Bu proqram Dövlət Neft Şirkətində
çalışanların sosial rifahını yaxşılaşdırmağa xidmət edir

Neft və Qaz Sənayesi İşçiləri Həmkarlar İttifaqı Respublika Komitəsinin Rəyasət Heyəti aprelin 18-də keçirdiyi geniş iclasında "2007-2010-cu illər üçün Sosial İnkişaf Proqramı"nın yerinə yetirilməsində həmkarlar ittifaqlarının rolu" barədə məsələ müzakirə etmişdir.

Məhkəmələrə kişilərlə müqayisədə
qadınlar daha çox müraciət edirlər

Son illər respublikamızda boşanmaların sayı artır. Təkcə ötən il Azərbaycanda 81 758 nikah bağlanıb. 8 340 ailə isə rəsmi qaydada nikahı pozdurub ki, bu da 2006-ci illə müqayisədə 523 ailə çoxdur. Ailələrin dağılmasına səbəb isə müxtəlifdir.

Hadı Rəcəbli: "Bazardakı qiymət dəyişiklikləri
nəzərə alınaraq yaşayış minimumu artırıla bilər"

İlin sonuna qədər Azərbaycanda yaşayış minimumuna yenidən baxıla bilər. Bu barədə Milli Məclisin Sosial İqtisadiyyat Komissiyasının sədri Hadı Rəcəbli məlumat verib.

Qanuna əlavə və dəyişikliklər barədə təkliflər hökumətə göndərilib

Azərbaycan Əmək və Əhalinin Sosial Müdafiəsi Nazirliyi "Ünvanlı sosial yardım haqqında" Qanuna yeni əlavə və dəyişikliklərin edilməsi məqsədi ilə hazırladığı təkliflər paketini ölkə hökumətinə təqdim edib. Nazirliyin yoxsulluq problemləri və ünvanlı sosial yardım siyasəti şöbəsinin müdiri Natiq Qasımov bildirib ki, təkliflər artıq Ədliyyə və Maliyyə nazirlikləri ilə razılaşdırılıb, yeniliklərin isə artıq may ayından qüvvəyə minəcəyi gözlənilir.

Tədbirdə kənd təsərrüfatı sahəsində işləyənlər arasında yoxsulluğun azaldılması barədə danışılacaq

Beynəlxalq Əmək Təşkilatının (BƏT) 2008-ci il payız sessiyasında "Kənd təsərrüfatında yoxsulluğun azaldılması və məşğulluğun inkişafı məsələləri" müzakirəyə çıxarılacaqdır.

Aprel ayının əvvəlində Belçikanın Brüssel şəhərində Təhsil İnternasionalının (EI) Pan Avropa Bərabərlik Komitəsinin görüşü keçirilmişdir. İlk dəfədir ki, bu komitənin görüşündə rekord sayda-26 ölkədən 51 nümayəndə iştirak etmişdir.

Bu, atmosferin təmizlənməsi istiqamətində Azərbaycan
tərəfindən görüləcək böyük işlərin başlanğıcı olacaq

Azərbaycanda 2008-ci ildə 8 milyard kubmetr qaz istehsal etmək nəzərdə tutulub. Ölkə Prezidenti tərəfindən gələn bu tapşırığa uyğun olaraq Azərbaycan Dövlət Neft Şirkəti hələ ötən il "Qaz proqramı" hazırlamışdı. Proqram uğurla həyata keçirilməkdədir. 2007-ci ilin avqust ayından proqram çərçivəsində yeni qurğunun-alçaq təzyiqli qaz kompressoru stansiyasının quraşdırılmasına başlanılmışdır. Əvvəlcə onu qeyd edək ki, bu stansiya xarakterinə görə Xəzər dənizində hələ ən azı bir il yeganə olacaq. Qurğunun quraşdırma işlərini həyata keçirən DNŞ Neft-Qaz Tikinti Tresti 4 saylı Tikinti-Quraşdırma İdarəsinin rəisi Əfqan Məmmədov bildirdi ki, stansiya həm ekoloji, həm də iqtisadi baxımdan çox sərfəli olacaq. Düzdür, onun maya dəyəri də kifayət qədər yüksəkdir. Təkcə tikinti-quraşdırma işlərinə təxminən 15 milyon manat xərclənməsi proqnozlaşdırılıb. Amma təsəvvür edin ki, sutka ərzində "Günəşli" yatağında alçaq təzyiqli qazın 200-300 min kubmetri istehsala yönəldiləcək. Həmin qaz borular vasitəsilə kompressorlara, oradan da emal üçün sahilə ötürüləcək.

