Ulu öndərimiz Heydər Əliyev hakimiyyətdə olduğu uzun illər ərzində Azərbaycanda təhsilin inkişafına böyük diqqət yetirmişdir. Orta, ali məktəblərin sayının artırılması, yüksək səviyyədə təchizatı, şagirdlərin, tələbələrin mükəmməl savada malik olması üçün dövlətin imkanlarını səfərbər etmişdir. Məhz onun təşəbbüsü və tapşırığı ilə minlərlə gənc respublikamızın iqtisadiyyatına, mədəniyyətinə, elminə fayda gətirə biləcək ixtisaslara yiyələnməkdən ötrü xarici ölkələrin ən tanınmış ali məktəblərində təhsil almağa göndərilmişdir. H. Əliyev bu müqəddəs işlərin həyata keçirilməsində həmkarlar ittifaqının da köməyindən bəhrələnməyi vacib bilirdi.

Burada hər şey Avropa standartları səviyyəsində olacaq

Dənizkənarı şose yoldan haqqında söhbət açacağımız tikilməkdə olan turist bazasına qədər təxminən kilometryarım məsafə var. Bu məsafəni inanmırıq ki, gələcək turistlər bilə-bilə ləngimədən keçib getsinlər. Çox füsunkar mənzərədir. İnsan yolboyu ruhən dincəlir. Ucalığı papağı başdan salan palıd ağacları, ətir qoxuyan çiçəklər hələ maşınların, ot-əncərini tam əzə bilmədiyi torpaq yol... bütün bunlar insanın qəlbini riqqətə gətirir. Bizə elə gəldi ki, heç bir turist bu ləzzətdən tezliklə məhrum olmağı özünə rəva görməyəcək.

Müəssisə rəhbəri də həmkarlar ittifaqına ümid bəsləyir

Etiraf edək ki, "Xidmət-İş" Həmkarlar İttifaqları Federasiyası öz sıralarını heç də asan olmayan sahənin işçilərinin hesabına genişləndirir. Təsəvvür edin ki, "Mc.Donalds" şirkətinin dünyanın demək olar ki, bütün ölkələrində filialları var. Lakin Bakıdakı müəssisələri şəbəkəsi istisna olmaqla. heç bir filialında həmkarlar ittifaqı təşkilatı yoxdur.

Yay istirahət, maraqlı, yaddaqalan səfərlər, gəzintilər mövsümüdür. İnsanların böyük əksəriyyəti mövsümün bu töhfəsindən yararlanmaq üçün həmkarlar ittifaqına üz tutur.
Həmkarlar ittifaqı öz sıralarında birləşdirdiyi işçilərin istirahətini necə təşkil edir, onlara hansı köməkliyi göstərir? Oxucularımıza təqdim etdiyimiz yazılarda da elə bu suallara cavab tapmağa çalışmışıq.

Avqustun 4-dən 7-dək San-Paulo şəhərində Braziliya Həmkarlar İttifaqları Konfederasiyasının 10-cu qurultayı keçirildi. Qurultaya Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyevin başçılıq etdiyi nümayəndə heyəti də dəvət olunmuşdu.

Braziliya Federativ Respublikası

Cənubi Amerikanın ən böyük ölkəsidir. Braziliya coğrafi ərazisinə görə dünyada 5-ci, əhalisinin sayına görə isə 4-cü yeri tutur. Atlantik okeanı ilə əhatə olunmuş ölkənin şərq sahilinin uzunluğu 7367 kilometrdir. Şimalda Venesuella, Surinam və Fransız Qvineyası ilə sərhədi olan Braziliya cənubda Uruqvay, cənub-qərbdə Boliviya və Peru, şimal-qərbdə isə Kolumbiya ilə qonşuluq edir. Ölkənin paytaxtı Braziliya şəhəridir, pul vahidi realdır. Braziliya 22 dövlətdən meydana gələn federativ bir respublikadır. Parlament Senat və Millət Məclisindən ibarətdir. Hər əyalətdən 3 senator 8 illiyə, millət vəkilləri isə 4 illiyə seçilir. Əyalətlərdə ayrıca xalq tərəfindən seçilən bir qubernator və müstəqil məhkəmə orqanları olur. 18 yaşı tamam olmuş hər bir braziliyalının səsvermədə iştirakı məcburidir. 67 yaşından böyük olanlar üçün səs vermək məcburi xarakter daşımır. Vergilər əyalətlər tərəfindən toplanır.

