Demokratik, hüquqi dövlət olan Azərbaycan vətəndaş cəmiyyəti quruculuğunda özünün spesifik inkişaf yolunu seçmişdir. Vətəndaş cəmiyyəti özündə təkcə dövlət və siyasi strukturları deyil, həm də insanların könüllü birliklərini birləşdirir.
Oktyabrın 8-də Azərbaycan Həmkarlar İttifaqları Konfederasiyasında keçirilən "Vətəndaş cəmiyyəti sistemində həmkarlar ittifaqının rolu" konfransı elə bu məsələlərə həsr olunmuşdu.
AHİK sədri, millət vəkili Səttar Mehbalıyev giriş sözü ilə qurumun fəaliyyətindən, dövlət və hökumət orqanları ilə münasibətlərindən, işəgötürənlər birlikləri ilə konstruktiv əməkdaşlıqdan, işsizlik probleminin həlli yolunda atılan addımlardan, ölkəmizdə son dövrlərdə həyata keçirilən islahatlardan söhbət açaraq demişdir ki, bir çox dövlət müəssisələrinin özəlləşmə nəticəsində ləğv olunması həmkarların say tərkibinin azalmasına səbəb oldu.
Böyük çətinliklər yarandı. Lakin biz bu çətinliklərin öhdəsindən layiqincə gəldik. İndi Azərbaycan həmkarlar ittifaqı möhtəşəm ictimai birliyə çevrilmişdir. 26 sahə komitəsində 1600000 insan birləşir.

Bakı Beynəlxalq Dəniz Ticarəti Limanında kollektiv müqavilə işəgötürən, həmkarlar ittifaqı komitəsi arasında münasibətləri tənzimləyən əsas sənəd kimi çox yüksək dəyərləndirilir. İki illiyə bağlanmış bu sənəddə qeyd olunmuş öhdəliklərin yerinə yetirilməsi ciddi nəzarətdə saxlanılır. İldə bir dəfə və müddət başa çatdıqda tərəflər əmək kollektivi qarşısında hesabat verirlər. 2006-2008-ci illər üçün bağlanmış müqaviləyə bu ilin iyun ayında yekun vurulmuşdu. Yekun iclasında limanın baş direktoru Elçin Mirzəyevin və HİK sədri Şahəddin Orucovun geniş məruzələri dinlənilmişdi. Müqavilənin yerinə yetirilməsi sahəsində görülən işlər qənaətbəxş sayılmışdı.

Son illər dünyada baş verən proseslər - dünyanı bürüyən maliyyə böhranı, ətraf mühitin həddindən artıq çirklənməsi nəticəsində iqlimin dəyişməsi, bir çox ölkələrin təbii fəlakətlərlə üz-üzə qalması insanları daha ciddi düşünməyə, ağır problemlərdən qurtulmaq üçün müxtəlif yollar aramağa məcbur edir.
Sentyabrın 23-də Azərbaycan Həmkarlar İttifaqları Konfederasiyasında (AHİK) öz işinə başlayan «Şərqi Avropa və Mərkəzi Asiyada əməyin mühafizəsi və ətraf mühit» beynəlxalq seminarı bu mühüm məsələləri həll etmək yollarını müəyyən etməyə çalışdı.

Onu da qeyd edək ki, əməyin mühafizəsi və ətraf mühitin qorunması məsələlərinə həsr olunmuş beynəlxalq konfrans həmkarlar ittifaqı təşkilatlarının ilk tədbiridir. BHİK konfransı başqa ölkədə keçirməyi planlaşdırmışdı. Lakin AHİK sədri, millət vəkili cənab Səttar Mehbalıyevin təşəbbüsü ilə konfransın Azərbaycanda keçirilməsi qərara alındı. Elə açılış mərasimində də AHİK sədri, millət vəkili Səttar Mehbalıyev qonaqları salamlayaraq «Əməyin mühafizəsi və təhlükəsizliyi-sabit inkişaf faktoru kimi» məruzəsi ilə çıxış edərək qeyd etdi ki, bu gün biz çox da asan olmayan, dünya iqtisadi böhranından insanların əziyyət çəkdiyi dövrü yaşayırıq.

Sentyabrın 17-də Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyev ölkəmizdə səfərdə olan Polşa Respublikasının keçmiş birinci xanımı, "Communication Without Barries" Fondunun təsisçisi və prezidenti İolanta Kvasnevska ilə görüşmüşdür.

AHİK-in sədri qonağa Azərbaycanda həmkarlar ittifaqları hərəkatının yaranma tarixi, keçdiyi yol və bugünkü fəaliyyəti barədə ətraflı məlumat vermişdir.

Sentyabrın 16-da Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyev ölkəmizdə səfərdə olan Belçika Senatının fəxri prezidenti xanım Ann-Mari Lizen ilə görüşmüşdür.

Azərbaycan həmkarlar ittifaqlarının tarixindən söz açan S.Mehbalıyev bildirmişdir ki, ilk kollektiv müqavilə - "Mazut Konstitusiyası" neft sahibkarları ilə işçilər arasında XIX əsrin əvvəllərində məhz Bakıda imzalanmışdır. Bu ənənəni davam etdirən Azərbaycan Həmkarlar İttifaqları Konfederasiyası hər il Nazirlər Kabineti, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası ilə Baş Kollektiv Saziş imzalayır.

AHİK sədrinin birinci müavini qurultay nümayəndələrini qəbul etdi

Sentyabrın 8-də Azərbaycan Həmkarlar İttifaqları Konfederasiyası sədrinin birinci müavini İlyas Əliyev qurultaya gəlmiş nümayəndə heyətinin bir qrupunu qəbul etdi. Görüş çərçivəsində sədr müavini ilk olaraq qonaqlara Azərbaycan Həmkarlar İttifaqı Konfederasiyası, onun respublika komitələri, istirahət bazaları və s. barədə məlumat verdi.