Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Gələn il regional innovasiya zonalarının yaradılmasına başlanıla bilər. Bunun üçün nəzərdə tutulan qanun layihəsi qəbul olunsa, sözügedən sahədə tədbirlərin həyata keçirilməsinə heç bir əngəl qalmaz. Bu barədə Rabitə və İnformasiya Texnologiyaları naziri Əli Abbasov məlumat verib. Əsas qanun payızda parlament tərəfindən qəbul edilərsə, yanvarın 1-dən artıq Azərbaycanda xüsusi innovasiya zonalarının yaradılması üçün şərait yaranacaq. Nazirin sözlərinə görə, innovasiya zonalarının yaradılması ilə bağlı məsələlər Rabitə və İnformasiya Texnologiyaları Nazirliyinin bu yaxınlarda dövlət başçısına təqdim etdiyi təkliflər paketində əksini tapıb. Təkliflər paketi yaxın vaxtlarda bütün respublika üzrə iqtisadi zonanın yaradılmasını, Azərbaycanın informasiya texnologiyaları, elektron məhsulların istehsalını, ixracını təmin edə bilən ölkəyə çevrilməsini nəzərdə tutur. Bu təklifləri sözügedən sahədə böyük təcrübəsi olan beynəlxalq və yerli ekspertlər qrupu hazırlayıb. Təkliflər paketi böyükdür, təqribən 800-900 səhifədən ibarətdir. Bu sənəd qanunlardan tutmuş bütün layihələrin əsas göstəricilərini, onların texniki tapşırıqlarını əhatə edir. "Microsoft" şirkəti ilə əməkdaşlıq məsələrinə gəldikdə isə, nazir deyib ki, Azərbaycan hökuməti və "Microsoft" korporasiyası strateji tərəfdaşlıq sazişinin imzalanmasına hazırlaşırlar. Onun sözlərinə görə, Azərbaycan hökuməti bu əməkdaşlıqdan razıdır və onun davam etdirilməsində maraqlıdır. Ə.Abbasov saziş layihəsinin hazır olduğunu qeyd edib. Buna baxmayaraq, bəzi maddələrə düzəlişlər etməyə ehtiyac var. Elə bu səbəbdən də sazişin imzalanması bir qədər gecikir. Nazirin sözlərinə görə, sənəd üzərində iş daha bir neçə ay davam edəcək. Ə.Abbasov hesab edir ki, sözügedən saziş imzalanandan sonra şirkətin Azərbaycanda həyata keçirdiyi layihələrin sayı daha da artacaq. Onun sözlərinə görə, nəzərdə tutulan işlər başa çatdırılsa, "Microsoft"un bütün investisiya layihələri müəyyənləşdirilib elan olunacaq.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Gələn il regional innovasiya zonalarının yaradılmasına başlanıla bilər. Bunun üçün nəzərdə tutulan qanun layihəsi qəbul olunsa, sözügedən sahədə tədbirlərin həyata keçirilməsinə heç bir əngəl qalmaz. Bu barədə Rabitə və İnformasiya Texnologiyaları naziri Əli Abbasov məlumat verib.