-in kiçik iclas zalında Dövlət İdarələri və İctimai Xidmət İşçiləri Həmkarlar İttifaqı Respublika Komitəsi Rəyasət Heyətinin sahə həmkarlar ittifaqı üzvlərinin 2009-2010 tədris ilində əla qiymətlərlə oxuyan, məktəbin ictimai həyatında fəal iştirak edən və nümunəvi davranış qaydalarına malik 11-ci sinif şagirdləri olan uşaqları üçün təsis etdiyi təqaüdün təqdimolunma mərasimi keçirilmişdir. Mərasimdə AHİK sədri, millət vəkili Səttar Mehbalıyev də iştirak edirdi.

DİİXİ Hİ Respublika Komitəsinin təşkilatçılığı ilə oktyabrın 16-da Müdafiə Nazirliyinin Mərkəzi Hərbi Klinik Hospitalının konfrans zalında "Əməyin mühafizəsi və əmək şəraitinin mövcud sanitar normalara uyğunlaşdırılması" mövzusunda seminar keçirildi.

Seminara Respublika Komitəsinin əhatə xidmətində olan müəssisə və təşkilatların həmkarlar ittifaqı komitələrinin əməyin mühafizəsi üzrə komissiyaların sədri və texniki təhlükəsizlik üzrə mühəndislər dəvət olunmuşdu.

Metalçılar hələ də onun əziyyətini çəkirlər

Oktyabrın 21-də Azərbaycan Həmkarlar İttifaqları Konfederasiyasının kiçik iclas zalında Metal İşçiləri Həmkarlar İttifaqının III qurultayı keçirildi. Qurumun prezidenti Əli Hümbətov qurultayın çox mürəkkəb və ziddiyyətli sosial-iqtisadi dövrə təsadüf etdiyini bildirdi: "Qlobal maliyyə böhranı Rusiya, Qazaxıstan, Ukrayna, Belarus, Türkiyə və başqa tərəfdaş dövlətlərin iqtisadiyyatında artıq özünü göstərməyə başlayıb. 2009-cu ilin yanvar ayında sənayedə real əməkhaqqı Rusiyada 3, Ukraynada 11 faiz, Ermənistanda, Belarusda, Qazaxıstanda, Qırğızıstanda və Moldovada isə daha çox aşağı enib.
Azərbaycanın metal sənayesi uzun illərdi ki, adıçəkilən ölkələrlə sıx əlaqəlidir. Belə ki, adıçəkilən ölkələr krizisin təsirindən Azərbaycandan aldıqları metal məhsullarının miqdarına məhdudiyyət qoymaq məcburiyyətində qalıblar. Bu da, təbii olaraq, Azərbaycanın metallurgiya sahəsinə öz mənfi təsirini artıq göstərməyə başlayıb. Ölkəmizin sənaye müəssisələrinin, xüsusilə də metal istehsalı və emalı, maşınqayırma sahələrinin durumu son dərəcə pisləşib. Obyektiv səbəblərdən işçilərin ödənişsiz məzuniyyətə göndərilməsi, bir sıra müəssisələrdə ştatların və işçilərin ixtisara salınması həmkarlar ittifaqı təşkilatı üçün də problemlər yaradıb".

Oktyabrın 5-də Almaniya Həmkarlar İttifaqları Konfederasiyasının 60 illik yubileyi keçirilmişdir. Tədbirdə 50 ölkədən 200-dən artıq xarici qonaq gəlmişdi. Azərbaycan həmkarlar ittifaqlarını bu tədbirdə Mədəniyyət İşçiləri Müstəqil Həmkarlar İttifaqı Respublika Komitəsinin sədri C.Səttarova, AHİK sədrinin müşaviri E.Eyvazov və AHİK-in beynəlxalq əlaqələr şöbəsinin müdir müavini F.Məmmədov təmsil edirdi.

Ötən həftə ATİAHİ RK Rəyasət Heyətinin Xaçmaz şəhərində növbəti səyyar iclası keçirilmişdir.
AHİK sədri, millət vəkili Səttar Mehbalıyevin sədrlik etdiyi iclasa rayon və universitet həmkarlar ittifaqları komitələrinin sədrləri də qatılmışdılar.

İclasda öncə "Lerik və Astara rayonlarının təhsil müəssisələrində təhlükəsizlik texnikası, yanğın təhlükəsizliyi və istehsalat sanitariyası təlimatlarının vəziyyəti və bununla bağlı rayon həmkarlar ittifaqlarının gördükləri işlər barədə", həmçinin "Kollektiv sazişin və müqavilənin tələblərinə uyğun olaraq Qax və Zaqatala rayonlarının təhsil müəssisələrində ittifaq üzvlərinin sosial müdafiəsinin təşkili və iş rejimi, əmək normaları, o cümlədən dərs bölgüsünün, istirahət və məzuniyyət cədvəlinin qanunvericiliyə uyğun yerinə yetirilməsi sahəsində rayon həmkarlar ittifaqları komitələrinin fəaliyyəti barədə" məruzələr dinlənildi, cari məsələlər müzakirə olundu, müvafiq qərarlar qəbul edildi.

Oktyabrın 7-də AHİK-in kiçik iclas zalında Təhsil İşçiləri Azad Həmkarlar İttifaqı Respublika Komitəsinin 2008-2009-cu tədris ilinin yay sessiyasının nəticələrinə görə təsis etdiyi «Adlı təqaüd»ün təsdiqolunma mərasimi keçirilmişdir.

Tədbirdə çıxış edən AHİK sədri, millət vəkili Səttar Mehbalıyev demişdir: «Ümummilli lider Heydər Əliyevin ölkəmizin sosial inkişafının gücləndirilməsi ilə bağlı yürütdüyü siyasət son 5 ildə ölkə başçısı cənab İlham Əliyev tərəfindən uğurla davam etdirilir. Onun rəhbərliyi altında Azərbaycan iqtisadi inkişaf tempinə görə dünyada lider ölkələrdən birinə çevrilmişdir.