Müslüm Maqamayev adına Azərbaycan Dövlət Filormoniyasında 2 Fevral Gənclər Günü münasibətilə musiqi və incəsənət məktəblərinin fərqlənən gənc müəlliminin konsert proqramı olmuşdur.

Mədəniyyət İşçiləri Müstəqil Həmkarlar İttifaqı Respublika Komitəsinin və Bakı Şəhər Mədəniyyət və Turizm İdarəsinin (BŞMTİ) birgə keçirdikləri tədbir böyük tamaşaçı auditoriyası toplamışdı. Tədbirdə RK sədri Cəmilə Səttarova və BŞMTİ-nin rəisi Əlikram Əliyev giriş sözü söylədilər. Dedilər ki, dövlətimiz müstəqillik əldə edəndən sonra gənclərimizin intellektual, mənəvi inkişafına böyük qayğı göstərir.

"Həyati əhəmiyyətli qərarlar" layihəsi çərçivəsində seminarlar silsiləsi davam etməkdədir. Rabitəçilər üçün nəzərdə tutulmuş növbəti seminar ənənədən kənar formada başladı.

"Aztelekom" İB-dən, "Azərpoçt" MMC-dən, "Bakı Telefon və Rabitəçi" YYB-dən, "Azərmətbuatyayım", "Teleradio" İB-lərdən, "Azərfon" MMC-dən və "Azyevrotel" BM-dən dəvət edilmiş 24 xanım iştirakçı əvvəlcə gənc rəssamların sərgisində oldular. Sərgiyə tamaşa etdikdən sonra tədbir başlandı. Seminarda iştirakçılara layihənin məqsədi, ilkin nəticələri və respublikamızda gender bərabərliyinə dair mövcud qanunlar, digər hüquqi sənədlər barədə geniş məlumat verildi. Görüşün əsas hissəsi sual-cavaba həsr edildi. Məlum oldu ki, gənc xanımları ən çox narahat edən əmək, hamiləliyə, doğuşa görə məzuniyyətlərdir. Çünki mütəxəssislərə verilən sualların əksəriyyəti bu mövzularda olurdu.

İşçilərdə internet vərdişlərinin aşılanması, bu sahədə biliklərinin artırılması vəzifəsinin öhdəsindən ayrı-ayrılıqda gələ bilməyəcəyik

AHİK-in II Məclisinə hesabat məruzəsində qeyd olunmuşdur ki, müasir dünyamızın inkişafında informasiya texnologiyaları çox mühüm rol oynamaqdadır. "2010-cu ili həmkarlar ittifaqlarında tamamilə kompyuterləşmə, ümumi informasiya şəbəkəsi qurulması ili elan etməliyik. Elə etməliyik ki, Konfederasiyada, sahə respublika komitələrində baş verən hər hadisə, hər keçirilən tədbir, qəbul edilən sənəd dərhal ən ucqarlara çatdırıla bilsin. Bunun üçün ilk növbədə kadrlarla işi və informasiya təminatını gücləndirmək lazımdır".

Azərbaycan Həmkarlar İttifaqları Konfederasiyası Beynəlxalq Həmkarlar İttifaqlarının "Həyati əhəmiyyətli qərarlar" (DFL) mövzusunda qlobal layihədə iştirakını davam etdirir. Layihənin əsas məqsədi gənc qadınlarda özünəinamı artırmaq, iş və ailə problemlərinə kömək göstərmək və onları həmkarlar ittifaqı üzvlüyünə cəlb etməkdir.

Layihə çərçivəsində növbəti qrup görüşü özəl səhiyyə sahəsində işləyən qadınlar ilə keçirildi. Görüşdə "N.Tusi", "Biomed", "Ömür", "İmplant-Dent", "Türk-Amerika", "Neyrospekt" klinikalarında işləyən 25 xanım iştirak edirdi.

20 il bundan qabaq yanvarın 19-dan 20-nə keçən gecə rus-sovet İmperiyasının qoşunları Bakının müxtəlif yerlərindən müstəqillik uğrunda mübarizə aparan əliyalın insanların üzərinə hücuma keçdi. Azadlıq hissləri ilə alovlanan xalqımızın say-seçmə oğulları atəş aça-aça gələn əsgərlərin və tankların qarşısında geri çəkilmədilər. Düşmən güllələri heç kimə rəhm etmədi. Qocalar, cavanlar, uşaqlar öz vətəndaşlarına divan tutan bir cəmiyyətin qurbanlarına çevrildilər. Yüzlərlə dinc əhali şəhidlik zirvəsinə yüksəldi. Çoxlu sayda insan əlil oldu və bir neçə ildən sonra onların bir hissəsi də şəhid adını aldı. İki onillik keçməsinə baxmayaraq xalqımız həmin müdhiş gecənin qurbanlarını ehtiramla yad edirlər. Xalqımız və dövlətimiz tərəfindən 20 Yanvar şəhidlərinin xatirəsi əbədiləşdirilmiş, onların azadlıq arzusu müstəqil Azərbaycan dövlətinin timsalında gerçəkləşmişdir.

