Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
LAZIMİ SƏNƏDLƏR HÖKUMƏTƏ TƏQDİM EDİLMƏK ÜÇÜN HAZIRLANIR
Milli Məclisə hələlik batmış əmanətlərin qaytarılması ilə bağlı qanun layihəsi daxil olmayıb. Amma bunun mexanizmləri dəqiqləşdirildikdən sonra məsələyə qayıdılacaq. Bunu Milli Məclisin iqtisadi siyasət komissiyasının sədri Ziyad Səmədzadə bildirib. Onun sözlərinə görə, batmış əmanətlərin qaytarılması hökumətin diqqət mərkəzindədir. Hazırda Baş nazirin rəhbərliyi ilə yaradılmış dövlət komissiyası artıq Maliyyə Nazirliyi, "Kapital bank" və digər təşkilatların iştirakı ilə araşdırmalar aparır. Əmanətlərin qaytarılmasında müəyyən problemlərin olduğunu deyən Z.Səmədzadə qeyd edib ki, əsas fikir ayrılıqlarından biri əmanətlərin necə indeksasiya ediləcəyi ilə bağlıdır. "Ermənistanın Azərbaycana təcavüzü nəticəsində qaçqın və məcburi köçkünlərin yaranması öz növbəsində çoxsaylı saxta kitabçaların peyda olmasına da gətirib. Belə hallar aşkar edilib" deyən millət vəkili qeyd edib ki, hazırda həmin kitabçaların dəqiqləşdirilməsi ilə əlaqədar arxiv materiallarına müraciət edilir. Z.Səmədzadə bu günlərdə hökumətin üzvləri və Maliyyə Nazirliyi ilə danışıqlar aparıb. "Onlar lazımi sənədi hökumətə təqdim etmək üçün hazırlayırlar. Qanun layihəsini hazırlamaq problem deyil. Amma elə mexanizm seçməliyik ki, onun tətbiqi nəticəsində ölkədəki maliyyə sabitliyi davam etsin, eyni zamanda əmanətçilərin də hüquqları bərpa olunsun". Qeyd edək ki, Maliyyə naziri Samir Şərifov isə lazım olan qanun layihəsinin hazır olduğunu və müzakirə edildiyini, qaytarılma mexanizmi dəqiqləşdirildikdən sonra əmanətlərin qaytarılmasına başlanacağını demişdi. Nazir əmanətlərin 2007-ci il yanvarın 1-də qaytarılacağını göstərmişdi. 2005-ci il parlament seçkiləri ərəfəsində Prezident İlham Əliyev əhalinin sovet dövründən əmanət banklarında qalan vəsaitlərinin qaytarılmasının təşkili üçün dövlət komissiyası haqqında fərman imzalayıb. Həmin fərmanda qeyd olunur ki, yaradılan komissiya sovet dövrünün Əmanət Bankına 1992-ci ilin yanvarın 1-dək qoyulan pulların qaytarılası üçün qanun layihəsi və mexanizm hazırlayıb Prezidentə təqdim etməlidir. İlham Əliyev həmçinin banklarda əhaliyə olan borcun hesablanmasını da tapşırmışdı.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
LAZIMİ SƏNƏDLƏR HÖKUMƏTƏ TƏQDİM EDİLMƏK ÜÇÜN HAZIRLANIR