Nüsrət İbrahimov:
"Həmin binaların yaxın vaxtlarda sökülməsi məqsədəuyğun olardı"

Emil Axundov:
"Bu binalar hazırda tikilən hündürmərtəbələrdən dəfələrlə möhkəmdir"

Xeyli müddətdir "Xruşşovka" kimi tanınan binaların sökülməsi məsələsi gündəmə gəlib. 50 ildən artıq yaşı olan "Xruşşovka" adlanan binaların sökülməsinə səbəb kimi onların bir çoxunda qəza vəziyyətinin yaranması göstərilir. Artıq bir sıra ərazilərdə sakinlərə evlərini almaq barədə iş adamlarından müraciətlər olunub. "Xruşşovka"ların ərazisində yeni hündürmərtəbəli bina tikmək istəyən iş adamları sakinlərə həmin ərazidə tikiləcək binada ev təklif edir. Sakinlərin istəyindən asılı olaraq evlərini bazar qiymətinə sata da bilərlər. Əgər vətəndaş yaşadığı binanın ərazisində tikiləcək binada ev istəyirsə, həmin ev hazır olana qədər kirayə haqqını da tikintini aparacaq şirkət ödəyəcək.

Azərbaycan Sahibkarlar (İşəgötürənlər) Təşkilatları Milli Konfederasiyası (ASK) 2009-cu il üçün dövlət büdcəsinin layihəsinin hazırlanması prosesi çərçivəsində öz təkliflər paketini bu ilin may ayının 15-dək ölkə hökumətinə təqdim edəcək.

Bu ilin sonuna kimi minimum əməkhaqları və pensiyalarda artım olacaq. Bu barədə Milli Məclisin Sosial-Siyasət Komissiyasının sədri Hadı Rəcəbli məlumat verib.

Naxçıvan Muxtar Respublikasında yaşayan və işləyən insanların sosial müdafiəsi və güzəranı gündən-günə yaxşılaşır. Onlar üçün nəzərdə tutulan əmək, istirahət, təhlükəsiz və sağlam şəraitdə işləmək hüququ həmkarlar ittifaqlarının nəzarəti ilə tənzimlənir.

Ədliyyə Nazirliyi insan hüquqları və ictimaiyyətlə əlaqələr şöbəsinin rəisi Faiq Qurbanov həbsxanalara nəzarət üzrə İctimai Komitənin fəaliyyətindən razıdır: "Komitənin fəaliyyətinin mənfi qiymətləndirilməsi üçün heç bir əsas yoxdur.

Açıq Cəmiyyət İnstitutunun İctimai əlaqələr və KİV üzrə şöbəsinin rəhbəri Rövşən Bağırov təmsil etdiyi təşkilat tərəfindən maliyyələşdirilən layihələrin icrasının monitorinqinin aparıldığını bildirir: "Həmin monitorinqlərdə ayrılan vəsaitlərin hansı istiqamətlərdə xərclənməsi yoxlanılır. Eyni zamanda hər il görülən işlər, maliyyələşdirilən layihələr barədə ictimaiyyətə məlumat verilir.

Nazirlər Kabineti "Büdcədən maliyyələşdirilən müəssisələrdə, təşkilatlarda çalışmış və özlərindən asılı olmayaraq iş yerindən məhrum olmuş məcburi köçkünlərin həyat şəraitinin yaxşılaşdırılması tədbirləri haqqında" 1994-cü il tarixli qərarının 2-ci bəndinin müddətini 2009-cu il yanvarın 1-dək uzadıb.

Milli Bank ipoteka kreditlərinin verilməsi qaydalarının
Nazirlər Kabinetində müzakirə edilməsi ilə bağlı məlumat yayıb

Qeyd edək ki, Dövlət İpoteka Fondu bu ilin martından ipoteka kreditlərinin verilməsinə başlanılacağını bəyan etmişdi. Bununla belə, martdan kreditlərin verilməsinə başlamaq mümkün olmadı. Hələlik ipoteka kreditlərinin verilməsinin konkret vaxtı müəyyənləşdirilməyib.

