Noyabrın 25-də Xətai Mədəniyyət Mərkəzində Kənd Təsərrüfatı və Qida Sənayesi İşçiləri Həmkarlar İttifaqı Federasiyasının VII Məclisi olmuşdur.

Məclisdə "İş yerlərində layiqli əməyin təminatı, bu sahədə həmkarlar ittfaqlarının fəaliyyəti və qarşıda duran vəzifələr" məsələsinə baxılmışdır.
Hesabat məruzəsi ilə çıxış edən Federasiya sədri Tofiq Quliyev demişdir ki, dövlətimizin əsas qayğılarından biri vətəndaşlarımızın, o cümlədən kənd təsərrüfatı sahəsində çalışan işçilərin rahat, təhlükəsiz iş yerlərində işləməsinə nail olmaqdır. Fermer təsərrüfatlarının, emal, istehsalat sahələrinin müasir avadanlıqlarla təchiz edilməsi, köhnə müəssisələrin modernləşdirilməsi istiqamətində atılan addımlar bu siyasətin uğurla həyata keçirildiyindən xəbər verir.

Dekabrın 1-də Xətai adına Mədəniyyət Sarayında Azərbaycan Həmkarlar İttifaqları Konfederasiyasının (AHİK) təşkilatçılığı ilə "Həmkarlar ittifaqları sağlam və təhlükəsiz əmək uğrunda" mövzusunda təlim-seminar keçirilmişdir.

Tədbirdə AHİK sədri, Milli Məclisin deputatı Səttar Mehbalıyev bu sahədə Azərbaycanda görülən işlər, qəbul olunmuş sənədlər barədə danışmışdır.
Bildirilmişdir ki, Azərbaycanda son illər əmək hüquqlarının qorunması, işçilər üçün sağlam və təhlükəsiz əmək şəraitinin yaradılması istiqamətində mühüm addımlar atılmış, bununla bağlı Bakıda və bölgələrdə müxtəlif iclaslar keçirilmiş və müzakirələr aparılmışdır. Azərbaycan dövlət müstəqilliyini bərpa etdikdən sonra yeni istehsal prosesində sosial xarakterli bazar münasibətləri istiqamətləri seçilmişdir.

Noyabrın 23-də Bakıda Azərbaycan Həmkarlar İttifaqları Konfederasiyasının (AHİK), Beynəlxalq Əmək Təşkilatının (BƏT) və Fridirix Ebert Fondunun birgə təşkilatçılığı ilə "İş yerlərində ayrı-seçkiliyin qarşısının alınmasında həmkarlar ittifaqlarının rolu" mövzusunda konfrans keçirilmişdir.

AHİK sədri, Milli Məclisin deputatı Səttar Mehbalıyev bu sahədə Azərbaycanda görülən işlər, qəbul olunan sənədlər və tətbiq olunan beynəlxalq təcrübə haqqında danışmışdır.Bildirilmişdir ki, gender bərabərliyi problemi beynəlxalq səviyyədə həmişə üstün fəaliyyət istiqamətlərindən biri olmuşdur. AHİK beynəlxalq təcrübəyə əsaslanaraq, bu sahədə üzərinə düşən işin öhdəsindən layiqincə gəlməyə çalışır. BƏT-in dəstəyi ilə AHİK tərəfindən respublikanın müxtəlif şəhərlərində "İş yerlərində qadınların diskriminasiya hallarına qarşı mübarizə" mövzusunda regional seminarlar keçirilmişdir. AHİK qadınların həm ailədə, həm də istehsalatda qanunlarımızın verdiyi imkanlardan lazımi dərəcədə faydalanması istiqamətində daim tədbirlər həyata keçirir. Bu tədbirlərin səmərəliliyini təmin etmək üçün Konfederasiyanın nəzdində Gender Bərabərliyi və Qadın Problemləri üzrə Mərkəz yaradılmışdır. Mərkəzin təşəbbüsü ilə qısa vaxt ərzində bütün sahə, rayon, şəhər, müəssisə, idarə həmkarlar ittifaqı təşkilatları nəzdində də komissiyalar fəaliyyətə başlamışdır.

kollektiv sazişlərdə və müqavilələrdə öz əksini tapıb

Noyabrın 23-də Elektroenergetika və Elektrotexnika Sənayesi İşçiləri Həmkarlar İttifaqı Respublika Komitəsinin geniş tərkibdə V Plenumu keçirilmişdir.
Plenumun gündəliyində əsas məsələ " Sahə həmkarlar ittifaqında kollektiv saziş və müqavilələrin bağlanması və onların icrası" olmuşdur. Bu məsələ ilə əlaqədar Respublika Komitəsinin Təşkilat Şöbəsinin müdiri Şöhrət Mustafayevin məruzəsi dinlənildi.
Məruzədə qeyd edilirdi ki, Azərbaycanda elektrik enerjisinin istehsalında, ötürülməsində və istehlakçılara çatdırılmasında müsbət dəyişikliklər baş verməkdədir.

Ağdam rayonunda "Kənd-Qida-İş" Həmkarlar İttifaqı Federasiyasının təşkilatçılığı ilə "Əməyin təhlükəsizliyinin və sağlamlığın idarəedilməsi sistemi-fasiləsiz təkmilləşmənin yolları" layihəsi çərçivəsində zona müşavirəsi keçirilmişdir.
Tədbiri giriş sözü ilə Federasiyanın rayon komitəsinin sədri Rahibə Süleymanova açmışdır. Müşavirədə "Kənd-Qida-İş" HİF-in sədr müavini Təhmasib Əliyev məruzə ilə çıxış etmişdir. O, iş yerlərinin attestasiyası, işçilərin fərdi mühafizə vasitələri, xüsusi geyim və ayaqqabılarla pulsuz təminatı, onların əməyin mühafizəsi normaları və qaydaları üzrə təlimatlandırılması, biliklərinin yoxlanılmasının təşkili və sair barədə danışmışdır.

gənc kadrların potensialından istifadə etməli, şəffaflıq və demokratiya prinsiplərinə riayət olunmalıdır

Noyabrın 16-da Təhsil İşçiləri Azad Həmkarlar İttifaqı Respublika Komitəsinin (TİAHİ RK) X Məclisi keçirilmişdir. Əvvəlcə ümummilli lider Heydər Əliyevin anadan olmasının 88-ci ildönümü və Dünya Azərbaycanlılarının Həmrəyliyi Günü münasibətilə təşkil olunmuş müsabiqənin qalibləri mükafatlandırılmışlar.Sonra Məclis öz işinə başladı. Tədbirdə sahə Hİ Respublika Komitəsinin Məclis və Rəyasət Heyətinin üzvləri arasında qismən dəyişiklik edilməsi, hesabat-seçki kampaniyasının keçirilməsi, vəzifələrin təsnifatı, büdcə göstəricilərinin və ştat cədvəlinin təsdiqi və sair məsələlərə baxıldı və müvafiq qərarlar qəbul olundu. "Gənclərin Əlaqələndirmə Mərkəzi"nin Gənclər Şurası adlandırılması barədə qərar və yeni strukturun əsasnaməsi təsdiq edildi.