Gəncə Dövlət Universiteti Həmkarlar İttifaqı Komitəsi fakültələrin əməkdaşlarına, professor-müəllim heyətinə, texniki işçilərə qayğı göstərməyi diqqət mərkəzində saxlayır.

Artıq yay istirahətinin qızğın çağıdır. Səhiyyə İşçiləri Həmkarlar İttifaqı Respublika Komitəsi tibb işçilərinin yay məzuniyyətlərini xoş keçirmələri üçün geniş tədbirlər planı hazırlayıb həyata keçirir.

Cəmiyyətin işçi təbəqəsinin fəaliyyətində baş verən radikal ziddiyyətlərin qarşısını almaq, təsərrüfatın müxtəlif sahələrində çalışan işçilərin əmək, sosial-iqtisadi hüquqlarını və mənəvi dəyərlərini müdafiə etmək məsələlərində həmkarlar ittifaqı təşkilatları aparıcı qüvvəyə malikdir.

-Hazırda dünyanı maliyyə böhranı bürüyüb. Bizdə isə tənəzzül yox, iqtisadi artım müşahidə olunmaqdadır. Təkcə 2009-cu ilin altı ayı ərzində nəzərdə tutulduğundan 375 milyon kilovatsaat çox, yəni 4,7 milyard kilovatsaata yaxın elektrik enerjisi istehsal edilib. İndi nurpaylayanların işinin qızğın çağıdır. Onlar bir qayda olaraq aylıq tapşırıqlara artıqlaması ilə əməl edir, yay təmir kampaniyasını uğurla həyata keçirirlər. Layiqli əməyə layiqincə qayğı göstərməyə çalışırıq.

Əmək və Sosial Münasibətlər Akademiyasında həmkarlar ittifaqı liderləri və fəalları üçün təşkil olunmuş tədris kursu başa çatmışdır.

İyulun 16-da Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev "Kurort" Səhmdar Cəmiyyətinin Mərdəkanda yerləşən "Günəşli" və "Abşeron" sanatoriyalarında xəstələrə göstərilən tibbi-müalicə xidmətinin təşkili və səviyyəsi, eyni zamanda abadlıq-quruculuq işləri ilə yaxından tanış olmuşdur.

AHİK-ə üzv təşkilatların rəhbərlərinin də iştirak etdiyi tanışlıq tədbirində "Kurort" Səhmdar Cəmiyyətinin prezidenti Əbil Ağasıyev sanatoriyalardakı vəziyyət haqqında qonaqlara məlumat verərək bildirmişdir ki, müalicə almağa gələn insanlara göstərilən tibbi-müalicə xidmətinin yaxşılaşdırılması sahəsində bir çox işlər görülmüşdür.

Azərbaycan Həmkarlar İttifaqları Konfederasiyasında (AHİK) ümummilli lider Heydər Əliyevin respublikamızda siyasi hakimiyyətə gəlməsinin 40 illiyinə həsr olunmuş toplantı keçirilmişdir.

Tədbiri AHİK sədrı, Milli Məclisin deputatı Səttar Mehbalıyev açaraq, 40 il bundan əvvəl Azərbaycan tarixində əlamətdar bir hadisənin baş verdiyini vurğulamışdır. Həmin vaxt Azərbaycandakı vəziyyəti səciyyələndirən faktları və rəqəmləri xatırladan sədr bildirmişdir ki, respublikamız keçmiş Sovetlər İttifaqında ən geridə qalanlardan hesab olunurdu.
1969-cu il iyulun 14-də Heydər Əliyevin Azərbaycan Kommunist Partiyası Mərkəzi Komitəsinin birinci katibi seçilməsi ilə respublikamızın və xalqımızın tarixində yeni səhifə açıldı. Azərbaycanın adını şərəfləndirməyi, onu inkişaf etmiş sənaye respublikasına çevirməyi, xalqımızın siyasi, elmi, mədəni və mənəvi potensialını üzə çıxarmağı fəaliyyətinin başlıca prinsipi elan edən liderimizin nəhəng təşkilatçılıq qabiliyyəti və istedadı sayəsində qısa müddətdə bütün sahələrdə misilsiz tərəqqi başlandı.