Problemin həlli üçün qanun layihəsinin hazırlanması təklif edilir

Son illər şəhərətrafı qəsəbələrdə məskunlaşanların sayı artmaqdadır. Paytaxtda mənzillərin qiymətinin bahalaşmasından sonra əksər vətəndaşlar həmin ərazilərdə torpaq alaraq ev tikməyə başladı. Çox vaxt torpaq ayrılması haqqında bələdiyyə sərəncamını alan vətəndaşlar müvafiq dövlət qurumlarının tikintiyə icazə verən sənədi olmadan inşaat işləri aparırlar. Buna bir tərəfdən həmin qurumlarda yaradılan bürokratik əngəllər səbəb olursa, digər tərəfdən müvafiq sənədləri almadan da tikinti aparmağın mümkünlüyü rəvac verib. Sonradan həmin qəsəbələrdə yaşayan sakinlərin qeydiyyata düşmək məsələsi problemə çevrilir. Artıq həmin qəsəbələrin gündən-günə böyüməsi və bu cür ev tikməyə üstünlük verənlərin artması problemin Milli Məclis səviyyəsində müzakirəyə çıxarılmasına səbəb olub.

Azərbaycanda mənzil tikintisi sahəsində əlavə dəyər vergisinin (ƏDV) ödənilməsi üçün vergiyə cəlb olunan minimum dövriyyənin hesablanması üzrə zona əmsalları müəyyənləşib. Vergilər Nazirliyindən verilən məlumata görə, mənzil tikintisi üzrə əlavə dəyər vergisi hesablanarkən 1 kvadratmetr yaşayış sahəsinin vahid baza qiyməti 225 manatdan hesablanacaq.

"Tədbirlər sərtləşdirilərsə, dövlət xəstəxanalarında
çalışan həkimlərin bir hissəsi oranı tərk edəcək"

Dövlət büdcəsindən maliyyələşən xəstəxanalarda pullu xidmətin ləğv olunmasından bir ay vaxt keçdi. Səhiyyə xidmətindən bütün vətəndaşların maneəsiz istifadəsinə hesablanan bu qərar cəmiyyətdə birmənalı qarşılanmadı. Bəzi pasientlərin qənaətinə görə, pullu xidmət ləğv edildikdən sonra əhaliyə göstərilən tibbi xidmətin keyfiyyəti aşağı düşüb. Xəstələrin bir çoxu həkimlərin onlara diqqətlə yanaşmadığından şikayətlənir. Bu halların qarşısının alınması üçün Səhiyyə Nazirliyi ciddi tədbirlər görəcəyini bildirir.

Rövşən Ağayev:
"Əlavə vergi mənbələri yaradılarsa,
bələdiyyə büdcəsini 450-500 milyon
manata çatdırmaq olar"

Fərdi əmək mübahisələrinə baxılma qaydaları

Əmək qanunvericiliyinə görə, Azərbaycan Respublikasında əmək müqaviləsinə yalnız Əmək Məcəlləsində müəyyən edilmiş qaydada və əsaslarla xitam verilə bilər. Bu, Azərbaycan Respublikasının Əmək Məcəlləsi və digər normativ-hüquqi aktlarla kifayət qədər tənzimlənsə də əmək müqaviləsinə xitam verilməsi əksər hallarda, digər əmək mübahisələri kimi, fərdi əmək mübahisələri üzrə işəgötürənlə işçi arasında mübahisəyə və ya məhkəmə baxışının predmetinə çevrilir. Əmək qanunvericiliyi ilə uzun illər məşğul olmuş bir hüquqşünas kimi hesab edirəm ki, ümumiyyətlə, ayrı-ayrı kiçik hallar nəzərə alınmazsa , əmək müqaviləsinə xitam verilməsi sahəsində Əmək Məcəlləsində və digər normativ-hüquqi aktlarda işçilər üçün kifayət qədər hüquq və təminatlar nəzərdə tutulmuşdur. Əmək qanunvericiliyi kifayət qədər sosialyönümlüdür. Belə olan halda işçilər hansı səbəblərdən əmək müqavilsinə xitam verilməsi haqqında əmrlərdən razı qalmır və müxtəlif orqanlara müraciət və şikayətlər edirlər?