Yanvarın 14-də AHİK-in böyük iclas zalında 20 Yanvar şəhidlərinin ailə üzvləri ilə görüş keçirilmişdir. Görüşün əvvəlində şəhidlərimizin xatirəsi bir dəqiqəlik sükutla yad edilmişdir. Onların ruhuna dua oxunmuşdur.

Sonra AHİK sədri, millət vəkili Səttar Mehbalıyev görüş iştirakçılarını salamladı, adları xalqımızın qəhrəmanlıq tarixinə qızıl hərflərlə yazılmış 20 Yanvar şəhidlərinin əbədi yaşayacaqlarını söylədi. "Onlar təkcə öz hünərləri ilə bir ailənin deyil, bütün xalqın övladına çevrildilər, - dedi. Hər bir Azərbaycan vətəndaşı onlarla fəxr edir. Onların qəhrəmanlığının dünya tarixində analoqu yoxdur. Tarixdə elə bir nümunə tapılmaz ki, əliyalın insanlar vətənlərinin azadlığı, müstəqilliyi uğrunda imperiyanın qüdrətli ordusuna qarşı çıxa. S.Mehbalıyev 20 Yanvar şəhidlərini "azadlığımızın memarları" adlandırdı. Dedi ki, şəhidlərimiz bütün dünya azərbaycanlılarının qürur yeri olsa da, anaları, ataları üçün oğul, qız itkisidir.

Dekabrın 29-da AHİK-in kiçik iclas zalında Dövlət İdarələri və İctimai Xidmət İşçiləri Həmkarlar İttifaqı Respublika Komitəsi "Kollektiv müqavilələrin bağlanması və yerinə yetirilməsi ilə bağlı həmkarlar ittifaqı komitələrinin rolu və vəzifələri" mövzusunda seminar keçirdi. Seminarı giriş sözü ilə RK sədri Hikmət Osmanov açdı. Mövzu barədə RK sədrinin birinci müavini Aida Əliyeva geniş çıxış etdi.

Sonra diskussiyalarla davam etdirilən tədbirdə müzakirəyə çıxarılan mövzu ilə əlaqədar bir sıra iradlar söyləndi, təkliflər irəli sürüldü. Həmin gün Respublika Komitəsinin V plenumu keçirildi. Plenumda çıxış edən RK sədri Hikmət Osmanov bildirdi ki, gələn il təşkilatımızın qurultayı olmalı idi.

- Hörmətli Məclis iştirakçıları!
Biz bu tədbirimizə dünyanı sarsıdan dərin maliyyə böhranı şəraitində yığışmışıq. Sevindirici haldır ki, Azərbaycan qlobal maliyyə böhranından maksimum az itki ilə çıxan ölkələr sırasındadır. Bunun başlıca səbəbi ölkə rəhbərliyi, şəxsən Azərbaycan Respublikasının Prezidenti cənab İlham Əliyev tərəfindən uğurla həyata keçirilən antiböhran tədbirləri və ötən illərdən yaradılmış möhkəm maliyyə-iqtisadi potensial hesabına ölkə iqtisadiyyatının dayanıqlığının qorunub saxlanmasıdır. Qlobal böhrana qarşı vaxtında qabaqlayıcı tədbirlərin həyata keçirilməsi bugünkü davamlı inkişafımızı şərtləndirir.
Ölkəmizdə uğurla həyata keçirilən iqtisadi siyasət strategiyası, neftdən əldə olunan gəlirlərin qeyri-neft sektoruna, sahibkarlığın inkişafına, özəl sektorun ümumi daxili məhsulda xüsusi çəkisinin artırılmasına yönəldilməsi kompleks inkişafa gətirib çıxarmışdır.
İqtisadiyyatımızın çoxşaxəli inkişafı respublikamızı bölgənin əsas güc mərkəzinə çevirmiş, iqtisadiyyatda aparılan genişmiqyaslı islahatlar sayəsində bütün sahələrdə mühüm nəticələr əldə olunmuşdur. Cənab Prezident İlham Əliyevin sözləri ilə desək: "Son illər ərzində aparılan köklü islahatlar, iqtisadiyyatımızın şaxələndirilməsi istiqamətində atılan praktiki addımlar bugünkü iqtisadi artımı şərtləndirib. Böhranlı ildə iqtisadiyyatın 6,1 faiz səviyyəsində artması çox gözəl göstəricidir. Deyə bilərəm ki, bölgədə yerləşən ölkələrdə iqtisadi tənəzzül 10 faiz, 15 faiz, 18 faiz səviyyəsindədir. Azərbaycanda isə biz bütün imkanları səfərbər edib iqtisadiyyatımızı inkişaf etdiririk".