Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
"AZƏRİQAZ" BORCU OLAN RAYONLARA DEKABRIN SONUNA KİMİ VAXT VERİB
"Azəriqaz" bir neçə aydır ki, abonentlərə xəbərdarlığını sərtləşdirmək istəyir. İdarə 2008-ci il yanvarın 1-dən başlayaraq yığım faizi üzrə öhdəliyi yerinə yetirə bilməyən rayonlara qazın verilməsini dayandıracaq. Rayon icra hakimiyyətlərinə xəbərdarlıq məktubları göndərən SC 25 gün ərzində borcları ödəməyi tələb edir. İndiyədək rayon icra hakimiyyətlərinə müraciət edən SC Nazirlər Kabineti qarşısında götürülmüş zəmanəti nəzərə alaraq yığım faizində ciddi dönüş yaratmağı tövsiyə edir. Xatırladaq ki, "Azəriqaz" bir neçə rayonun qaz nəqlini dayandırsa da, yanacaq təchizatını RİH-lərin hökumət qarşısında öhdəlik götürməsindən sonra bərpa edib. SC dekabrın ilk həftəsindən istixanalara verilən qazı da dayandırıb. "Azəriqaz" mərhələlərlə istixanaların qaz təminatını həftənin sonuna kimi başa çatdırmaq niyyətindədir. Əzizbəyov və Xətai rayonlarında bəzi istixanalara qazın verilməsi dayandırılıb. İdarədən onu da əlavə edirlər ki, istixanalara qazın dayandırılmasından sonra istehsalçıların yanacaq ehtiyaclarının ödənilməsi məqsədi ilə müvafiq orqanlar tərəfindən köməklik göstəriləcək. Belə ki, onlara dizel yanacağı, kerosin, mazut və digər məhsulların topdansatış mərkəzlərindən alınmasında bir sıra köməklik edilməsi nəzərdə tutulur. Mütəxəssislərin fikrincə, istixana sahiblərinin yanacaq problemi ilə üzləşməsi kənd təsərrüfatı məhsullarının istehsalına öz təsirini göstərə bilər. Ona görə də onlara alternativ yanacaq növləri verilməsi üçün müəyyən təkliflər müzakirə olunur. "Azəriqaz" gələn il təbii qaz ehtiyatlarının əhalinin təminatına yönəldilməsini vacib məsələ hesab edərək qazanxanaların da mazut rejimində işləməsini nəzərdən keçirir. Hazırda paytaxtdakı bir sıra qazanxanaların təbii qaz rejimindən mazut sisteminə keçidi üçün tədbirlər görülür.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
"AZƏRİQAZ" BORCU OLAN RAYONLARA DEKABRIN SONUNA KİMİ VAXT VERİB
"Azəriqaz" bir neçə aydır ki, abonentlərə xəbərdarlığını sərtləşdirmək istəyir. İdarə 2008-ci il yanvarın 1-dən başlayaraq yığım faizi üzrə öhdəliyi yerinə yetirə bilməyən rayonlara qazın verilməsini dayandıracaq. Rayon icra hakimiyyətlərinə xəbərdarlıq məktubları göndərən SC 25 gün ərzində borcları ödəməyi tələb edir.